Karupuak jangek

Karupuak Jangek karupuak jangek adolah karupuak nan tabuek dari kulik hewan sarupo kulik jawi ataupun kulik kabau. karupuak nan di buek jo kulik hewan ko biasonyo dinamoan karupuak kulik atau rambak. karupuak jangek biasnyo dimakan jo menu utamo ataupun di makan jo lontong. ditiok daerah, namonyo babeda-beda, kalau di sumatra barat namo nyo karupuak jangek. Di sumatra barat kekhasan karupuak jangek ko taruih dijago, dengan mambuek nyo jo kulik jawi atau kulik kabau. Kulik ko diambiak di pamotongan hewan.

Caro Pangolahannyo

angolahan karupuak jangek ko mambutuahan wakatu nan cukuik lamo. Satidaknyo mamakan wakatu baminggu-minggu. Karano kulik kabau atau jawi ko paralu di jamua cukuik lamo, dan malalui proses lainnyo hinggo bisa sampai panggorengan dan lain sabagainyo. Mangkonyo karupuak jangek ko di jua jo harago nan cukuik maha. Tapi ado juo karupuak jangek ko nan di jua di kadai-kadai ketek jo harago nan labiah murah.

Mancari kulik kabau atau kulik sapi

Manganai pangolahannyo, langkah partamo mancari kulik kabau atau sapi di tampek pamotongan.

Marandam Kulik

Tujuannyo adolah untuak di cuci, dibarsiahan dari darahnyo nan lakek pado kulik sampai barasiah.

Marabuik Kulik

Kulik nan alah di barasiahan , lalu di abuih untuak mangilangan bulu-bulu nan masih ado atau nan masih malakek. Caronyo adolah jo maabuih, maangkekannyo jo pisau.

Marabuih Ulang Kulik jo Mambaka kulik

Kulik kabau atau jawi di abuih ulang dan dibaka untuak siso dagiang nan lakek pado kulik.

Mamotong Kulik Jo Maagiah Garam

Proses salanjuiknyo adolah mamotong kulik nan alah barasiah. Potong kulik ketek-ketek sasuia jo salero masiang-masiang. sasudah itu agiah garam dan jamua kulik salamo saminggu.

Manggoreng Kulik Jo Minyak Sayua

Kulik di goreng jo minyak sayua atau minyak karambia, kulik tadi di goreng satangah masak sajo.

Angkek Kulik, Jamua salamo saminggu, lalu digoreng

Satalah saminggu dijamua, proses salanjuiknyo adolah manggoreng kulik tadi. Iko adolah proses nan tarakhir nan akan mabuek kulik tagoreng sampurna. Biasonyo pangolahn kulik nan rancak, akan mambuek kulik mangambang katiko digoreng.

Nah itulah ulehan tantang karupuak jangek khas Sumatra Barat. kalau sanak nio mabueknyo, jan lupo untuak macari kulik jawi atau kabau nan rancak yo.Mangko sanak akan mansdapek an hasil karupuak jangek.

Rujuakan

1.http://www.apasih.web.id/kerupuk-jangek-makanan-populer-masyarakat-sumatera-barat-1362.html

2.http://ww.infosumbar.net/wisata/karupuak-jangek-makanan-ringan-khas-minangkabau/