Kambang loyang

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Kambang loyang adolah salah ciek kue tradisional asal Minangkabau nan labiah dikanal jo namo "Kamaloyang" karano diucapkan sacaro capek. Raso dari kambang loyang ko ado duo jinih, manih nan barasa dari gulo, asin nan dalam pembuatannyo indak pakai gulo. [1]

Caro mambuek[suntiang | suntiang sumber]

Mambuek lambang loyang mambutuhan bahan nan murah didapekan, yaitu tapuang bareh 350 g, santan karambia 450 ml, gulo pasir 100 gr, adas manis1 sdt, garam jo minyak goreng sacukuiknyo. Caro mambueknyo yaitu, sadonyo bahan nan ado dicampur salain minyak goreng, hinggo tacampur rato sarato adonan encer. Salanjuiknyo, adonan digoreng sampai berwarna coklat manggunoan cetakan babantuak bungo kambang jo limo kalopak. Satalah kue bawarno coklat, mako kue alah bisa diangkat, lalu ditiriskan. [1]

Mambuek kambang loyang ko mambutuhkan wakatu nan cukuik lamo, karano kurang labiah untuak 1kg bahan nan digunoan, mambueknyo sampai 2 jam. Hal iko karano alaik nan digunoan untuak mambuek kue masih sederhana. [2]

Rujuakan[suntiang | suntiang sumber]

  1. a b Lila Muliani dan Chairunisa Chayatinufus, Murdijati Gardjito (2019). Kuliner Minangkabau. Jakarta: Gramedia. pp. 235. ISBN 978-602-06-3238-4. 
  2. Noli Hendra, M (20 Juni 2019). "Makanan Tradisional Loyang di Sumbar, Segmen Pasar Menjanjikan". cendananews.com. Cendananews. Diakses tanggal 26 Januari 2020.