Jamua shitake

Jamur shitake
Klasifikasi ilmiah
Kingdom:	Fungi
Phylum:	Basidiomycota
Class:	Homobasidiomycetes
Order:	Agaricales
Family:	Marasmiaceae
Genus:	Lentinula
Species:	L. edodes
Namo binomial
	Lentinula edodes; (Berk.) Pegler

Jamur shitake (椎茸^?) atau cindawan shitake (Lentinula edodes), nan juo disabuik jamur hioko, adolah cindawan pangan nan barasa dari Asia Timur nan terkenal di seluruh dunia jo namo aslinyo dalam bahaso Jepang. Cindawan shitake sacaro harafiah artinyo cindawan dari pohon shii (Castanopsis cuspidata) karano batang pohonnyo nan alah lapuak marupokan tampek tumbuah cindawan shitake.

Spesies iko dulunyo pernah dikenal jo namo nan disabuik Lentinus edodes. Ahli botani Inggris nan banamo Miles Joseph Berkeley manamokan spesies iko sebagai Agaricus edodes pado tahun 1878.

Cindawan shitake banyak dibudidayakan di Tiongkok, Korea dan Jepang juo bisa ditamui di alam bebas di daerah pegunuangan di Asia Tenggara.

Cindawan shitake dalam bahaso Tionghoa disabuik xiānggū (Hanzi: 香菇, "Cindawan harum"), sadangkan nan punyo kualitas terbaik jo payuang nan labiah taba disabuik dōnggū (Hanzi: 冬菇, "cindawan musim dingin") atau huāgū (花菇, "cindawan bungo") karano dibagian ateh permukaan payuang ado motif ratak-ratak sarupo kambang.

Di Indonesia kadang-kadang dinamokan cindawan jengkol [1], karano bantuak jo baunnyo sarupo jengkol walaupun manuruik sabagian urang raso cindawan iko sarupo raso patai.

Deskripsi[suntiang | suntiang sumber]

Cindawan shitake tumbuah di permukaan batang kayu nan alah lapuak dari bagian batang pohon Castanopsis cuspidata, Castanea crenata (kastanye), jo sajenis batang ek Quercus acutissima. Batang dari badan buah acok malengkung, karano cindawan shitake tumbuah ka ateh dari permukaan batang kayu nan ditagakkan. Payuang tabukak lebar, bawarna coklat tuo jo bulu-bulu haluih di bagian ateh permukaan payuang, sadangkan bagian bawah payuang bawarna putiah.

Cindawan baracun spesies Omphalotus guepiniformis[2] Archived 2006-10-05 di Wayback Machine. nampak agak mirip jo cindawan shitake sahinggo banyak urang nan takicuah dan karacunan.

Sejarah budidaya[suntiang | suntiang sumber]

Cindawan shitake juo dikenal jo namo cindawan hitam China, karano aslinyo memang barasal dari daratan Tiongkok dan alah dibudidayakan sajak 1.000 tahun nan lalu. Sejarah tatulis partamo tentang budidaya cindawan shitake ditulis dek Wu Sang Kuang pado zaman Dinasti Song (960-1127), walaupun cindawan iko alah dimakan urang di daratan Tiongkok sajak tahun 199 Masehi.

Di zaman Dinasti Ming (1368-1644), dokter nan banamo Wu Juei manulis bahwa cindawan shitake bukan hanyo bisa digunokan sebagai makanan tetapi juo sebagai ubek untuak panyakit saluran napas, malancarkan sirkulasi darah, maredakan gangguan hati, mamulihkan kelelahan dan maningkekkan tanago chi. Cindawan shitake juo dipicayo dapek mancegah penuaan dini.

Penggunaan dalam masakan[suntiang | suntiang sumber]

Cindawan shitake segar atau dalam bantuak kariang acok digunokan dalam bamacam masakan di banyak negara. Cindawan shitake segar biasonyo dimakan sabalum payung bagian bawah barubah warna. Batang cindawan shitake agak kareh jo umumnyo indak digunokan dalam masakan.

Sabagian urang labiah manyukoi cindawan shitake kariang dibandiangkan cindawan shitake nan segar karano cindawan shitake kariang mampunyoi baun nan labiah harum (kareh). Cindawan shitake kariang diproses jo caro dijamua di bawah cahayo matohari dan paralu dirandam di dalam aia sabalun dimasak. Kaldu dasar masakan Jepang nan disabuik dashi didapek dari cindawan shitake nan kariang dirandam dalam aia.

Di Jepang, cindawan shitake marupokan isi sup miso, digoreng sebagai tempura, campuran chawanmushi, udon jo berbagai jenis masakan lain. Cindawan shitake juo digoreng sampai badaruak dan dijua sabagai karupuak cindawan shitake.

Rusia juo mamproduksi cindawan shitake dalam jumlah banyak dan dijua sebagai acar nan alah dimasuakkan dalam botol.

Referensi[suntiang | suntiang sumber]

Tsuji, Shizuo (1980). Japanese Cooking: A Simple Art. New York: Kodansha International/USA.
Yun Ho Choi, et al. (2005). "Inhibition of Anaphylactic Reaction and Mast Cell Activation by the Methanol Extract of Letinus edodes". Chonbuk National University, Republic of Korea. (unpublished)