Sukarni Ilyas

Wikipedia Minangkabau - Lubuak aka tapian ilimu
(Dialiahkan dari Karni Ilyas)
Loncat ke navigasi Loncat ke pencarian

Dr. (HC). Sukarni "Karni" Ilyas, S.H. (Lahia di Balingka, Agam, Sumatera Barat, 25 September 1952; umua 67 tahun) adolah seseorang tokoh jurnalis jo pajuang hukum Indonesia. Karni marupokan wartawan yang sukses, jo banyak malahian liputan jo program-program unggul.

Asa Usul[suntiang | suntiang sumber]

Karni di lahian dari urang gaek yang barasal dari Minangkabau, Ilyas Sutan Nagari (Ayah) jo Syamsinar (Ama). Kakeknyo dari pihak ama yang banamo Datuak Basa, Marupokan panggaleh kain partai gadang jo salah sorang pambuek Diniyah School. Samaso SMP Karni Basakolah di SMPN 05 Padang. Sasudah manamaikan SMEA di Padang inyo malanjuikan pandidikannyo di Fakultas Hukum Universitas Indonesia.

Karier[suntiang | suntiang sumber]

Karni mamulai kariernyo sabagai wartawan harian Suara Karya pado tahun 1972. Inyo kamudian pindah ka Majalah Tempo tahun 1978 sampai manjabaik sabagai Redaktur Pelaksana. Kepiawaiannyo dalam bidang hukum mambuek Karni ditugaskan untuak mamimpin Majalah Forum tahun 1991-1999. Tahun barikuiknyo Karni mamacik posisi sebagai Komisaris Majalah tersebut.

Inyo mamimpin Liputan 6 SCTV samanjak tahun 1999-2005. Di televisi inyo mandapekan dunia baru yang tanyato luar biaso baginyo. Inyo tapacu katiko bahadapan jo waktu tenggat berita yang bisa muncua satiok saat. Dunia baru ikolah yang mambueknyo mampunyoi jargon bahwa kakuatan televisi adalah kecepatan, kecepatan, dan kecepatan. Dalam tempo hanyo anam tahun, inyo berhasil maantarkan Liputan 6 SCTV manjadi program barito terkemuka di Tanah Air

Karni hijrah ka ANTV tahun 2005. Berkat tangan dinginnyo, banyak tayangan ekslusif lahia dari liputan jo ketajaman naluri kewartawanannyo. Ndak jarang dalam liputan-liputan tarsabuik inyo sakaligus manjadi reporternyo. Tahun 2007, inyo dipercayai mambenahi TV One yang baru sajo diambiak alih Keluarga Bakrie. Pado stasiun televisi iko namanyo cukup bakibar, tarutamo setelah mamandu acara "Indonesia Lawyers Club". Di TV One, Karni manjabat sabagai Direktur Pemberitaan atau Pemimpin Redaksi News dan Sports. Pado tahun 2012, inyo meraih Panasonic Gobel Awards, untuak kategori "Life Time Achievement".[1]

Organisasi[suntiang | suntiang sumber]

Karni aktif di berbagai organisasi wartawan. Inyopun manjadi Presiden Jakarta Lawyer Club, Ketua Umum ATVSI (Asosiasi Televisi Swasta Indonesia), serta Anggota Komisi Kepolisian Nasional.

Piagam[suntiang | suntiang sumber]

  • Panasonic Globel Award pada tahun 2013 sebagai pemenang
  • Panasonic Globel Award pada tahun 2014 sebagai nominasi
  • Panasonic Globel Award pada tahun 2015 sebagai nominasi
  • Anugerah Komisi Penyiaran Di Indonesia pada tahun 2015 sebagai pemenang
  • Panasonic Globel Award pada tahun 2016 sebagai pemenang
  • Panasonic Globel Award pada tahun 2017 sebagai nominasi
  • Panasonic Globel Award pada tahun 2018 sebagai pemenang

Rujuakan[suntiang | suntiang sumber]

  1. https://www.merdeka.com/sukarni-ilyas/profil/