Hijrah
Hijrah (bahaso Arab: الهجرة) adolah pajalanan nabi Islam Muhammad jo pangikuiknyo dari Makah ka Madinah.[1][2] Tahun tajadinyo Hijrah dijadian sabagai awal dari pananggalan kalender islam Hijriyah, tanggalnyo satara jo 16 Juli 622 M.[3][4]
Pado awal dakwah Muhammad, pangikuiknyo hanyo mancakuik kawan dakek jo dunsanaknyo sajo. Namun sabagian gadang anggota sukunyo, kaum Quraisy, acuah tak acuah tahadok aktivitasnyo, karano urang-urang tu nampaknyo indak tatarik bana jo patamuan ibadah, sahinggo Muhammad indak mandapekan panolakan nan serius, sampai katiko Muhammad mulai manantang kayakinan urang-urang tu, nan manimbuakan katagangan.[5][6][7][8]
Pado bulan Mai 622, sasudah batamu duo kali jo anggota suku Madinah Aus dan Khazraj di Aqabah dakek Mina, Muhammad diam-diam maninggaan rumahnyo di Makah untuak pindah ka kota suku tu, basamo jo kawan, ayah mintuo, sarato sahabatnyo Abu Bakar.[9]
Latar balakang
[suntiang | suntiang sumber]Situasi di Madinah
[suntiang | suntiang sumber]Talatak labiah dari 420 km utara Makah, Madinah adolah oasis hijau.[10] Manuruik sumber-sumber Muslim, kota ko didirian dek urang-urang Yahudi nan salamaik dari pambarontakan malawan Romawi.[11] Meskipun patanian jauah dari wilayah kuaso suku-suku Arab, urang Yahudi adolah patani hebat nan maolah tanah di oasis.[11] Salain babarapo klan Yahudi nan labiah ketek, tadapek tigo suku gadang di kota ko: Bani Qaynuqa, Nadir, jo Qurayza.[12] Sairiang wakatu, suku-suku Arab dari Arabia selatan bamigrasi ka kota ko jo manatap basamo komunitas Yahudi.[11] Suku-suku Arab tadiri dari Bani Aus jo Khazraj, kaduonyo dikenal sacaro kolektif sabagai Bani Qayla.[13] Sabalum tahun 620, kaduo suku Arab ko saliang baparang hampia saratuih tahun.[10] Masiang-masiang dari urang-urang tu bausaho mandapekan dukuangan dari suku-suku Yahudi, nan kadang-kadang manyababan patikaian di antaro suku-suku tu.[10]
Patamuan Muhammad jo Bani Aws sarato Bani Khazraj
[suntiang | suntiang sumber]Pado tahun 620, sasudah kailangan harapan untuak mandapekan pangikuik baru di antaro urang-urang Makah, Muhammad mambatehi upayonyo hanyo pado urang-urang non-Makah nan mahadiri pakan raya atau manunaian haji.[14] Dalam upayo tu, Muhammad batamu jo anam anggota Bani Khazraj nan sadang mangunjuangi Makah, baziarah ka tampek-tampek suci di sakitar kota tu. Kaanam urang ko mampunyoi sijarah manyarang urang Yahudi di wilayahnyo, nan pado gilirannyo alah mamparingekan urang-urang tu bahwa akan datang surang nabi, jo bantuannyo, urang-urang Yahudi akan malenyapkan mereka. Sasudah mandanga pasan agamo Muhammad, kaanam urang tu bakato sasamonyo, “Iko adolah nabi nan diparingekan dek urang-urang Yahudi kapado kito; jan biaan urang-urang tu mandakekinyo sabalum kito!” Sasudah mamaluak Islam, urang Bani Khazraj baliak ka Madinah jo mambagian pangalamannyo ka kaumnyo sarato Bani Aus, jo harapan urang-urang tu manarimo Islam jo maangkek Muhammad sabagai pamimpin, sahinggo pasatuan dapek tacapai.[15][16]
Pado Februari tahun 621 M, urang-urang tadi baliak manamui Muhammad basamo tujuah urang mualaf, tamasuak duo urang Bani Aus di jalur pagunuangan Aqabah, talatak di utara Makah dakek jalur padagangan. Dalam patamuan tu, urang-urang tu mungucapkan baiat kapado Muhammad nan dikenal sabagai Pajanjian Aqabah I nan inti isinyo maninggaan barahalo jo manegasan indak ado tuhan salain Allah, jo Muhammad sabagai pamimpin mereka.[17][18] Muhammad kamudian mampicayoan Mus'ab bin Umair untuak mambimbiang dakwah di Madinah.[19][20]
Pado musim haji tahun 622, Muhammad maadoan patamuan kaduo di Aqabah jo para mualaf Madinah,[19] nan wakatu ko bajumlah 75 urang, tamasuak 2 padusi.[21] Mamak Muhammad, Abbas, nan mangawaninyo bapidato di awal, manyatoan bahwa Muhammad adolah “urang nan paliang dihormati diantaro sanak sudaronyo”. Hal iko sangaik tabaliak balakang jo fakta bahwa Muhammad mandapek tantangan kareh dari mamaknyo nan lain, takah Abu Lahab, Abu Jahal, sarato tokoh-tokoh Quraisy lainnyo.[22]
Muhammad kamudian mangecek jo maundang kasetiaan urang-urang tu, mamintak untuak malinduanginyo.[23][16] Salah surang diantaro urang-urang tu, al-Bara, lansuang satuju, manakanan kahebatan militer rakyatnyo. Sadangkan salah surang nan lain, Abu Haitham, mangatoan kakhewatirannyo bahwa jikok mereka bajanji jo mamutuihan hubungan jo Yahudi, Muhammad beko baliak ka kaumnyo sasudah urang-urang tu maagiah kamanangan untuak Muhammad. Muhammad mayakinan urang-urang tu bahwa inyo kini basatu jo urang-urang tu sarato akan babagi nasib dalam parang atau damai.[22][24] Duo baleh perwakilan, tigo dari Aus jo Sambilan dari Khazraj, dipiliah untuak maawasi palaksanaan pajanjian tu nan dikenal sabagai Pajanjian Aqabah II.[21] Katiko kalompok tu batanyo tantang imbalan pahalo ateh kasetian mereka, Muhammad hanyo manjawek “Sarugo”. Urang-urang tu kamudian mambaiat Muhammad.[25][26][22]
Bahijrah
[suntiang | suntiang sumber]Indak lamo sasudah Pajanjian Aqabah II tu, Muhammad mamarintahan para pangikuiknyo di Makah untuak pindah ka Madinah. Wakatu nan diparaluan untuak tibo di Madinah sakitar tigo bulan. Untuak mamastian pangikuiknyo bisa pai bahijrah, Muhammad mamiliah untuak pai paliang tarakhia, dan mambujuak urang-urang nan anggan pai bahijrah.[21] Babarapo urang Quraisy mancubo mahalangi keluarganyo untuak pai,[27][28] tapi pado akhianyo indak ado surang Muslim pun nan tatingga di Makah.[27] Muhammad maanggap hijrah ko sabagai pangusiaan dek kaum Quraisy.[28]
Tradisi Islam mancaritoan bahwa, maingek paristiwa nan tajadi, salah ciek pamimpin Quraisy, Abu Jahal, kawan maso ketek Muhammad nan kamudian manjadi musuahnyo,[29] mausulkan pambunuahan Muhammad dek wakia masiang-masiang klan Quraisy sabalumnyo pai bahijrah. Sasudah diagiah tau tantang hal iko dek malaikat Jibril, Muhammad mamintak dunsanaknyo Ali untuak lalok di tampek laloknyo mamakai jubah hadrami hijau, mayakinannyo bahwa Allah akan manjagonyo tetap aman.[30] Muhammad kamudian pai basamo Abu Bakar ka sabuah guo di Gunuang Tsur, sakitar sajam bajalan kaki ka selatan Makah, jo manyuruak di sinan.[31] Anak-anak jo pambantu Abu Bakar nan masih barado di Makah, rutin maantaan makanan untuaknyo.[32] Sasudah tigo hari manyuruak, Muhammad jo Abu Bakar pai ka Madinah jo unto nan dibali Abu Bakar sabalumnyo, dikawani dek surang pamandu banamo Abdullah bin Arqat nan marupokan panyambah barahalo.[31]
Rujuakan
[suntiang | suntiang sumber]- ↑ Shaikh, Fazlur Rehman (2001). Chronology of Prophetic Events. London: Ta-Ha Publishers Ltd.. pp. 51–52.
- ↑ Marom, Roy (Fall 2017). "Approaches to the Research of Early Islam: The Hijrah in Western Historiography". Jamma'a. 23: vii.
- ↑ Burnaby, Sherrard Beaumont (1901). Elements of the Jewish and Muhammadan calendars. pp. 373–5, 382–4. https://archive.org/details/elementsofjewish00burnuoft.
- ↑ Dershowitz, Nachum; Reingold, Edward (2018). "Table 1.2 Epochs for various calendars". Calendrical Calculations (edisi ke-Third). O'Reilly. p. 17. ISBN 9781108546935. OCLC 1137352777. https://books.google.com/books?id=cK1XDwAAQBAJ&pg=PA17.
- ↑ Buhl & Welch (1993), hlm. 364.
- ↑ Lewis (2002), hlm. 35–36.
- ↑ Muranyi (1998), hlm. 102.
- ↑ Gordon (2005), hlm. 120-121.
- ↑ Moojan Momen (1985), An Introduction to Shi'i Islam: History and Doctrines of Twelver Shi'ism, Yale University Press, New edition 1987, p. 5.
- ↑ a b c Holt et al. (1978), hlm. 39.
- ↑ a b c Gil (1997), hlm. 11.
- ↑ Rodgers (2012), hlm. 54.
- ↑ Gibb et al. (1986), hlm. 514.
- ↑ Fontaine (2022), hlm. 244.
- ↑ Rodinson (2021), hlm. 142–3.
- ↑ a b Peters (2021), hlm. 211.
- ↑ "THE FIRST AQABAH PLEDGE". IslamBasics.com (dalam bahasa Inggris). Diakses tanggal 2024-09-18.
- ↑ Gabriel, Richard A. (2014-10-22) (dalam bahaso en). Muhammad: Islam's First Great General. University of Oklahoma Press. ISBN 978-0-8061-8250-6. https://books.google.com/books?id=0HQCBQAAQBAJ&dq=muhammad+621,+pledge+of+women&pg=PA61.
- ↑ a b Rodgers (2012), hlm. 47.
- ↑ Rodinson (2021), hlm. 143–4.
- ↑ a b c Rodinson (2021), hlm. 144.
- ↑ a b c Rodgers (2012), hlm. 48.
- ↑ Fontaine (2022), hlm. 245.
- ↑ Peters (1994), hlm. 212.
- ↑ Glubb (2001), hlm. 144.
- ↑ Gabriel (2007), hlm. 61.
- ↑ a b Fontaine (2022), hlm. 246.
- ↑ a b Rodgers (2012), hlm. 49.
- ↑ Gabriel (2007), hlm. 101.
- ↑ Peters (1994), hlm. 186–7.
- ↑ a b Rodinson (2021), hlm. 145.
- ↑ Rodgers (2012), hlm. 51.
Bibliografi
[suntiang | suntiang sumber]- Gil, Moshe (27 February 1997). A History of Palestine, 634–1099. Cambridge University Press. ISBN 978-0-521-59984-9. OCLC 779476694.
- Gibb, Hamilton Alexander Rosskeen; Lewis, Brian; Donzel, Emeri J. van; Bosworth, Clifford Edmund (1986). The Encyclopaedia of Islam: Vol. 1-. E.J. Brill. OCLC 872092039.
- Rodgers, Russ (2012). The Generalship of Muhammad: Battles and Campaigns of the Prophet of Allah. University Press of Florida. ISBN 978-0-8130-3766-0. OCLC 797916550.
- Gabriel, Richard A. (2007). Muhammad: Islam's First Great General. University of Oklahoma Press. ISBN 978-0-8061-3860-2. OCLC 78788501.
- Peters, F. E. (2021-03-09). Judaism, Christianity, and Islam: The Classical Texts and Their Interpretation, Volume I: From Convenant to Community. Princeton University Press. ISBN 978-0-691-22682-8. OCLC 1132222513.
- Glubb, Sir John Bagot (2001). The Life and Times of Muhammad. Cooper Square Press. ISBN 978-0-8154-1176-5. OCLC 50273853.
- Holt, Peter Malcolm; Lambton, Ann K. S.; Lewis, Bernard (1978). The Cambridge History of Islam. Cambridge University Press. ISBN 978-0-521-29135-4. OCLC 828737664.
- Muranyi, Miklos (1998). The Life of Muhammad. Ashgate. ISBN 978-0-86078-703-7. OCLC 1338681712.
- Gordon, Matthew (30 May 2005). The Rise of Islam. Greenwood Publishing Group. ISBN 978-0-313-32522-9. OCLC 57613641.
- Rodinson, Maxime (2 March 2021). Muhammad. New York Review of Books. ISBN 978-1-68137-493-2. OCLC 1150849724.
- Fontaine, P. F. M. (4 October 2022). Imperialism in Medieval History I: Dualism in Byzantine History 476–638 and Dualism in Islam 572–732. BRILL. ISBN 978-90-04-50234-5. OCLC 1348484291.
- Peters, F. E. (6 April 1994). Muhammad and the Origins of Islam. State University of New York Press. ISBN 978-1-4384-1597-0. OCLC 42636559.
- Schacht; Lewis; Pellat et al., eds (1998-06-26). Encyclopaedia of Islam, Volume III (H-Iram): [Fasc. 41-60, 60a]. Brill. ISBN 978-90-04-08118-5. OCLC 223374133. https://brill.com/edcollbook/title/1482. Diakses pado 21 Juni 2023.
- Lewis, Bernard (2002). The Arabs in History. Oxford, New York: Oxford University Press. ISBN 978-0-19-280310-8. OCLC 784886690. https://global.oup.com/academic/product/the-arabs-in-history-9780192803108?cc=us&lang=en&.
- Buhl, F.; Welch, A.T. (1993). Encyclopaedia of Islam. 7 (edisi ke-2nd). Brill. ISBN 978-90-04-09419-2. OCLC 872092039.