Khairy Jamaluddin
.jpg)
Khairy Jamaluddin Abu Bakar atau biaso disapo KJ, adolah seorang politisi mudo UMNO nan pernah di gadang gadang akan manjadi pamimpin Malaysia di maso depan. Tigo periode manjadi anggota parlemen Malaysia mewakili Rembau, Negeri Sembilan, inyo pernah manjadi Menteri Pamuda jo Olahraga (2009-2013), kudian manjadi Menteri Sains, Teknologi dan inovasi (2020-2021), dan tarakhia parnah manjadi Menteri Kesehatan (2021-2022).[1][2]
Lata Balakang
[suntiang | suntiang sumber]Lahia di Kuwait 10 Januari 1976, inyo adolah anak tunggal dari Dato' Jamaluddin Abu Bakar, saurang diplomat senior Malaysia katurunan Minangkabau Negeri Sembilan nan pernah manjadi Komisaris Tinggi kerajaan Malaysia untuak Nagara Inggris. Sadangkan ibunyo, Datin Dato' Rahmad Abdul Hamid, saurang ibu rumah tangga katurunan Melayu Kedah. Datuaknyo, Abu Bakar, adalah tokoh masyarakat Minang nan dihormati di Rembau, Negeri Sembilan. KJ sendiri adolah manantu dari Tun Abdullah Ahmad Badawi, PM ka-5 (2003-2009).[3]
Pandidikan
[suntiang | suntiang sumber]Khairy Jamaluddin mendapekan pandidikan manangah di United World College of South East Asia di Singapura. Sasudah tu, inyo lanjuikan ka St. Hugh College, Universitas Oxford, dan mandapek gala sarjana muda di bidang Filsafat, Politik, jo Ekonomi. Tahun 1998 inyo mendapekan ijazah sarjana teori Undang-Undang dan Politik dari University College of London (UCL).[4]
Karier
[suntiang | suntiang sumber]Sasudah baliak ka Malaysia, Khairy manjadi saurang wartawan. Partamo sabagai pambaok acara talk show di Dateline Malaysia, kudian manjadi koresponden untuak The Economist (1999). Sasudah tu, baliau diangkek sabagai anggota staf khusus di Kantua Wakia Pardana Mantari pado maso jabatan Abdullah Ahmad Badawi. Mamulai karier politiknyo sabagai anggota UMNO sajak taun 2000, KJ manjabat duo periode sabagai pamimpin pamuda UMNO (2009-2018). Baliau patamo kali tapiliah sabagai anggota parlemen nan mawakili Rembau (Negeri Sembilan) pado pamiliahan 2008. Sasudah itu, inyo diangkek sabagai anggota parlemen nan mawakili Rembau (Negeri Sembilan) pado pamiliahan 2008. Sasudah itu, inyo diangkek dek PM Najib Razak untuak manjadi Menteri Pamuda jo Olahraga Malaysia pado umua 32 taun.
Rujuakan
[suntiang | suntiang sumber]- ↑ Hasril Chaniago, dkk (2023). Ensiklopedia Tokoh 1001 Orang Minang. Padang: UMSB press. pp. 361. ISBN 9786238416004.
- ↑ "KenaliKJ". Khairy Jamaluddin (dalam bahasa Inggris). Diarsipkan dari versi asli tanggal 2023-10-26. Diakses tanggal 2024-02-04.
- ↑ Abu Bakar, Ahmad Yumni; Jamaluddin, Mohd Fairuz; Makhsin, Mardzelah (2019). "Membongkar serangan orientalisme". doi:10.32890/9789672210429.
- ↑ KOMPUTER, UNIVERSITAS SAINS & TEKNOLOGI. "Khairy Jamaluddin". p2k.stekom.ac.id (dalam bahasa Inggris). Diarsipkan dari versi asli tanggal 2024-02-04. Diakses tanggal 2024-02-04.