Kangguru pohon

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Kanguru Pohon Goodfellow mamiliki namo latin Dendrolagus goodfellowi. Binatang unik ko dalam bahaso Inggirih dikana jo namo Goodfellow's tree-kangaroo atau ornate tree-kangaroo. Namo kanguru ko diambiak dari namo saurang kolektor zoological bakebangsaan Inggirih nan banamo Walter Goodfellow.

Kangguru pohon adolah makropod nan baadaptasi jo lingkuangan di ateh pohon. Mereka mandiami hutan hujan di Australia jo Papua, Queensland, sarato pulau-pulau tadakek Meski sabagian gadang ditamuan di daerah pagunuangan, babarapo spesies tadapek juo di dataran randah saparti Dendrolagus spadix. Sabagian gadang kangguru pohon marupoan hewan nan tarancam punah akibek paburuan jo kahilangan habitat.

Tadapek 12 spesies kangguru pohon, mereka mamiliki variasi ukuran jo warna bulu nan cukuik signifikan, jo ukuran kapalo jo panjang tubuh sakitar 41 hingga 77 sentimeter (16 hingga 30 in), panjang ikua 40 hingga 87 sentimeter (16 hingga 34 in), jo barek mancapai 14,5 kilogram (32 lb). Batino baukuran labiah ketek dari jantan.

Spesies[suntiang | suntiang sumber]

Barikuik ko adolah spesies nan masuak ka dalam genus Dendrolagus:

  • Dendrolagus inustus; Habitat sebelah utara dan barat pulau Papua, Pulau Yapen, Pulau Salawati, dan Pulau Waigeo
  • Dendrolagus lumholtzi; Queensland, Australia.
  • Dendrolagus bennettianus; Queensland, Australia.
  • Dendrolagus ursinus; Semenanjung Doberai, Papua.
  • Dendrolagus matschiei; Tanjung Huon, Papua Nugini.
  • Dendrolagus dorianus; Bagian barat, tengah, dan tenggara Papua.
  • Dendrolagus stellarum; Dataran tinggi Papua.
  • Dendrolagus goodfellowi; Bagian tengah dan tenggara Papua.
  • Dendrolagus pulcherrimus; Pegunungan Foja dan Pegunungan Torricelli, Papua.
  • Dendrolagus spadix; Barat Daya Papua Nugini.
  • Dendrolagus mbaiso; Dataran tinggi Papua.
  • Dendrolagus scottae; Provinsi Sandaun, Papua Nugini.

Makanan Pokok[suntiang | suntiang sumber]

Jo barek badan sakitar 15 – 30 pounds sarato jo gigi ketek nan dimilikinyo, makanan pokok kanguru pohon adolah dadaunan, bungo, buah-buahan, rantiang pohon, talua, buruang ketek jo rarumputan. Mereka mampunyoi kabiasaan manjileki badannyo surang untuak manjago suhu tubuhnyo.

Reproduksi[suntiang | suntiang sumber]

Jo rantang hiduik nyo nan bisa mancapai 20 tahun, kangguru pohon batino ka mamasuaki kamatangan reproduksi pado usia 2,5 tahun, sadangkan jantan 4,5 tahun.Indak ado musim khusus untuak kawin, kanguru pohon batino hanyo bisa malahiakan satu joey atau bayi kanguru dalam satu tahun. Maso kahamilan kanguru pohon balansuang salamo 44 hari. Salamo maso kahamilan tersebut kanguru pohon batino ka maasingan dirinya dari hewan lain. Bayi kanguru pohon nan baru lahia (masih saparti janin) ka tingga di kantuang induaknyo sampai bakambang sempurna antaro 9 – 10 bulan jo manyusui sampai 3 – 4 bulan patamo samanjak lahia.

Referensi[suntiang | suntiang sumber]

3. http://kebunbinatangonline.blogspot.co.id/2016/04/Kanguru-pohon.html. KBL The Largest Zoo

4. http://www.iucnredlist.org/details/6429/0. IUCN Red list