Karupuak kuah

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Karupuak kuah

Karupuak kuah adolah salah satu jajanan khas dari Sumatera Barat. Karupuak kuah atau acok jo disabuik Karupuak leak. Karupuak ko banyak dijumpai di sakitaran jam gadang, ado banyak pedagang nan manjua karupuak kuah. Karupuak kuah iko tadiri dari karupuak leba nan tabuek dari singkong (bisa jo gunokan jenis karupuak lain, tapi jan karupuak nan capek lunak),kamudian diatehnyo diagiah kuah biasonyo kuah yang digunokan adolah kuah sate, kamudian diateh kuah sate tadi ditabua jo bihun nan alah digoreng. Kalau indak ado bihun goreng bisa langsuang makan karupuak yang disiram kuah sate.[1]

Asal mulo nama karupuak leak[suntiang | suntiang sumber]

Indak ado nan bisa mamastian panganan ko mamiliki namo karupuak leak, karupuak mie, atau karupuak kuah sate. Ado banyak namo dalam banyak versi, sabab jajanan barupo karupuak nan disiram kuah sate kamudian diberi mie di bagian atehnyo iko memang tersebar di babagai daerah di Minangkabau.

Rasonyo karupuaknyo nah renyah dan gurih, tatapi lamo-kelamoan karupuak akan lunak dek kuah sate nan disiramkan ka atehnyo. Konon, dinamokan karupuak leak karano ketiko mamakannyo, kemungkinan besar seseorang akan manjadi baleak atau ketumpahan kuah sate.[2]

Caro mambuek[suntiang | suntiang sumber]

Bahan dan langkok :

  1. Bawang putiah duo siung, bawang sirah duo siung , jahe 1 cm, lingkueh 2 cm, kunyik 2 cm, lado sirah 2 buah, merica saketek sajo(dihaluihkan)
  2. Daun salam, daun limau, daun kunyik,  serei (masing-masing 1 lembar).
  3. Tapuang bareh 5 sdm, tapuang kanji 1 sdm (diencerkan jo duo galeh aia)
  4. Daun bawang jo seledri diirih haluih, minyak goreng, garam, penyedap rasa secukupnya.

Cara masak:

  1. Angekan minyak goreng, tumih langkok jo daun langkok sampai wangi.
  2. Masuakkan tapuang nan alah diencerkan.
  3. Tambahan aia masak saketek demi saketek sambia diaduak-aduak hinggo mandapean kekentalan nan diinginkan.
  4. Sabalum diangkek, masukkan irisan daun bawang jo seledri, kalau suko bisa juo ditambahan bawang goreng.[3]

Harga[suntiang | suntiang sumber]

Tagantuang dari ukuran karupuak kuahnyo. Jiko di kampuang bisa jo harago Rp.1000- Rp.2000 dengan ukuran nan biaso. Namun, jiko ditampek objek wisata bisa diharago Rp.3000- Rp.5000 per porsinyo untuak ukurannyo nan cukuik gadang.[4]

Galeri[suntiang | suntiang sumber]

Karupuak kuah di Pantai Padang

Rujuakan[suntiang | suntiang sumber]

  1. Kompasiana.com. "Karupuak Mie Kuah Sate". KOMPASIANA (dalam bahasa Indonesia). Diakses tanggal 2019-11-12. 
  2. "Kerupuk Kuah » Budaya Indonesia". budaya-indonesia.org. Diakses tanggal 2019-11-12. 
  3. Rina, Rina. "kerupuk kuah sate". Ranah Kata Ranah Cinta (dalam bahasa Inggris). Diakses tanggal 2019-11-12. 
  4. Haryanto, Bayu. "Kerupuk Leak, Kerupuk Mie Kuah Sate Jajanan Khas Minangkabau". Diakses tanggal 2019-11-12.