J.D.L Le. Febvre

Le Febvre (1870-1955) adolah urang warga Nagari Balando nan merupokan Residen Sumatera Barat. Rusli Amran nan menulih secaro ringkaih riwayaik hiduik Febvre dalam bukunyo Carito-carito Lamo dalam Lambaran Sajarah (1997:79-87) mengatokan bahasonyo inyo adolah satu-satunyo pajabat tinggih Balando di Sumbar nan bana-bana mandalami jo mambantu aspirasi masyarakaik.

Febvre mamulai karajonyo sabagai pagawai BB partamo kali di Minangkabau pado taun 1892, wakatu inyo dipabantukan pado kontrolir Oud Agam. Febvre parnah batugas di Payokumbuah, Batusangka, dan Sijunjuang. Pado taun 1894 Inyo diangkek manjadi Kontrolir Kelas 1 nan merupokan jabatan tatinggi nan parnah disandangnyo di Sumatera Barat sabeaum Inyo pindah ka Tapanuli. Satalah Inyo batugas babarapo taun di Sumatera Timur, taun 1915 Febvre diangkek manjadi Residen Sumatra's Westkust. Inyo adolah Residen partamo satalah tajadinyo Restrukturisasi Pamarintah daerah (sabalum kapalo daerah iko dinamokan Gubernur).

Febvre mampaliekkan sikap paduli pado rakyaik Minang. inyo mambukak pintu rumahnyo bagi rakyaik untuak mangadukan babagai parsoalan nan  dihadapi. Febvre salah saurang pajabat nan disanangi palajar.