Kapulauan Pitcairn

Wikipedia Minangkabau - Lubuak aka tapian ilimu

Kapulauan Pitcarin, resminyo banamo Kapulauan Pitcairn, Henderson, Ducie dan Oeno, adolah kuampuan dari ampek pulau-pulau vulkanis di salatan Samudera Pasifik. Kaampek pulau tasabuik taseba babarapo ratuih mil di samudera pasifik dan mamiliki daratan yang kalau digabuangkan luaehnyo manjadi 47 hektar kilometer, dimano pulau Henderson marupakan pulau talueh yang maliputi 86% kasaluruahan daratan. Namun damikian hanyo Pulau Pitcairn yang bapanghuni.

Pitcairn marupakan negara bajurisdiksi yang paliang saketek mamiliki warga negara. Panghuni pulau Pitcairn adolah para awak kapa yang talibek dalam kajadian di Dahagi di ateh HMS <i id="mwDA">Bounty</i>, jo warga Tahiti yang turuik dibaok para pandahagi, mode yang dicaritoan di novel Mutiny on the Bounty, yang manjadi tema babarapo film. Sijarah pulau Pitcairn iko taliek jaleh dari namo-namo margo panghuninyo yang marupakan katurunan dari para awak kapa HMS Bounty.

Sijarah[suntiang | suntiang sumber]

Pamukim Polinesia di Pitcairn dan Kapunahannyo[suntiang | suntiang sumber]

Pamukim awal di Kapulauan Pitcairn adolah urang Polinesia yang tampaknyo alah tingga di P. Pitcairn jo P. Henderson, sarta P. Mangareva 400 kilometer (250 mil) di barat lauik, salamo babarapo abaik. Mareka saliang mampadagangkan barang sahinggo tabantuak ikatan sosial di antaro tigo pulau tasabuik. Ikatan sosial yang tajalin meaalui palayaran kano tu, mambantu populasi ketek yang ado di satiok pulau untuak batahan hiduik dalam sumber dayo yang tabateh. Katiko sumber dayo alam yang pantiang bakurang, padagangan anta pulau itupun tagaduah dan tajadilah parang sipil di P. Mangareva, yang manyababkan populasi urang di Henderson jo Pitcairn bakurang dan akhirnyo punah.[1]

Maskipun sabagian arkeolog pacayo bahwa urang Polinesia tingga di Pitcairn hinggo akhia abaik ka-15, pulau-pulau tasabuik indak bapanghuni katiko mareka ditamukan kambali jo urang Eropa.

Kadatangan Urang Eropa[suntiang | suntiang sumber]

Kapulauan Ducie jo Henderson ditamukan jo palauik Portugih Pedro Fernandes De Queiros, yang balayar untuak Karajoan Spanyol, pado tanggal 26 Januari 1606. Inyo manamakan kaduonyo La Encarnación ( "Inkarnasi") jo San Juan Bautista ( "Santo Yohanes Pembaptis"). Namun, babarapo sumber manyatokan karaguan tantang mano yang dari pulau-pulau yang dikunjuangi dan diagiah namo jo Queiros. Kamungkinan La Encarnación sabananyo adolah P. Henderson, jo San Juan Bautista mungkin P. Pitcairn.

Pulau Pitcairn taliek pado 3 Juli 1767 jo awak kapa Inggrih HMS Swallow, di bawah komando Kapten Philip Carteret. Pulau itu dinamoan dangan maambiak namo Taruna Robert Pitcairn, salah saurang awak kapa yang baumua limo baleh tahun yang marupakan urang patamo yang maliek pulau tasabuik. Robert Pitcairn adaoah anak Mayor Angkatan Lauik Inggrih John Pitcairn, yang kamudian mati di Patampuran Bunker Hill dalam Revolusi Amerika .

Carteret, yang balayar tanpo kronometer lauik yang katiko tu baru sajo ditamukan, mametakan Pulau Pitcairn di 25 ° 2'S 133 ° 21'W. Maskipun pakiraan garih lintangnyo cukuik akurek, tatapi pakiraan garih bujuanyo maleset sakitar 3 ° (330 km). Hal iko mambuek Pitcairn sulik untuak ditamukan, mode kagagalan Kapten James Cook untuak manamukan pulau tasabuik pado bulan Juli 1773.[2]

Rujuakan[suntiang | suntiang sumber]

  1. Rujukan kosong (bantuan) 
  2. Rujukan kosong (bantuan)