Karak kaliang

Wikipedia Minangkabau - Lubuak aka tapian ilimu
Makanan Tradisional "Karak kaliang"

Karak kaliang adolah makanan khas Minangkabau, makanan iko masuak dalam kategori karupuak tradisional babahan dasar ubi kayu atau disabuik juo singkong. Camilan khas Sumatera Barat iko bawarna kuniang dan babantuak angko dalapan. Raso camilan iko lamak dan gurih. Teksturnyo kariang, jadi cocok disantap pado saat sadang santai basamo kaluarga, baik di rumah maupun nan sadang dalam parjalanan. Ado juo daerah lain di Minangkabau nan manyabuik camilan iko jo namo kue lapan-lapan. Karak kaliang banyak dijua di barbagai suduik kota nan ado di Sumatera Barat. Sasaran camilan iko indak palanggan lokal sajo, namun alah mangarah ka wisatawan. Biasonya urang daerah lua nan pai jalan-jalan ka Sumatera Barat indak lupo mambali oleh-oleh iko sabagai buah tangan sabalun pulang ka kampuang halaman. [1]

Raso nan lamak dan gurih camilan iko manjadi pilihan oleh-oleh tepat para wisatawan salain karupuak sanjai. Ukuran karak kaliang nan biaso dijua ado duo ukuran, yaitu ukuran gadang sagadang ibu jari dan ukuran ketek saketek jari kalingking urang gadang. Bahan-bahan untuak mambuek karak kaliang, bahan pokok utamonyo yaitu singkong atau ubi kayu. Bumbu nan dialuikan bawang putiah, marica, garam, aia sacukuiknyo, dan minyak goreng.

Langkah-langkah mambueknyo yaitu:[suntiang | suntiang sumber]

1. Partamo ubi kayu dikubak lalu dibasuah sampai barasia, kariangkan.

2. Paruik ubi kayu jo parutan halus. Kamudian bahan nan alah diparuik tadi ditambah jo aia sacukuiknyo lalu peras sampai kalua aia patinyo.

3. Aia pati ubi kayu tadi didiamkan salamo 20 menit kamudian dibuang aianyo sahinggo diperoleh tapioka basah.

4. Ampas hasil pamarutan tadi dikariangkan sakitar sahari (indak tarlalu kariang).

5. Tapioka ditambah aia kamudian dimasak sahinggo manjadi seperti lem nan encer.

6. Campua adonan nan alah babantuak lem encer tadi jo ampas ubi dan masuakan bumbu nan alah dialuihkan tadi.

7. Kamudian cetak adonan babantuak angko 8.

8. Goreng sampai matang jo api sadang, angkek dan keringkan. Camilan siap dihidangkan dan dimakan.[2]

Rujuakan[suntiang | suntiang sumber]

  1. https://www.academia.edu/35160976/Resep_Karak_Kaliang_Tepung_Ubi_Bahan
  2. https://budaya-indonesia.org/Karak-Kaliang