Jilatang

Jilatang adoalah jenis tumbuhan perdu yang baracun, bantuak yo indak murah dikenali karano mirip dengan berbagai macam perdu atau samak yang ado di daerah tropis. Jiko bagian tumbuhan iko kanai badan mako mambuek gata-gata, radang, bengkak, luka sampai infeksi. Dalam masyarakaik Minangkabau, Jilatang diartikan sabagai karakter atau parangai yang mambuek masalah ditangah-tangah masyarakaik. Saketek banyak tindakan yang dilakukan mabuek urang sakitar yo berang.

Dalam silek jilatang digunoan untuak sanjato kondisi tertentu. Sakiro yo tadapek tigo jenis jilatang yang digunoan sabagai sanjato :

• Jilatang Ayam yaitu jenis jilatang yang mambuek gata-gata, bangkak-bangkak. Dalam silek digunoan untuak sabagai efek jera, tidak sampai menderita. Jenis jilatang ko murah didapek didaerah belukar dan untuak maureh panyakik dari jilatang bisa manggunoan minyak karambia.Jilatang Api
• Jilatang Api disabuik pulo jilatang gajah, yang mambuek efek labiah parah dari jilatang ayam. Sabab manganduang gatah yang mambuek bangkak jo paradangan. Bagian tubuah yang takanai akan taraso peradangan dan agek saraso api. Disabuek jilatang gajah karano daun yang leba
• Jilatang Harimau yaitu jilatang yang mambuek luko lecet dan rasa gata angek pado kulik yang manyababkan infeksi. Pado perguruan silek tertentu, jilatang harimau dijadikan untuak manghukum muriek yang indak mamatuhi aturan misal bacakak