Indang pariaman

Indang Pariaman adolah kesenian Sastra Lisan Islami Minangkabau nan barasa dari Sumatera Barat tapeknyo di Pariman. Tari indang ko adolah suatu bantuak tradisi nan disampai an sacaro lisan, dan indang ko tamasuak ka dalam sastra lisan nan disampai an sacaro bakalompok sambia badendang jo mamukua rabano ketek nan disabuik rapa’i. Panyampaian syair-syair dalam Indang ko hanyo banuansakan kajian Islam. Pemain Indang ko di warisan dari apak nyo masiang-masiang ataupun kakeknyo. Tari indang ko awalnyo di Surau, sairiang jo zaman kini tari indang la ditampilkan di tampek urang rami, misalnyo di acara pernikahan, alek nagari, dan untuak maangkek datuak atau pangulu.

Penampilan

tarian Indang ko disampai an sacara barkalompok jo jumlah ganjia minimalnyo 7 urang dan maksimalnyo 13 urang, di dalamnyo la tamasuak tukang karang, tukang darak dan ciek urang diluar lingkaran nan disabuik tukang Dikia. Tari indang ko dimainkan dek laki-laki. Pamain indang ko disabuik juo anak Indang dan nan di tangah adolah pamain nan mambarian aba-aba untuak mamulai tarian nan disabuik juo jo “Paningkah Indang". Tari Indang iko dimulai dari jam 22:00 sampai wakatu subuah, lamo nyo tampil labiah kurang 60 menit, nan wakatu durasi panampilan katigo kalompoknya bakisa labiah kurang 2 jaman, di panampilan kasado kalompok beko ado sesi tanyo jawek. Panampilan kasado kalompok iko babantuak sagitigo nan disabuik juo tigo sandiang. Dalam Indang ko ado 3 sesi pamain yaitu, pemain pangka, sepadan jo alek datang. Bahaso nan digunoan dalam indang ko iyolah bahaso Arab, Minangkabau, jo bahaso daerah setempatnyo. Dalam permainan indang ko dak ado bateh umua do, pamainnyo dimulai dari nan ketek sampai nan gaek. Tari indang ko diturunnan sacar turun temurun dari ayah nyo. Pamain indang ko biasanyo latihan 1x saminggu di malam hari, kok ado kematian tunggu wakatu 7 hari lu baru kan latihan. Tari indang ko awalnyo di Surau, sairiang jo zaman kini tari indang la ditampilkan di tampek urang rami, misalnyo di acara pernikahan, alek nagari, dan untuak maangkek datuak atau pangulu. Tari indang ko dimainkan 2 malam, malam partamo disabuik jo indang naiak dan malam kaduo disabuik indang lambuangan.

Rujuakan

1.^Datuak Amir 57th (Tukang Dikia)^

2.^Asmali 67th (Tukang Dikia)^

3.^Gusman Hadi 77th (Tukang Dikia)^

4.^Nursam 53 th (Tukang Karang)^