Katan durian
Katan durian, marupokan kuliner khas Sumatera Barat. Katan ko sangaik mudah basuo di kadai-kadai tapi jalan, apolai katiko musim durian. Walaupun indak musim durian, katan ko mudah juo basuo, misalnyo kayak di pasa-pasa tradisional. Biasonyo masyarakat mamakan durian alun langkok rasonyo jiko alun pakai katan,[1] karano buah durian nan manih dan lambuik dimakan basamo jo gurihnyo katan, itulah yang mambuek buah durian cocok dimakan basamo katan. Bahan utamonyo bareh katan dan bumbu-bumbu lainyo, kayak garam jo daun pandan, baa kok pakai daun pandan supayo katannyo harum katiko alah masak. Dalam panyajiannyo basamo durian, katan ditaburi karambia paruik nan alah ditambah jo garam haluih sacukuiknyo. Buah durian nan alah dikubak dihidangkan di ateh piriang jo katan dan karambia paruik.
Maolah bareh katan sabananyo indaklah suluik, supayo katan manjadi ampuak katiko dimasak harus manggunokan bareh katan nan rancak, dan bareh katan dirandam dalam aia salamo 40 minik - 3 jam sabalum mamasaknyo.
Bahan[suntiang | suntiang sumber]
Mambuek katan durian indak lah suluik, bahan mambuek katan sangaik mudah ditamui. Bahannyo bareh katan, bareh katan dirandam dalam aia salamo 40 minik - 3 jam, santan, santan yang digunokan santan encer, garam sacukuiknyo, dan yang terakhir paruikan daun pandan.
Caro Mamasak[suntiang | suntiang sumber]
Katiko mamasak katan harus mamperhatian langkah-langkahnyo, karano katan sangaik lengket, basahi dulu alaik masak sabalum manggunokannyo. Katan sangaik mudah kareh pado suhu ruangan, pastian untuak manutuiknyo sabalum disajikan. Langkah partamo mambuek katan, tuangkan bareh katan kadalam mangkuak, sasudah tu tambahkan aia hinggo dua garih jari di ateh bareh, randam salamo 40 minik - 3 jam. Tirihan aia lalu masuakan bareh katan kadalam mangkuak pangukuih, latak an pangukuih dalam panci yang barisia aia. Tutuik dan kukuih salamo 30-40 minik, makin lamo maso mangukuihnyo makin lambuik katannyo. Tutuik rapek katan yang alah masak, dan siap disajikan. Katan nan alah masak disajikan jo taburan karambia paruik yang ditambah jo garam haluih sacukuiknyo, jan sampai lupo pandampiang utamonyo durian.[2]
Rujuakan[suntiang | suntiang sumber]
- ↑ Eka Rosalina. Strategi Pengembangan Makanan Unggulan Minangkabau Berdaya Saing Global (Skripsi). Politeknik Negeri Padang
- ↑ Azzhara, Shara. "Cara Mengukus Ketan yang Pulen dan Gurih". detikfood (dalam bahasa Indonesia). Diakses tanggal 2019-12-12.