Cindawan

Wikipedia Minangkabau - Lubuak aka tapian ilimu
(Dialiahkan dari Jamur)
Loncat ke navigasi Loncat ke pencarian
Cindawan

Cindawan atau tindawan adolah tumbuhan nan indak mampunyoi klorofil sahinggo basifaik heterotrof. cindawan ko ado nan uniseluler dan multiseluler. Tubuahnyo tadiri dari banang-banang nan disabuik hifa. Hifa dapek mambantuak anyaman bacabang-cabang nan disabuik miselium. Reproduksi cindawan, ado nan jo caro vegetatif ado juo pakai caro generatif[1]. Cindawan manyerap zat organik dari lingkungan malalui hifa dan miseliumnyo untuak mandapekan makanannyo. Sasudah tu, manyimpannyo dalam bantuak glikogen. Cindawan marupoan konsumen, mako karano tu cindawan bagantuang pado substrat nan manyadioan karbohidrat, protein, vitamin, dan sanyawo kimia lainnyo. Kasado zat itu didapek dari lingkungannyo. Sabagai makhluk heterotrof, cindawan dapek basifaik parasit obligat, parasit fakultatif, atau saprofit.[2]

Caro hiduik cindawan nan lainnyo adolah malakuan simbiosis mutualisme. Cindawan nan hiduik basimbiosis, salain menyerap makanan dari organisme lain dapek juo mahasilkan zat tatantu nan baguno bagi simbionnyo. Simbiosis mutualisme cindawan jo tanaman lain dapek diliek pado mikoriza, yaitu cindawan nan hiduik di aka tanaman kacang-kacangan atau pado liken. Cindawan dapek tumubuah di bamacam-macam lingkungan dan baasosiasi jo banyak organisme.Meskipun kabanyakan hiduik di daraik, babarapo cindawan ado nan hiduik di aia dan baasosiasi jo organisme aia. Cindawan nan hiduik di aia biasnyo basifaik parasit atau saprofit, dan kabanyakan dari kelas Oomycetes. Cindawan dibedaan manjadi 4 divisio, yaitunyo Zygomycota, Ascomycota, Basidiomycota, dan Deuteromycota. Babarapo cindawan dari genus Psilocybe terkenal dapek mangakibaikan halusinasi dan kini ko indak buliah di kambangbiakan di Indonesia.[2]

Macam-macamnyo[suntiang | suntiang sumber]

  • Khamir
  • Cindawan ulat
  • Cindawan Bulan
  • Cindawan Kikik
  • Cindawan talingo baruak
  • Boletus sp (Boletaceae)
  • Suillus bovinus (Boletaceae)
  • Cindawan Telok Pipit
  • Chantharellus cibarius (Chantharellaceae)
  • Cindawan Karang
  • Clavariadelphus truncatus (Clavariaceae)
  • Dacrymyces deliquescens (Dacrymycetaceae)
  • Exidia galandulosa (Exiidiaceae)
  • Cindawan otak
  • Helvella monochella (Helvellaceae)
  • Hydnum repandum (Hydnaceae)
  • Hygrophorus hypotejus (Hygrophoraceae)
  • Cindawan Taoun
  • Hygrocybe punicea (Hygrophoraceae)
  • Lepiota procera (Lepiotaceae)
  • Cindawan Terompet /cindawan Sarang Burung
  • Polyporus giganteus (Polyporaceae)
  • Pycnoporus cinnabarinus (Polyporaceae)
  • Lactarius pyrogalus (Russulaceae)
  • Russula sp (Russulaceae)
  • Russula nygricans (Russulaceae)
  • Hypoloma capnoides (Strophariaceae)
  • Theleophora terestris (Theleophoraceae)
  • Cindawan cabe
  • Cindawan awan
  • Cindawan Kelapa
  • Collybia sp (Tricholomataceae)
  • Cindawan tiuang
  • Cindawan akar

Rujuakan[suntiang | suntiang sumber]

  1. "Jamur". http://bebas.ui.ac.id/v12/sponsor/Sponsor-Pendamping/Praweda/Biologi/0025%20Bio%201-5b.htm. 
  2. a b "cara-cara hidup jamur". http://bebas.ui.ac.id/v12/sponsor/Sponsor-Pendamping/Praweda/Biologi/0024%20Bio%201-5a.htm.