Ikan aia tawar

Saekor Ikan aia tawar banamo ikan mas.

Ikan aia tawar adolah jinih ikan nan hiduik di aia tawar ajak di kolam, sungai, dan danau jo salinitas aia 0,05%. Sabanyak 41 persen dari jumlah spesies ikan dikatahui hiduik di aia tawar. Dalam banyak hal, lingkuangan aia tawar babedo jo lingkuangan aia lauik, dan nan paliang mambedokannyo iyolah tingkek salinitasnyo. Untuak batahan di aia tawar, ikan mambutuahkan adaptasi fisiologis nan batujuan manjago kasaimbangan konsentrasi ion dalam badan ikan. Hal iko basobok spesiasi nan copek nan manjadian habitat nan taserak manjadi mungkin untuak ditinggali.

Ikan aia tawar babedo sacaro fisiologis jo ikan lauik dalam beberapa aspek. Insang inyo haruih mampu mandifusikan aia sambari manjago kadar garam pado cairan tubuh sacaro simultan. Adaptasi pado bagian sisik ikan mamainkan juo poran pantiang; ikan aia tawar nan kahilangan banyak sisik akan mandapekkan kalabihan aia nan badifusi ka dalam kulik, dan dapek manyobabkan kamatian pado ikan.

Karakteristik lainnyo takaik ikan aia tawar iyolah ginjalnyo nan bakambang dangan baiak. Ginjal ikan aia tawar barukuran gadang basobok banyak aia yang malewatinyo.

Banyak spesies bareproduksi di aia tawar namun manghabiskan sabagian gadang kahidupannyo di lauik. Iko dikana jo namo ikan anadromous, maliputi salmon, trout, dan stickleback. Babarapo ikan, sacaro balawanan, lahia di lauik dan hiduik di aia tawar, misalnyo baluik.

Spesies nan bamigrasi antaro aia lauik dan aia tawar mambutuhkan adaptasi pado kaduo lingkuangan. Katiko barado di dalam aia lauik, ikan haruih manjago konsentrasi garam dalam tubuh ikan labiah randah daripado lingkuangannyo. Katiko barado di aia tawar, ikan haruih manjago kadar garam barado di ateh konsentrasi lingkuangan sakitarnyo. Banyak spesies nan manyalasaikan masalah iko dangan barasosiasi jo habitat babedo pado babagai tahapan hiduik. Belut, bangsa salmon, dan lamprey punyo toleransi salinitas di babagai tahap kahidupan ikan.

Pautan lua

• Media tantang ikan aia tawar di Wikimedia Commons