Jambu kaliang

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
?Jambu kaliang
Syzygium cumini Blanco1.174.png
Klasifikasi ilmiah
Karajaan: Plantae
Divisi: Magnoliophyta
Kalas: Magnoliopsida
Ordo: Myrtales
Famili: Myrtaceae
Genus: Syzygium
Spesies: S. cumini
Namo binomial
Syzygium cumini
(L.) Skeels.
Sinonim

Daftar sumber:[1]

  • S. jambolana Miq.
  • Eugenia cumini (L.) Druce.
  • E. jambolana Lamk.

Jambu kaliang (Syzygium cumini, bahaso Indonesia: Jamblang, Jambu keling) adolah tumbuahan nan tamasuak suku jambu-jambuan (Myrtaceae). Tumbuahan ko umumnyo dibudidayoan atau tumbuah lia di Asia tropis jo Australia. Di Pulau Jawa banyak nan tumbuah lia di utan jati dan ado pulo nan ditanam sabagai pohon buah di pakarangan, tarutamo di dataran randah[2] sampai pado katinggian 500 mdpl.[3]


Panjalehan Botanis[suntiang | suntiang sumber]

Buah jamblang

Batang nan kokoh, bakayu, diameter 10-30 m, bawarna putiah kabua, dan indak mangguguran daun Kadang-kadang babatang bengkok, tinggi mancapai 20 m. Bacabang randah jo batajuak bulek atau indak baraturan.

Daun-daunnyo talatak baadokkan, batangkai 1-3,5 cm, alaian daun bulek talua tabaliak agak joong sampai jorong lonjong, 5-25 x 2-10 cm, pangkanyo leba babantuak pasak atau mambulek, ujuang tumpua atau agak marunciang, batapi rato, tapi tipih agak tabuih pandang. Ijau tuo bakilek di sabalah ateh, daun jambu kaliang agak babaun terpentin kalau dirameh. Daun yang mudo bawarna merah jambu. Patulangannyo manyirip.[3]

Karangan bungo babantuak malai atau malai rato, ranggang, hinggo tigo kali bacabang; umumnyo muncul pado cabang-cabang nan indak badaun. Bungo ketek, balatak rapek-rapek, 3-8 kuntum di tiok ujuang tangkai, babaun harum. Daun kelopak babantuak lonceng maleba atau corong, tinggi 4-6 mm, kuniang sampai kaunguan. Daun mahkota bulek jo lapeh-lapeh, 3 mm, putiah abu-abu sampai merah jambu, mudah gugua, banang sari banyak, 4-7 mm; putiak 6-7 mm.

Buah babantuak lonjong hinggo bulek talua, acok babantuak agak bengkok, 1-5 cm, bamahkota cuping kalopak, jo kulik tipih licin mangkilek, merah tuo sampai ungu kaitaman, kadang-kadang putiah.


Rujuakan[suntiang | suntiang sumber]

  1. Dalimartha, Setiawan. (2003) Atlas Tumbuhan Obat Indonesia. 3. hal. 19-23. Jakarta:Puspa Swara. ISBN 979-3235-73-X.
  2. Dalimartha, Setiawan (2003). Atlas Tumbuhan Obat Indonesia. 3. hal. 19-23. Jakarta:Puspa Swara. ISBN 979-3235-73-X.
  3. a b Dharma, A.P (1987). Indonesian Medicinal Plants [Tanaman-Tanaman Obat Indonesia]. Hal. 23-24. Jakarta:Balai Pustaka. ISBN 979-407-032-7.