Kim

Kartu kim digunakan untuk permainan kim

Kim atau kapanjangan dari Kesenian Irama Minang adolah pamainan khas Minang nan bakambang di Pariaman . Kim mulai sajak tahun 1968, khususnyo di Pariaman. Adopun urang nan manciptakan pamainan kim adolah Ajo Kamal, Anasben, dan Metek Adel. Pamainan kim diambiak dari pamainan yang partamo asanyo dari Cina nan disabuik Binggo. Namo kim tu bana diambiak dari urang nan memparkenalkan pamainan Binggoyang adolah Kim Xiang Lee.

Sejarah

Kim tu bana barasal dari Jalan Siti Manggopoh Naras I Kecamatan Pariaman Utara Kota Pariaman. Kim adolah grup badendang nan ditagakkan oleh Indra Fidoz pado tahun 1993. Sejarah lahienyo grup badendang kim barawal sajak Indra Fidoz masih kuliah. Samaso kuliah Indra Fidoz mampunyoi grup musik nan dibuek basamo kawannyo banamo Boy Metal. Selain aktif dalam grup musik Indra Fadoz ado pulo ikuik bakarajo sambilan basamo orgen tunggal nan mangiringi pamainan kim. Salamo 3 tahun Indra Fidoz bamain sabagai orgen tunggal, sajak itu pulo Indra Fidoz mampalajari tantang pamainan kim. Pado tahun 1992 Indra Fidoz mulai perdana tampil sabagai padendang pamainan kim.

Caro Main dan Peran Panampilan

Pamainan kim sabana disukoi dari anak-anak sampai urang tuo nan indak tau jo umue. Kim biasonyo dimainkan waktu acara baralek atau acara pemuda pado malam hari. satiok urang nan ikuik dalam pamainan kim akan diagiah kupon sabanyak 5 karateh warna, merah, kuniang, hijau, biru, jo putiah nan alah disadioan oleh pihak padendang. Satiok karateh baisi angko nan diacak dari angko 1-90. Satiok peserta mampunyoi kupon nan angkonyo babeda jo peserta nan lain. Pado waktu pamainan alah dimulai padendang akan balagu sambia manyabuikan angko nan diambiak dalam sabuah tabuang sacaro acak. Pamainan kim biasonyo dimulai sasudah isya sampai manjalang subuah.

Adopun nan baperan dalam panampilan pamainan kim iyolah padendang pamainan kim, pamain keybord, orgen tunggal, operator, nan paliang pantiang adolah paserta dari pamainan kim. Lagu Minang nan dinyanyikan adolah lagu Pariaman, Ratok Pasaman, Raja Doli, dan irama musik Minang lainnyo nan alah banyak dikenal masyarakat umum.

Perlengkapan dan Aturan Bamain

Perlengkapan nan digunokan katiko bamain kim iyolah :

• Tabuang batu kuncang
• Laptop
• Infokus
• Layar proyektor
• Kupon kim

Aturan dalam bamain kim

• Limo kolom bamain bebas Didalam kupon peserta harus ado angko sabanyak limo kolom dari sambilan kolom nan ado didalam kupon. Apobilo ado nan alah panuah tasilang angkonyo sabaris, itu tandonyo inyo nan manang dan mandapekan hadiah. Biasonyo untuak pamainan nan sabaris itu diagiah hadiah nan paliang ketek, karano baru awal pamainan.

• Sapuluah kolom duo baris bebas

Aturan nan kaduo ko indak jauah babeda samo nan partamo, apobilo kupon peserta alah ado nan panuah tacoret angkonyo sabanyak duo baris, berarti inyo nan manang, duo baris ko indak ditantuan dima lataknyo baiak itu dibagian ateh ataupun dibagian bawah.

• Tiga baris kolom atas atau kolom bawah

Pado aturan nan katigo kupon peserta harus panuah tacoret sabanyak tigo baris, baiak itu tigo diateh atau tigo dibagian bawah. Biasonyo aturan nan katigo ko digunokan pado kupon kalimo atau terakhir.

• Bamain panuah

Bamain panuah adolah tahapan tarakhir dalam pamainan kim, karano peserta pemenang adolah peserta nan alah panuah tacoret sadonyo angko nan ado dikuponnyo.

Fungsi dan Tahap

Pado waktu acara baralek diadokan pamainan kim marupokan salah satu bantuak hiburan nan sangaik disukoi bana oleh masyarakat Pariaman. Pamaian kim mambuek urang nan tibo manjadi betah katiko acara malam pernikahan. Dalam pamainan kim satiok peserta indak hanyo sakadar maharokkan hadiah, tapi juga sabagai media untuak mangajak masyarakat disekitar untuak maramikan acara itu. Salain itu tantunyo bisa manjadi tampek bagurau antaro satu jo nan lainnyo.

Tahap Pamainan Kim

Pado tahap nan partamo padendang akan manyanyikan lagu kim manggunokan lagu Minang nan bajudul Pariaman. Sudah itu padendang maambiak koin angko sacaro acak nan ado didalam tabuang nan dipacik oleh padendang. Kamudian padendang madendangkan lagu nan sasuai jo angko nan diambiak. Barikuik adolah lirik nan didendangkan pado saat maambiak koin angko nan partamo.

Anak kala lagu nan lamo

Lagu joget tuo jo mudo

Hati- hatilah mamak manjago

Batu partamo apo angkonyo

Yo datang nan rampiang pinggang

Ateh bawah badan balubang

Iyo sibutet kato rang padang

Salapan angko nan datang

Iyo tanang sanak manjago

Sansai den lenyai den

Sampai jo dendang lagu nan ka 20 barulah dapek 1 urang pamenang.

Balago singo jo macan

Kaduonyo lari kahutan

Ado limo puluah salapan

Alah ado nan bapunyo

Capek- capeklah pai kamuko

Pamanang itu langsuang maangkek kuponnyo sambia mamakiak kasanangan. Karano manjadi urang partamo nan akan mandapekan hadiah. Sudah itu pemenang pai kamungko pentas untuak mamastian kupon nan dipunyo alah diagiah tando sasuai angko nan alah disabuikan dek padendang. satalah dipariso apobilo angkonyo alah sasuai jo nan disabuikan barulah pedendang maagiah hadiah kapado pamanang. Salanjuiknyo padendang akan kambali mangocok tabuang dan malanjuikan lagu dari angko nan alah diambiak didalam tabuang.