Kelinci sumatra
| Kelinci Sumatra | |
|---|---|
| |
| Conservation status | |
| Klasifikasi ilmiah | |
| Kingdom: | Animalia |
| Phylum: | Chordata |
| Class: | Mammalia |
| Order: | Lagomorpha |
| Family: | Leporidae |
| Genus: | Nesolagus |
| Species: | N. netscheri |
| Namo binomial | |
| Nesolagus netscheri (Schlegel, 1880) | |
| |
Kelinci sumatra (Nesolagus netscheri), juo dikenal jo namo kelinci sumatra talingo pendek atau kelinci balang sumatra, adolah jenis kelinci lia nan hanyo bisa basuo di hutan tropis di pagunuangan Bukik Barisan di pulau Sumatra, Indonesia. Populasi kelinci Sumatra mangalami panurunan nan signifikan karano panabangan jo parambahan rimbo nan angresi dilakukan di pulau Sumatra.[2] Ukuran panjangnyo sekitar 40 cm, kelinci Sumatra punyo garis-garis kecoklatan, jo ikua bawarna merah, dan bawah paruiknyo bawarna putiah. Kalinci iko biasanyo tingga di rimbo jo katinggian mancapai 600-1400 meter dari permukaan lauik. Kelinci iko marupokan binatang nokturnal, tingga di tampek bekas atau liang binatang lain. Makanannyo adolah pucuak daun mudo dan tanaman nan ukurannyo pendek, tapi kelinci rimbo nan ditangkarkan mamakan biji-bijian jo buah-buahan.[2]
Pengamatan alah dilaporkan sajak tahun 1972 sabanyak 3 kali, di akhir Januari 2007 katiko kamera jebakan dipasang di Taman Nasional Bukit Barisan Selatan.[3]
Manuruik penelitian Jennifer McCarthy dari Massachusetts University berjudul “Using Camera Trap Photos and Direct Sightings to Identify Possible Refugia for The Vulnerable Sumatran Striped Rabbit Nesolagus netscheri [2012]” diketahui kelinci iko endemik pagunuangan Bukik Barisan di Sumatra. Bahkan, manjadi hewan paliang langka, sabab saketek jumlahnyo dan sulik ditamui.
Jennifer McCarthy manjalehkan, dokumentasi sejarah spesies tadiri dari sajumlah ketek spesimen museum nan dikumpuakan salamo 1880-1916. di tahun 1984, hasia survei sadonyo wilayah manggambarkan catatan lokal spesies dari tigo daerah di Sumatra Selatan, namun kunjuangan salanjuiknyo ka daerah-daerah tasabuik indak ado mambari dokumentasi tantang spesies itu.
Tahun 1978, J. Seidensticker mambuek penampakan nan alun dikonfirmasi di dakek Gunung Kerinci, tapi spesies itu tetap indak tafoto di alam liar. Sampai 1998, katiko Fauna & Flora International marekam individu dalam foto kamera jebak di Taman Nasional Kerinci Seblat.
Sajak 1998, tigo panampakan tambahan alah dilaporkan, sadonyo dari Taman Nasional Bukit Barisan Selatan, kawasan nan mambantang di Provinsi Lampung, Bengkulu, dan Sumatera Selatan.
Di tahun 2007, Wildlife Conservation Society–Indonesia Program mandokumentasikan spesies itu dalam duo foto dari kamera jebak di kawasan Pulau Beringin. Pada 2008, ciek individu difoto dek seorang ilmuwan dari WWF, dan pada 2009 ciek individu tampak di sapanjang jalan nan mambalah Taman Nasional Bukit Barisan Selatan,” riset tasabuik manjalehkan.
Jennifer McCarthy mancaritokan katiko dirinyo dan tim malakukan penelitian di TNBBS tahun 2008 dan tahun 2011 manggunokan tujuah kamera digital inframerah. Mereka mandapekkan total 10 foto kelinci belang sumatera, pado duo kesempatan tapisah di lokasi kamera jo jarak 790 meter.
Sabalumnyo, spesies tasabuik dipakirokan hanyo kalua di ateh katinggian 600 meter, namun mereka mandapekkan duo laporan tantang kelinci sumatra dari rimbo dataran randah.
di tahun 1997 misalnyo, kelinci balang sumatra tampak di rimbo dataran randah di luar Pemerihan, Lampung. Baitu juo tahun 2011, ciek foto individu direkam jo kamera jebak di hutan dataran randah primer, pado katinggian 544 meter di Ipuh, Provinsi Bengkulu.
Dalam Jurnal Mammalia volume 83 [2019] berjudul “First description of an immature Sumatran striped rabbit [Nesolagus netscheri], with special reference to the wildlife trade in South Sumatra” karya Arum Setiawan, Muhammad Iqbal dan kolega dikatahui warna balang kelinci sumatera alah tabantuak sajak ketek sampai dewasa. Yaitu, balang garis hitam atau coklat tuo dan abu-abu kakuniangan. Informasi iko dikatahui dari pangamatan kelinci balang dari Gunung Dempo, Sumatera Selatan.
Di Sumatera Selatan, ancaman utama bagi N. netscheri adolah pambukaan hutan untuak lahan batani, tarutamo perkebunan kopi, the, dan kakao.[4]
Panampakan terakhir, Tim Wildlife Rescue Unit (WRU) Seksi Konservasi Wilayah III Sijunjung Balai Konservasi Sumber Daya Alam Sumatra Barat (BKSDA Sumbar) manarimo laporan ado panamuan saikua kelinci sumatra dari kelompok sadar wisata (Pokdarwis) Saniangbaka, Kecamatan X Koto, Kabupaten Solok, Sumbar tanggal 9 jui 2022. Kelinci nan minim cacatan iko ditamukan Pokdarwis dalam kondisi kurang sehat, panuah luko di badannyo, dan sempat dilakukan parawatan salamo tigo hari.
Karano kelinci sumatra iko dianggap super prioritas, Tim WRU Seksi III ditolong dek dokter hewan untuak mamindahkan kelinci ka Yayasan Kalaweit untuak dilakukan proses observasi salanjuiknyo dan dirawat intensif tanggal 11 Juni 2022.
Namun, ditanggal 12 Juni 2022 pukua 7.00 WIB, kelinci sumatra tibo-tibo kajang-kajang, pukua 12.30 WIB kelinci menghambuihkan nafas terakirnyo (mati) dan diambiak tindakan nekropsi dek tim medis kalaweit. Dugaan samantaro, kamatian kelinci sumatra karano luko dibagian pungguang, infeksi, anemia, jo stress. Untuak dilakukan upayo tes DNA, maambiak sampel darah, maambiak organ dalam, jo badan kelinci untuak diawetkan dek laboratorium Biologi Universitas Andalas.[5]
Spesies basangkuiktan
[suntiang | suntiang sumber]Kelinci iko sabananyo adolah satu-satunyo spesies dari genus Nesolagus sampai Kelinci Belang Annam ditamukan di Deretan Annam di Laos dan Vietnam. Para ahli dari Zoological Society of London, berdasarkan kriteria keunikan evolusi dan keteknyo populasi menganggap Kelinci Sumatra salah satu dari 100 spesies mamalia barisiko gadang dari kepunahan.[6]
Habitat dan Pesebaran
[suntiang | suntiang sumber]Kelinci sumatra marupokan hewan nan hanyo bisa ditamui di Pulau Sumatra, sakaligus marupokan binatang asli di bukik barisan tapaknyo di daerah sumatra bagian utara. binatang iko ado di Taman Nasional Gunung Leuser. Kelinci sumatra juo bisa ditamui di rimbo pegunungan jo tanah vulkanik.[6]
Kabaradoan
[suntiang | suntiang sumber]Setelah penampakannyo di tahun 1972, kelinci Sumatera indak ado laporan penampakannyo sampai akhirnyo saikua kelinci difoto pado tahun 2000. Sajak itu ado tigo laporan tentang spesies iko, sadonyo dari Taman Nasional Bukit Barisan Selatan: Pado Januari 2007 ciek difoto jo jebakan kamera di September 2008 ciek difoto dek ilmuwan WWF.[7]
Referensi
[suntiang | suntiang sumber]- ↑ Meijaard, E. & Sugardjito, J. (2008). Nesolagus netscheri. Daftar Sirah Spesies Tarancam IUCN 2008. IUCN 2008. Diakses pada 2011-08-15.
- ↑ a b Gorog, Antonia. "Animal Diversity Web: Nesolagus netscheri". University of Michigan Museum of Zoology. Diakses tanggal 2007-04-05.
- ↑ "Striped rabbit spotted in Sumatra". BBC News. 2007-04-05. Diakses tanggal 2007-04-05.
- ↑ R, Rahmadi (2021-08-20). "Kelinci Sumatera, Si Belang yang Begitu Sulit Ditemukan di Hutan". Mongabay.co.id (dalam bahasa Inggris). Diakses tanggal 2022-07-07.
- ↑ KSDAE, Datin. "Penampakan Kelinci Sumatera di Saniangbaka Solok - Ditjen Konservasi Sumber Daya Alam dan Ekosistem". ksdae.menlhk.go.id. Diakses tanggal 2022-07-07.
- ↑ a b Nowak, Ronald M.; Walker, Ernest Pillsbury (1999-07-29) (dalam bahaso en). Walker's Mammals of the World. JHU Press. ISBN 978-0-8018-5789-8. https://books.google.co.id/books?id=7W-DGRILSBoC&q=nesolagus&pg=PA1930&redir_esc=y.
- ↑ "Striped rabbit spotted in Sumatra" (dalam bahasa Inggris). 2007-04-05. Diakses tanggal 2021-06-05.
Pranala luar
[suntiang | suntiang sumber]
Media tantang Nesolagus netscheri di Wikimedia Commons
