Kipang bareh
 Kipang bareh | |
| Asa | |
|---|---|
| Namo lain | Kipang ampiang |
| Nagara | Indonesia |
| Daerah | Sumatera Barat |
| Detail | |
| Panyajian | Suhu ruangan |
| Bahan utamo | Bareh katan, gulo anau |
Kipang bareh atau kipang ampiang marupoan jinih kulek-kulek nan barasa dari Sumatera Barat. Kipang bareh tabuek dari bareh katan nan dicampua jo gulo anau. Bantuaknyo persegi, rasonyo manih jo rapuah. Salain kipang bareh, ado pulo jinih kipang lain nan ado di Sumatera Barat, yaitu kipang kacang. Kalau di Jawa, kipang bareh mirip jo jipang beras nan samo-samo tabuek dari bareh katan.[1]
Caro mambuek
[suntiang | suntiang sumber]Bahan-bahan nan digunoan untuak mambuek kipang bareh yaitu bareh katan, gulo anau, garam, aia, jo minyak goreng. Mulonyo, bareh katan dicuci sampai barasiah, sudah tu dirandam kurang labiah 90 minik. Salanjuiknyo kukus bareh katan tadi. Sambia manunggu bareh katan dikukus, masak gulo anau sampai gulonyo caia, sudah tu disariang. Campuan bareh katan ka gulo anau nan alah disariang tadi, diaduak sampai marato. Kukus baliak sampai masak. Kalau alah masak masuakan ka loyang, potong sasuai salero. Sudah tu dikariangan atau dijamua. Kalau alah kariang, goreng kipang jo minyak angek.[1]
Rujuakan
[suntiang | suntiang sumber]- ↑ a b Media, Kompas Cyber (2020-09-22). "12 Oleh-Oleh khas Sumatera Barat, Karupuak Sanjai sampai Baluik Kariang Halaman all". KOMPAS.com (dalam bahasa Indonesia). Diakses tanggal 2021-06-13.