Lompat ke isi

Karajinan Rotan

Wikipedia Minangkabau - Lubuak aka tapian ilimu
Macam-macam kerajinan rotan di Pitameh, Bypass Padang

Kerajinan rotan adolah hasil karya masyarakaik nan unik jo punyo fungsi nan banyak. Rotan adolah hasil hutan nan gadang untuangnyo untuak manggaleh,  kabutuahan dalam nagari atau di lua nagari. Rotan ko spesies tumbuahan pamanjek nan memerlukan pohon inang untuak proses pertumbuahannyo (Dransfield dan Manokaran, 1996). Masyarakaik mamanfaatan hasil alam ko untuak karya seni nan bamanfaat untuak kursi tamu, meja tamu, tuduang nasi, kursi goyang jo nan lainnyo.[1]

Sajarah[suntiang | suntiang sumber]

Masyarakaik alah banyak mamanfaatan hasil alam ko, salah satunyo di Padang, Sumatra Barat (Pitameh, Bypass). Asmidar(Nidar) salah satunyo masyarakaik nam manggaleh di Pitameh, Nidar mulai manggaleh kerajinan rotan sajak tahun 2003, jo modal yang seadanyo. Nidar manjalehan kalau dulu nyo terinspirasi jo tetangganyo nan alah mambukak usaho kerajinan rotan sajak 1754. Masyarakaik nan pandai menganyam rotan biasonyo turun tamurun. Dulu, masyarakaik karajo untuak mambuek kerajinan rotan ko di rumah sajo, samakin lamo paminat samakin banyak, urang nan lain pun samakin banyak untuak manggaleh kerajinan rotan, sahinggo sapanjang jalan Bypass, Pitameh banyak nan manggaleh kerajinan rotan ko.

Caro Mambuek[suntiang | suntiang sumber]

Untuak bahan rotan, Nidar mambali jo panjua rotan nan ado di Gaduik, Padang. Rotan nan di pakai Nidar bamcam-macam, sasuai jo kerjinan nan dibuek. Tapi Nidar taruih mamakai rotan nan alah di jamua, karano kok alah di jamua rotan akan lebih awet jo indak bajamur. Rotan nan dibali masih utuh, ditampek Nidar barulah rotan di balah balah, tujuannyo untuak mampamudah manganyam rotan.

Nidar indak surang untuak manggaleh kerajinan rotan, Nidar di bantu jo anaknyo serta saudaranyo "ado tigo urang nan mambantu manganyam, mancat,  jo mambalah rotan" kecek Nidar.

Hasil[suntiang | suntiang sumber]

Bulan puaso banyak nan mamasan kursi tamu, meja tamu jo ayunan. Dalam manganyam ko indak butuah waktu nan lamo bagi Nidar, dalam ampek hari meja atau kursi tamu alah siap diantaan. Harago nan diagiah Nidar ndak talampau maha.

Nidar alah mandapekan pelanggan nan berasal dari berbagai kota, diantaronyo Batam, Pekanbaru, Jambi sampai ka lua nagari yaitu Malaysia.

Rujuakan[suntiang | suntiang sumber]

  1. Sofyan Zainal, Sondang M. Sirait, Lusia Siska (2015). ETNOBOTANI ROTAN SEBAGAI BAHAN KERAJINAN ANYAMAN MASYARAKAT SEKITAR KAWASAN TAMAN WISATA ALAM BUKIT KELAM KABUPATEN SINTANG. Fakultas Kehutanan Universitas Tanjungpura. Jalan Imam Bonjol Pontianak: JURNAL HUTAN LESTARI (2015). pp. 499-500.