Ie Bu Peudah (Aceh)

Ie Bu Peudah (Aceh) adolah makanan tradisional Aceh, makanan iko disabuik dek urang bubuah padeh. Biasonyo urang Aceh mahidangkannyo pado bulan Puaso untuak pabukoan di meunasah dan musajik. selain untuak makanan pabukoan, bahan bubua padeh iko bisa juo di gunoan untuak ubek. caronyo minum aia nan alah di buek. Bahan untuak mambuek bubua padeh iko banyak di tamui di pasar tradisonal, tapi pado umumnyo di ambiak dari pagunuangan. Bahannyo barupo bareh dan daun-daunan sabanyak 44 macam nan di tumbuak sampai daunnyo manjadi dedak kemudian di jamua sampai kariang.Jikok bahan-bahan ko sulik dicari, bubua padeh iko bisa di buek dari bahan-bahan barupo 50,gram bareh, 25 gram kacang tanah nan di potong manjadi duo, ubi, 50 gram dagiang, 50 gram udang, 100 gram pisang, saparampek karambia, saliter aia, 3 bawang merah nan alah di racik. Proses mambuek bubua padeh iko salamo 2 sampai 4 hari.

Caro mambuek bubua padeh iko adolah:

1. Nan partamo basuah bareh dan tiriah an, sasudah itu di tumbuak.
2. Campua bumbu ka dalam bareh dan tambah garam sacukuiknyo,
3. Masuak an aia ka dalam kuali gadang sampai angek, sasudah itu masuak an bareh nan alah di campua jo bumbu tadi.
4. Sasudah itu masuak an dagiang, udang, pisang, jaguang, kacang, dan ubi.
5. Tunggu nan alah di masuak an tadi sampai ampuak, sasudah itu masuak an santan dan daun yang alah di racik.
6. Tunggu nan alah di masuak an tadi sampai santan mandidiah
7. Jikok lah mandidiah angkek dan latak an bubua padeh ka dalam cawan atau piriang.

ie_bu_peudah, https://kikomunal-indonesia.dgip.go.id/jenis/2/.+Pengetahuan Tradisional.