Katupek pitalah

Katupek pitalah adolah makanan khas minangkabau dari nagari Pitalah, nagari diKecamatan Batipuah, Kabupaten Tanah Data. Manuruik nagari asanyo, katupek dibuek dari bareh Saganggam Panuah, nan katonyo mambuek katupek taraso haluih. Biasonyo katupek pitalah dimakan jo gulai cubadak untuak makan pagi. Isi gulai bamacam-macam, sasuai jo daerah masiang-masiang nan nio mambuek katupek pitalah. Tapi manuruik nagari asanyo, isi gulai katupek pitalah ado tigo, iyolah rabuang, cubadak, jo lobak singgalang, dimasak jo talenang (balanga dari tanah liek). Nan manjadi ciri khas katupek iko adolah kuahnyo nan lumek di lidah. Kini katupek pitalah dapek dicari di babagai nagari di Indonesia. Supayo batambah lamak makan katupek pitalah, dapek ditambah jo bakwan, tahu isi, atau karipik.

Referensi:

https://www.cendananews.com/2015/06/katupek-pitalah-kearifan-dari-negeri-hujan-sumatera-barat.htmlhtml