Kantua Walinagari Sungai Pua
Nagari Sungai Pua marupokan sala ciek nagari nan talatak di Kecamatan Sungai Pua, Kabupaten Agam. Sajak zaman panjajahan kolonial Balando, urang Nagari Sungai Pua pado umumnyo labiah sanang mancari karajo di rantau.[1] Oleh karano itu, parantau Nagari Sungai Pua alah tasebar dima-dima jo punyo organisasi nan tastruktur disabuik Ikatan Perantau Sungai Pua (IKPS). Walaupun marantau, para parantau tu tetap manjadi warga Nagari Sungai Pua nan punyo kewajiban untuak mambangun nagari. Pambangunan di Nagari Sungai Pua alah tagolong tinggi.
Pado umumnyo, satiok kegiatan pambangunan malibat an parantau. Contohnyo adolah pambangunan kantua wali nagari Sungai Pua, anggaran danannyo 1,3 M (65%), nan barasal dari swadaya urang-urang, sadangkan 700 juta lai (35%) barasal dari Alokasi Dana Nagari.[2] Selain tu, pambungan fasilitas keagamaan di tiok jorong dibangun juo jo manggunoan pitih parantau.
Manuruik data pambangunan mulai tahun 2008-2016, persentase sumber pitih pambangunan paliang banyak malalui swadaya urang nan marupokan pitih nan dikumpuaan dari parantau.[3] Pambangunan di nagari sungai pua alah dapek tagolong rancak. Kini ko fasilitas urang alah langkok di nagari sungai pua.
Infrastruktur nagari sungai pua pado umumnyo alah rancak juo. Kaberhasilan pambangunan tersebut indak bisa dilapehan dari peran serta urang dalam kegiatan pembangunan. Parantau nan marupokan urang sungai pua nan sadang indak tingga di sungai pua ikuik juo dalam mambangun nagari sungai pua.
Rujuakan
[suntiang | suntiang sumber]- ↑ Adi, I. (2001). Pemberdayaan,Pengembangan Masyarakat, dan Intervensi Komunitas. Jakarta: Lembaga Penerbit Fakultas Ekonomi Universitas Indonesia.
- ↑ Adisasmita. (2006). Pembangunan Perdesaan dan Perkotaan.Yogyakarta: Graha Ilmu.
Andriansyah. (2017). Antara Sumbar. Retrieved Oktober 25, 2017,
- ↑ fromwww.antarasumbar.com:http://www.antarasumbar.com/berita/133949/sungai-pua-masuk-sembilan-besar-nagari-terbaik-tingkat-nasional.html?utm_source=fly&utm_medium=related&utm_campaign=news