Jasman

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Jasman (lahia di payokumbuah, 1 Januari 1968). Dilahiakan dari Apak yang karajo sabagai tentara dan amak yang karajo sabagai ibu rumah tangga. Walaupun inyo lahia di Payokumbuah, kampuang keluarganyo barado di Balai Salasa, Kabupaten Pasisia Salatan.[1] Apak dari tigo anak laki-laki jo padusi ko lah lamo hiduik di rantau. Kini ko inyo memangku jabatan sabagai kapalo Biro Humas di Pamarintahan Provinsi Sumatera Barat yang dimulai samanjak tahun 2016 sampai kini. Sabalum duduak manjadi Kapalo Biro Humas di Pamarintahan Provinsi Sumatera Barat, inyo pernah manjadi konseptor pambuek Peraturan Daerah mengenai Etika Pamarintah Daerah Kota Solok jo Kabupaten Solok salamo 16 tahun. Jasman manamekkan sakolahnyo di APDN(Akademi Pamarintahan Dalam Negeri) Bukittinggi. Satalah itu inyo malanjuikkan sakolah strata 1 di IIP(Institut Ilmu Pemerintahan), Depdagri, Jakarta, Jurusan Politik. Sabalum duduak di bangku pamarintahan, inyo pernah manjadi abdi negara di Aia bangih, Kabupaten Pasaman dan Lubuak Sikapiang, Sumatera Barat.

Sepak Terjang[suntiang | suntiang sumber]

Jasman marupokan salah seorang pajabat pamarintahan yang tau jo sosial media. Hal iko dibuktikannyo dengan mambuek grup WA(WhatsApp) yang di agia namo "Tukang Ota Paten (TOP)". Grup iko dibueknyo pado januari 2015. Grup iko digunokan untuak panyebaran barita yang bakaitan jo kegiatan Pamarintahan Provinsi Sumatera Barat. dalam waktu sabanta, barita lah tasaba kama kama. Inyo bapandek bahwasonyo pers atau media sosial ko baik yang bacetak maupun indakmarupokan tarompet yang bunyinyo kareh. Bisa digunokan jiko pandai mangolah informasi. Pado tahun 2018, Baliau dipacayo manjadi Sekretaris Umum Panitia Pelaksana Daerah(Panpelda) dalam acara Paringatan Hari Pers Nasional(HPN).

Rujuakan[suntiang | suntiang sumber]

  1. CHANIAGO, HASRIL (2018). 121 WARTAWAN HEBAT DARI RANAH MINANG & SEJUMLAH JUBIR RUMAH BAGONJONG. PADANG: BIRO HUMAS SETDA SUMATERA BARAT. pp. 506.