Lompat ke isi

KRI Nanggala (402)

Wikipedia Minangkabau - Lubuak aka tapian ilimu
KRI Nanggala (402)
KRI Nanggala di Laut Jawa dalam sebuah latihan pada tahun 2015
Karier (Indonesia)
Namo: KRI Nanggala
Asa namo: Senjata Prabu Baladewa
Dipasan: 2 April 1977
Pambangun: Howaldtswerke-Deutsche Werft
Pasang lunas: Maret 1978
Diluncuakan: 10 September 1980
Salasai: 6 Juli 1981
Mulai balaya: 21 Oktober 1981
Indak baoperasi: 21 April 2021
Identifikasi: 402
Nasib: Tenggelam pada 21 April 2021 bersama 53 orang pada kedalaman 838 m di Laut Bali
Status: Tenggelam dan pecah menjadi tiga bagian di kedalaman 838 meter
Lencana:
Ciri-ciri umum
Kelas jo jinih: Kapal selam kelas Cakra
Jinih: Kapal selam serbu
Barek banaman:
  • 1.285 ton di permukaan
  • 1.390 ton saat menyelam
Panjang: 59,5 meter
Leba: 6,3 meter
Sarek air: 5,5 meter
Pandorong:
  • 4 x mesin diesel MTU 12V493 AZ80 GA31L bertenaga 2.400 hp
  • 4 x alternator Siemens bertenaga 1,7 MW
  • 1 x motor Siemens bertenaga 4.600 hp
  • 1 x poros
Kacepatan:
  • 11 knots (20 km/h; 13 mph) di permukaan
  • 21.5 knots (39.8 km/h; 24.7 mph) saat menyelam
    • Jangkauan: 8,200 nmi (15,200 km; 9,400 mi) pada kecepatan 8 kn (15 km/h; 9.2 mph)
    Dayo tahan: 50 hari
    Kadalaman uji cubo: 240 m (790 ft)
    Awak: 34
    Sensor jo
    sistem pamroses:
    • sistem kendali senjata Signaal Sinbad
    • radar permukaan Thomson-CSF Calypso, I-band
    • sonar pencarian dan penyerangan aktif/pasif Atlas Elektronik CSU 3-2
    • PRS-3/4 passive ranging
    Paralatan parang
    elektronik jo tipuan:
  • ESM : Thomson-CSF DR2000U
  • CMS : Kongsberg MSI-90U Mk 2[1]
    • Sinjato:
  • 8 × 533 mm (21 in) tabung
  • 14 x torpedo AEG SUT

    • KRI Nanggala (402), atau nan labiah dikana jo Nanggala II, marupoan kapa salam kaduo nan jinihnyo kelas Cakra Tipe 209/1300. KRI Nanggala barado di bawah kandali Satuan Kapal Selam Komando Armada RI Kawasan Timur. Kapa ko tamasuak dalam armada pemukul TNI Angkatan Laut jo marupoan kapa kaduo nan manyandang namo Nanggala dalam jajaran TNI AL.

    KRI Nanggala (402) hilang kontak pado Rabu, 21 April 2021 katiko sadang latihan panembakan torpedo di Lauik Bali basamo 53 awaknyo.[2] KRI Nanggala dinyatoan tanggalam pado Sabtu, 24 April 2021 dek TNI AL sasudah ditamuannyo puing-puing nan barasa dari kapa salam tu.[3]

    Namo

    [suntiang | suntiang sumber]

    Namo Nanggala barasa dari namo sanjato tombak kuek punyo tokoh pawayangan Prabu Baladewa. Sanjato tu digambaran di lancano KRI Nanggala. Kapa salam ko dikana jo sabagai Nanggala II sabagai pambeda jo KRI Nanggala S-02, sabuah kapa salam lain nan usianyo lebiah tuo.

    Sijarah

    [suntiang | suntiang sumber]

    KRI Nanggala dipasan dek pamarintah Republik Indonesia pado 2 April 1977. Katiko tu, Indonesia mangajuan pinjaman 625 juta dolar Amerika Serikat dari Jerman. 100 juta dolar AS dari pinjaman tu digunoan untuak mambuek KRI Nanggala jo KRI Cakra. Kapa ko didesain dek Ingenieurkontor di kota Lübeck, dibuek dek Howaldtswerke di Kiel, jo dijua dek parusahaan Ferrostaal di Essen.

    Kapa ko mulai dibuek pado Maret 1978, diluncuan pado 10 September 1980.[4] Kapa ko mulai manjalani uji cubo di lauik Jerman Barat sabalun diserahanka Pamarintah Indonesia pado 6 Juli 1981. KRI Nanggala maninggaan Jerman Barat pado awal Agustus 1981 nan ditumpangi dek 38 awak di bawah komando Letnan Kolonel Armand Aksyah. Pado 5 Oktober 1981, KRI Nanggala patamo kali ditunjuakan ka masyarakat umum nan samo jo hari ulang tahun TNI ka-36.[5] Paresmian panggunoannyo dilakuan dek Menteri Pertahanan Keamanan/Panglima Angkatan Bersenjata Jenderal TNI Mohammad Jusuf pado 21 Oktober 1981 di Dermaga Ujung Surabaya.

    KRI Nanggala pernah malakuan parbaikan di Howaldtswerke nan salasai pado 1989. Sakitar duo dekade kudian, kapa salam ko dipelokan baliak nan biayanyo US$63,7 juta salamo duo tahun di Korea Selatan. Parbaikan tu dilakuan dek Daewoo Shipbuilding & Marine Engineering (DSME) nan salasai pado Januari 2012.[6] Pado parbaikan tu, sabagian struktur ateh kapa diganti jo sistem parsenjatoan, sonar, radar, kendali tempur, sarato propulsi dimutakhirkan.[7] Sasudah tu, KRI Nanggala dapek manembakan ampek torpedo sarentak manuju ampek target nan babeda jo maluncuan misil antikapal sarupo Exocet atau Harpoon. Salain itu, kadalaman salamnyo batambah manjadi 257 meter (843 ft) jo kalajuan maksimumnyo dinaikkan dari 21,5 knot (39,8 km/h) manjadi 25 knot (46 km/h). Sakitar limo tahun kudian, KRI Nanggala ditambah jo sistem perum gema KULAÇ buatan ASELSAN.[8]

    Data Teknis

    [suntiang | suntiang sumber]

    Kapa salam ko mandapekan tanago dari ampek masin diesel MTU 12V493 AZ80 GA31L. Tanago tu disaluran ka ampek buah alternator nan bafungsi mangisi daya baterai-baterai gadang kapa salam. Sabuah motor listrik Siemens digunoan di kapa, daya dari baterai tu dapek untuak mamuta poros baliang-baliang kapa.[9] Total daya nan dikiriman ka baliang-baliang sakitar 4600 shp (daya kudo poros) sahinggo bisa mandorong kapao hinggo kacepatan 21,5 knot.[10]

    Kapa ko manggunoan 14 buah torpedo 21 inci/533 mm nan disimpan dalam 8 tabuang buatan AEG. Salain itu, kapa ko ditambah jo periskop buatan Zeiss nan bafungsi untuak maincar target. Periskop tu dilatakkan disampiang snorkel buatan Maschinenbau Gabler.[9] Tabuang torpedo nan sampik digunoan sabagai sebagai wahana paluncuran manusia-manusia katak untuak misi panyusupan di balakang garih patahanan musuh.[11]

    Barek KRI Nanggala 1.395 ton nan dimensinyo 59,5 meter x 6,3 meter x 5,5 meter. Kapa ko diawaki dek 34 pelaut. KRI Nanggala mampunyoi sonar dari jenis CSU-3-2 suite.[9]

    Rujuakan

    [suntiang | suntiang sumber]
    1. ↑ MSI-90U Mk 2 Combat Management System. Norway: Kongsberg. pp. 6. https://www.datareka.co.id/images/data/257141_998870_7067871.pdf. Diakses pado 23 April 2021. 
    2. ↑ Media, Kompas Cyber (2021-04-21). "Dikabarkan Hilang, Ini Spesifikasi Kapal Selam KRI Nanggala-402 Milik TNI AL". KOMPAS.com (dalam bahasa Indonesia). Diakses tanggal 2022-02-06. 
    3. ↑ Post, The Jakarta. "Indonesian Navy says missing KRI Nanggala 402 sank". The Jakarta Post (dalam bahasa Inggris). Diakses tanggal 2022-02-06. 
    4. ↑ Library Genesis, Robert; Chumbley, Stephen; Budzbon, Przemysław (1995). Conway's all the world's fighting ships, 1947-1995. Annapolis, Md. : Naval Institute Press. ISBN 978-1-55750-132-5. http://archive.org/details/conwaysallworlds00gard_606. 
    5. ↑ "Jadilah ABRI Yang Demikian - Nasional - majalah.tempo.co". web.archive.org. 2021-04-21. Archived from the original on 2021-04-21. Diakses tanggal 2022-02-06. 
    6. ↑ "RI submarines on par with neighbors after overhaul | The Jakarta Post". web.archive.org. 2012-05-11. Diarsipkan dari versi asli tanggal 2012-05-11. Diakses tanggal 2022-02-06. 
    7. ↑ Reuters (2021-04-21). "Search for missing Indonesian submarine reveals oil spill". Reuters (dalam bahasa Inggris). Diakses tanggal 2022-02-06. 
    8. ↑ "Indonesian Navy vessel uses ASELSAN's KULAÇ | Daily Sabah". web.archive.org. 2021-01-17. Archived from the original on 2021-01-17. Diakses tanggal 2022-02-06. 
    9. ↑ a b c antaranews.com (2009-12-15). "Kapal Selam TNI-AL Diperbaiki di Korea Selatan". Antara News. Diakses tanggal 2022-02-06. 
    10. ↑ "KRI Nanggala-402 Dulu Jadi Ujung Tombak Sengketa Blok Ambalat". kompas.id (dalam bahasa Indonesia). 2021-04-21. Diakses tanggal 2022-02-06. 
    11. ↑ "Tentang KRI Nanggala-402: Spesifikasi, Senjata, dan Sejarah Operasi". suara.com (dalam bahasa Indonesia). 2021-04-21. Diakses tanggal 2022-02-06. 

    Pautan lua

    [suntiang | suntiang sumber]


    Diambiak dari "https://min.wikipedia.org/w/index.php?title=KRI_Nanggala_(402)&oldid=2463999"