Kamardi Rais

Kamardi Rais

Biografi
Lahia	12 Maret 1933 Koto Payakumbuh
Kamatian	25 Oktober 2008 (75 tahun (id) ) Koto Padang
Kalompok etnis	Urang Minangkabau
Kagiatan
Karajo	Wartawan

Kamardi Rais adolah Wartawan dan Ahli Pidato Adat nan lahia pado tanggal 12 Maret 1933 di Aia Tabik, Kabupaten 50 Kota. Baliau maningga pado tanggal 26 Oktober 2008 di umua 75 Taun. Kamardi Rais marupoan wartawan yang maabisan ampia saparuah umuanyo untuak manjadi wartawan. Baliau indak hanyo manjadi wartawan satampek, salain itu baliau manjadi koresponden dari koran nan tabik di Palembang, Bandung, dan Jakarta. Salain manjadi Wartawan, Baliau berperan lo sabagai panghulu di kaumnyo nan bagala Datuak Panjang Simulie. sabagai urang nan ahli dan apa pidato adaik, kalau ado acara-acara gadang mode batagak panghulu yang malibaikkan pamarintahan Sumatera Barat atau daerah lainnyo datuak Kamardi pasti diundang basamo almarhum Datuak Rajo Panghulu katua DPRD Agam untuak bapidato adat.

Karier datuak Kamardi sabagai wartawan didapek dari baraja sacaro otodidak. Malalui hobi baliau mambaco buku mambuek baliau punyo wawasan nan lueh, sahinggo hobinyo baguno didunia wartawan yang baliau geluti. karano karier baliau nan cemerlang, pado taun 1981 sampai taun 1989 Baliau dipacayo mamacik jabatan sabagai katua PWI ( persatuan Wartawan Indonesia) cabang Sumatera Barat. sangkek tu Kamardi manjabat sabagai pimpinan Redaksi Harian Semangat di Padang dan baliau juo manjadi pamimpin umum majalah "Adat Limbago". salain itu baliau tacatat sabagai pandiri LKAAM (lembaga Karapatan Adat Alam Minangkabau) Sumatera Barat.