Kaliki

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Kaliki
Papaya tree and fruit, from Koehler's Medicinal-Plants (1887)
Klasifikasi ilmiah
Kingdom: Plantae
(unranked): Angiosperms
(unranked): Eudicots
(unranked): Rosids
Order: Brassicales
Family: Caricaceae
Genus: Carica
Species: C. papaya
Namo binomial
Carica papaya
L.
Buah pepaya betina

Kaliki atau Sampelo adolah tumbuahan nan barasa dari Meksiko bagian selatan jo bagian utara dari Amerika Selatan, kini taseba laweh jo banyak ditanam di banyak daerah tropis untuak diambia buahnyo. C. papaya marupoan satu-satunyo jinih genus Carica.

Panamoan[suntiang | suntiang sumber]

Ado banyak panamoan buah ko di Minangkabau, manuruik dialek tiok-tiok daerah. Di kawasan pasisia biaso diagiah namo sampelo. Di daerah darek biasonyo kalikih, batiak, botik, jo botiak. Namo-namo lain nan dipakai juo di antaronyo pancenek, asam pelo, papayo, katuka, patuka, pisang pelo, jo situko.

Namo "pepaya" dalam bahaso Indonesia diambiak dari bahaso Ulando, "papaja", nan juo dari namo baso Arawak, "papaya". Dalam bahaso daerah lain misanyo baso Jao kaliki disabuik "katès" sadangkan dalam baso Sunda "gedang".

Kagunoan[suntiang | suntiang sumber]

Buah kaliki dimakan dagiangnyo, baiak katiko mudo atau alah masak. Dagiang buah mudo dimasak untuak sayuran jo sambal. Dagiang buah nan masak dimakan langsuang atau dicampua jo makanan lain. Kaliki dimanfaatkan pulo daunnyo sabagai sayuran dan palunak dagiang. Daun Kaliki mudo dimakan jadi lalap (siap dirabuh aie angek) atau dijadikan pambungkuih buntil. Urang Manado, bungo batiak diurap manjadi sayuran nan biaso dimakan. Gatah kaliki (lai di batang, daun, djo buah) manganduang enzim papain, samacam protease, nan dapek melunakkan daging jo mangubah konformasi protein lainnyo. Papain alah diproduksi sacaro massal jo lah manjadi barang nan digaleh.

Untuak mamproduksi papain, bahan baku nan paralu disiapan adolah gatah kaliki. Samentaro bahan katalisnyo aia jo sulfit. Aia digunokan sabagai pangencer gatah kaliki, sadangkan sulfit digunokan sabagai palaruik bahan kimia.[1]

Manfaaik[suntiang | suntiang sumber]

Manfaat buah kaliki: Kaliki lai manfaat nan banyak dek kaliki banyak manganduang vitamin A nan baik untuak kesehatan mato, kaliki juo mampalancar pencernaan untuak nan payah buang aia gadang. Di babarapo tempek buah kaliki satangah matang dijadikan rujak buah manih jo buah bengkoan, naneh, apel, balimbiang, jambu paraweh. Gatah buah kaliki juo tagolong mahal dek gatah kaliki dapek diolah manjadi tapuang papain nan berguno untuak kabutuhan rumah tangga jo industri. Kok paubekan herbal kaliki dapek mancagah kanker[2], sembelit, kesehatan mato.

Rujuakan[suntiang | suntiang sumber]