Jerman Nazi

"Drittes Reich" jo "The Reich" " baraliah ka laman iko. Untuak buku tahun 1923, caliak Das Dritte Reich. Untuak panggunoan lain, caliak Reich (disambiguasi).

Reich Jerman (1933–1943) Deutsches Reich Reich Jerman Rayo (1943–1945) Großdeutsches Reich (Jerman)
Bandera Lambang
Ibu kota	Berlin
Era Sijarah	Parang dunia, Parang Dunia II (Zaman Modern)

Jerman Nazi, sacaro rasmi dikana sabagai Deutsches Reich (Reich Jerman) dan kudian Großdeutsches Reich (Reich Jerman Rayo), adolah nagara Jerman antaro taun 1933 dan 1945, katiko Adolf Hitler jo Partai Nazi manguasai nagara tasabuik, mubahnyo manjadi kadiktatoran totaliter dan hampir sadonyo aspek kahidupan dikandalikan dek pamarentah. Reich Katigo, nan bararti "Karajaan Katigo" atau "Kakaisaran Katigo", marujuak pado klaim Nazi basonyo Jerman Nazi iyolah panaruih Kakaisaran Romawi Suci (800–1806) jo Kakaisaran Jerman (1871–1918) nan parnah ado sabalunnyo. Reich Katigo, nan disabuik Nazi sabagai Reich Saribu Taun, barakhia pado bulan Mei 1945, satelah hanyo 12 taun, katiko Sekutu mangalahkan Jerman dan masuak ka ibu kota, Berlin, nan mangakhiri Parang Dunia II di Eropa.

Dibiayoi dek pangaluaran defisit, rezim iko malakukan proyek pakarajoan umum nan ekstensif, tamasuak Autobahnen (jalan rayo) dan program pasanjatoan rahasio godang (tamasuak UFO Nazi), mambantuak Wehrmacht (angkatan basanjato).

Rasisme, tarutamo antisemitisme, manjadi bagian dari ideologi rezim iko. Bangso Jerman dianggap dek Nazi sabagai ras unggul, cabang paliang murni dari ras Arya. Diskriminasi dan parsekusi tahadok urang Yahudi jo Rom dimulai satalah Hitler bakuaso. Kamp konsentrasi patamo didirian pado bulan Maret 1933. Yahudi jo kalompok lainnyo nan "indak dikahandaki" dipanjaro, dan kaum liberal, sosialis jo komunis dibunuah, dipanjaro, atau diasiangkan. Warga nagara jo gareja Kristen nan manontang pamarentahan Hitler ditindas, dan banyak pamimpin agamo nan dipanjaroan. Kurikulum pandidikan difokuskan pado biologi rasial, kabijakan kapendudukan, jo wajib militer.

Pado awal 1941, Jerman alah manguasai sabagian gadang Eropa. Reichskommissariat ma-ambiak kandali ateh wilayah nan ditaklukkan dan pamarentahan Jerman ditagakkan di Polandia. Jerman mangeksploitasi bahan mantah jo tanago karajo, baiak di wilayah nan bakaduduaki maupun di nagaro sekutunyo. Einsatzgruppen mambantuak skuad kamatian di wilayah nan bakaduduaki Jerman untuak malakuan pambunuhan massal tahadok jutaan Yahudi jo kalompok lainnyo nan dianggap indak dikahandaki dek nagara. Jutaan lainnyo dipanjaro, dipakarajoan hinggo mati, atau dibunuah di kamp pamusnahan jo kamp konsentrasi Nazi. Genosida iko dikana jo istilah Holokaus.