Kalenteang Sentiong

Kalenteang Sentiong lokasinyo ado di kantor Kong Koan atau Dewan Opsir Tionghoa.

Bangunan iko tampeknyo di Jalan Lao Tze. Pado jalan Lao Tze awak beko akan batamu samo bangunan yang sadarano.Rumah tasabuik sangaiklah babeda dari abaik ka-18, alasannyo karano biasonyo rumah tasabuik gagah katiko di caliak. Pado jalan di kabun yang diapik oleh pohon-pohon palem yang akan mambaok awak ka tampek katiko zaman kini digunoan sabagai ruangan muko atau ruangan masuak. Katiko jaman saisuak ruangan muko iko iolah ruangan balakang, kalau kini disabuikaan ruangan balakang dulu iolah ruangan muka atau ruangan masuak.

Barubahnyo panyabuikaan namo tasabuik alasannyo karano ruangan masuak jaman kini ko bantuaknyo labiah gagah katiko dicaliak. Jiko kok dibandiangkan samo ruangan masuak jaman saisuak. Rumah yang dikaji di ateh tadi namonyo rumah Goenoeng Sarie. Punyo rumah Goenoeng Sarie iolah urang Belanda yang banamo Coyett. Coyett mambangun rumah tasabuik pado tahun 1736 dan salasai katiko itu juo. Katiko masuak kalenteang awak dapek mancaliak rumah Goenoeng Sarie indaklah rumah urang Tionghoa tatapi rumah urang Belanda abaik ka-18. Hal iko dikaranokan dapek dicaliak dari rumah Goenoeng Sarie jandelanyo gadang, selain itu adonyo kaco-kaco pasegi dan jo langik-langik rumah.

Makasuik Coyett managakan rumah Goenoeng Sarie dengan bantuak bangunan yang sadarano dan bantuak rumah yang ketek alasannyo untuak tampek balibur dengan tanang dari kota Batavia. Kota Batavia marupakan tampek dima Coyett bakarajo. Coyett sangaiklah nio punyo rumah di tangah-tangah alam. Alasannyo karano nio marasoaan raso tanang. Hal iko sangaiklah babeda jo bantuak rumah urang jaman saisuak. Katiko dulu urang kayo bapacu-pacu managakan rumah yang gadang di tangah kabun. Dicaliak dari gambar jaman saisuak, kaliliang rumah Coyett tadapek tanah lapang jo rumpuik yang gadang dan tadapek pohon-pohon nan tinggi.

Bantuak ruangan yang gadang dan ruangan balakang yang dihambek jo pintu gadang dan duo jandela yang gadang. Ruangan yang gadang iko marupakan tampek tamu-tamu bajoget. Kalau jaman kini urang Tionghoa manyembah ka dewa-dewa. Rumah iko akhirnyo jatuah ka tangan masyarakaik Tionghoa dan dijadiaan kalenteang dan pakarangan yang dijadiaan sabagai tanah kuburan.