Johannes Leimena

Johannes Leimena

Biografi
Lahia	3 Maret 1905 Kota Ambon
Kamatian	29 Maret 1977 (72 tahun (id) ) Daerah Kusuih Ibukota Jakarta
Tampek dimakamkan	Taman Makam Pahlawan Nasional Utama Kalibata (id)
Anggota Konstituante Republik Indonesia  9 Nopember 1956 – 9 April 1957 Terpilih dalam (id) : Pemilihan umum Konstituante Republik Indonesia 1955 (id)
Data pribadi
Agamo	Protestanisme
Almamater	School tot Opleiding van Inlandsche Artsen
Kagiatan
Karajo	Politikus jo menteri (id)
Partai politik	Partai Kristen Indonesia (id)
Kaluarga
Anak	Melani Leimena Suharli (id) Catharina Leimena (id)
Abak	Dominggus Leimena (en) , Elizabeth Sulilatu (en)
Panghargaan  Pahlawan Nasional Indonesia

Dr. Johannes Leimena (lahia di Ambon, Maluku, 6 Maret 1905 – maningga di Jakarta, 29 Maret 1977 pado umua 72 taun) adolah dotor, politisi, sarato Pahlawan Nasional Indonesia. Inyo tacatat sabagai ciek dari banyak mantari nan manjabaik paliang lamo salamo pamarintahan presiden Soekarno. Total maso jabatannyo hampia 20 tahun. Leimena duduak dalam 18 kabinet nan babeda, dimulai dari Kabinet Sjahrir II (1946) sampai Kabinet Dwikora III (1966), baiak sabagai Mantari Kasihatan, Wakia Perdana Mantari, Menko Distribusi, Wakia Mantari Partamo maupun Mantari Sosial. Di lua itu, inyo manjabaik pulo sabagai anggota Dewan Perwakilan Rakyat jo Konstituante, sarato mangatuai Partai Kristen Indonesia (Parkindo) antaro tahun 1950 hinggo tahun 1961.

Kahidupan pribadi

Istri Leimena, Wijarsih Prawiradilaga.

Salamo basakola di STOVIA, Leimena aktif bamain sepakbola sarato acok ikuik dalam tim sepakbola STOVIA jo sajumlah klub lokal pado masonyo. Inyo basobok jo bininyo Wijarsih Prawiradilaga salamo batugas sabagai dokter di Bandung. Pasangan iko punyo dalapan anak yaitu ampek anak laki-laki jo ampek anak padusi. Anak padusinyo nan banamo Melani Leimena Suharli, manjadi Wakil Katua Majelis Permusyawaratan Rakyat periode 2009–2014.

Leimena dikenang kaluarganyo sabagai sosok sederhana, khususnyo dalam hal pakaian. Inyo tabiaso mamakai kemeja putih jo gaya nan samo acok bana. Manuruik Soekarno dalam autobiografinyo, Leimena indak mamiliki pakaian formal salamo jalannyo revolusi, sahingga katiko inyo dikirim dalam kapasitas diplomasi inyo harus maminjam jas jo dasi dari koleganyo.

Maningga

Leimena maningga di Jakarta pado tanggal 29 Maret 1977, kiro-kiro pukua 7.30 pagi. Inyo ado mangaluh sakik katiko pulang dari Eropa sabalumnyo katiko baliak ka Indonesia, inyo manggunokan kursi roda. Katiko salasai acara pamakamannyo, Leimena dikubuakan sacaro militer di Taman Makam Pahlawan Kalibata.

Panghargaan

Indonesia

• Bintang Gerilya (1959)
• Bintang Republik Indonesia Adipradana (1973)
• Satyalancana Pembangunan (1961)
• Satyalancana Kemerdekaan
• Satyalancana Karya Satya

Lua nagari

• Panglima (Lakan) Orde Sikatuna (Filipina)
• Grand Cross of the Order of the Condor of the Andes (Bolivia)
• Order of 23 August, 2nd Class (Rumania)
• Order of the Yugoslav Flag, 1st Class (Yugoslavia)
• Grand Cross of the National Order of Merit (Ekuador)

Sumber:

Rujuakan

Daptar pustaka

• Hitipeuw, Frans (1986) (dalam bahaso id). Dr. Johannes Leimena, Karya dan Pengabdiannya. Jakarta: Kementerian Pendidikan dan Kebudayaan Republik Indonesia. https://books.google.com/books?id=TeGmTDmTFFQC. 

• "Monumen Pahlawan Dr J Leimena Dibangun". KOMPAS.com (dalam bahasa Indonesia). 19 Agustus 2011. Diakses tanggal 28 April 2022. 

• "Dokter Politik dari Timur". Tempo (dalam bahasa Indonesia). 27 Oktober 2008. Diakses tanggal 28 April 2022. 

• "Detail biodata Pejabat Menteri" (dalam bahasa Indonesia). Perpustakaan Nasional. Diakses tanggal 28 April 2022.