Karaguan adaik pakawinan minangkabau

Mamasuki abaik ka 20, adaik pakawinan yang salamo ko di patahanan mulai di raguan. Urang-urang nan nio parubahan mulai manyarang kaum adaik nan masih tradisionil. Doenia Achirat misalnyo mampatanyoan manga di nagari yang bapaga adaik jo agamo malah banyak tajdi pakawinan yang mambuek urang ndak bahagia. Kajadian itu tajadi diduga karano adonyo pajodohan. Pakawinan yang diadoan sacaro adaik dek kandak urang tuo jo mamak dengan caro bajodohan di anggap sabagai palapeh utang tarakhir urang tuo ka anaknyo. Tujuannyo elok, supayo anak padusi nyo bisa mandapaik laki yang elok dan bisa manjago urang ko. Mako dek itu acok di lakuan pakawinan antaro kaluarga tadaket, contohnyo anak jo kamanakan. Hal iko biaso dikenal jo namo pulang ka mamak atau pulang ka bako. yang jaleh asa usua nyo jo katurunannyo.

Dalam pakawinan eksogami, hubungan laki bini indak bagitu panuah makna sahinggo paralu campua supayo indak goyah. tambah dakaik hubungan kaluarga, tambah kuek pulo hubungan pakawinan itu. Pakawinan jo urang lain malah dianggap bisa marusak adaik urang tu. apalgi bakawin jo padusi dari lua minang. Patamo, karano anak nan lahia dari pakawinan itu bukan suku minang jadinyo. dan apolai kahidupan padusi manjadi beban untuak lakinyo. Padohal satiok laki-laki tugas utamonyo untuak kaparluan saudaranyo, kaumnyo dan nagarinyo. Mako dari itu, sajak ado bini dari lua malha dianggap beban dek kaluargo.