Hidroksiklorokuin

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Hidroksiklorokuin
Hydroxychloroquine-based-on-xtal-Mercury-3D-balls.png
Data klinis
Namo dagangQuinoric, Axemal (di India), Dolquine, jo Quensyl
AHFS/Drugs.comMonograph
MedlinePlusa601240
Rute
masuak ubek
lewat muluik
Kode ATC
Status legal
Status legal
Farmakokinetik data
BioavailabilitasTmax = 2–4.5 jam
Ikatan protein45%
Eliminasi wakatu paruah32–50 ari
Pangenal
Nomor CAS
PubChem CID
IUPHAR/BPS
DrugBank
ChemSpider
UNII
KEGG
ChEBI
ChEMBL
CompTox Dashboard (EPA)
ECHA InfoCard100.003.864 Sunting ini di Wikidata
Data kimia jo fisika
FormulaC18H26ClN3O
Molar mass335.872 g/mol g·mol−1
3D model (JSmol)
 NYaY (what is this?)  (verify)

Hidroksiklorokuin adolah ubek nan digunoan untuak maubek urang nan kanai panyakik malaria[lower-alpha 1] [1]. Hidroksiklorokuin bisa juo digunoan untuak panyakik nan manyarang kakabalan tubuah contohnyo lupus eritematosus sistemik jo paradangan sendi (rheumatoid arthritis)[2]. Maagiah hidroksiklorokuin untuak panyakik lupus jo paradangan sendi bisa diguoan jikok ubek nan utamo indak mampan[1]. Hidroksiklorokuin marupoan ubek golongan 4-aminokuinolin nan disintesis pado tahun 1946 jo manambahkan gugus hidroksil pado klorokuin.[2]

Pado tahun 1955 hidroksiklorokuin alah disatujui pamakaiannyo di Amerika Serikat, jo alah masuak ka daftar ubek nan pantiang di WHO.[3][4] Pado taun 2017, hidroksiklorokuin ko alah diresepakan sabanyak limo juta resep, sarato ubek nan ka 128 nan paliang banyak tajua di Amerika Serikat.[5] [6]

Panggunoan[suntiang | suntiang sumber]

Hidroksiklorokuin adolah ubek nan indak buliah dimakan sumbarangan sajo. Ubek ko harus dimakan karano parintah dari dotor. Hidroksiklorokuin ko indak buliah diagiahan ka urang nan sensitip bana kapado sanyawa 4-aminokuinolin.[7]

Pamakaian hidroksiklorokuin paralu hati-hati kapado urang nan mandarito panyakik gulo, panyakik jantuang, urang nan sadang manganduang, jo panyakik lainnyo.[8] [9] Urang nan ado riwayaik panyakik jantuang harus sangaik hati-hati, karano ubek ko bisa mambuek irama jantuang indak stabil.[1]

Efek Sampiang[suntiang | suntiang sumber]

Akibaik dari pamakaian hidroksiklorokuin diantaronyo sakik kapalo, muntah, paniang kapalo, kram di pruik.[1][3] Efek iko biasonyo bisa hilang dalam babarapo hari. Tapi ado pulo efek nan mambahayokan kapado pamakainyo, diantaronyo gata-gata pado kulik, sakik tanggorokan, pandarahan, lamah otot, efek kasihatan mental, parubahana suasana hati nan indak normal, gangguan irama jantuang, pancaliakan kabua, rambuik rontok, kajang-kajang, dll.[1][10]

Interaksi[suntiang | suntiang sumber]

Sacaro khusus label ubek Amerika Serikat, FDA (Food and Drug Administration) untuak hidroksiklorokuin mancantumkan interaksi ubek sabagai barikuik:[7] [11]

  • Digoxin : bisa manyababkan maningkeknyo kadar digoxin serum.[1][7]
  • Insulin (ubek anti panyakik gulo) : bisa maningkekan efek pangubatan hipoglikemik.[1][7]
  • Antasida : Ubek nan mampapanjang interval QT jo ubek aritmogenik lainnyo. Karano Hydroxychloroquine mampapanjang interval QT jo bisa maningkekan rasiko irama jantuang indak normal nan sarius jikok digunokan basamo-samo.[10][1]
  • Mefloquine jo ubek lain nan manurunkan ambang kajang : jikok diminum sarato jo antimalaria nan manurunkan ambang kajang, bisa maningkekan rasiko kajang-kajang).[7]
  • Antiepilepsi : jikok diminum sarato bisa mangganggu aktivitas antiepilepsi.
  • Methotrexate : panggunoan sacaro basamo-samo alum dipalajari bana jo dapek frekuensi efek sampiang.
  • Siklosporin : kadar siklosporin bisa maningkek jikok dipakai basamo-samo.
  • Simetidin : bisa mahambek metabolisme hidroksiklorokuin sulfat sahinggo bisa maningkekan level plasma.[11]

Dosis[suntiang | suntiang sumber]

Dosis resep akan diagiah dek dotor untuak urang nan mamaraluan hidroksiklorokuin. Dosis pakainyo sabagai barikuik:[1]

Pancagahan malaria[suntiang | suntiang sumber]

  1. Anak ketek : 6,5 mg/kgBB, diminum 1 kali seminggu. Ubek ko diagiah untuak mancagah malaria 2 minggu sabalum barangkek ka daerah endemis malaria, kamudian dimakan salamo 8 minggu.[1]
  2. Urang gadang : 400 mg diminum 1 kali seminggu. Ubek ko diagiah untuak mancagah malaria 2 minggu sabalum barangkek ka daerah endemis malaria, kamudian dimakan salamo 8 minggu.[1]

Pangubatan malaria[suntiang | suntiang sumber]

  1. Anak ketek  : Dosis partamo adolah 13 mg/kgBB. Salanjuiknyo diagiah 5 mg/kgBB, sasudah 6 jam , 24jam, jo 48 jam.[1]
  2. Urang gadang : Dosis partamo adolah 800mg. Salanjuiknyo sasudah 6 - 8 jam diminum 400 mg. Sahari sasudah itu, 400 mg untuak diminum 2 ari.[1]

Lupus jo rheumatoid arthritis[suntiang | suntiang sumber]

  1. Anak ketek : dosis paliang banyak adolah 6,5 mg/kgBB per hari, atau 400 mg per hari.[1]
  2. Urang gadang : 400 mg x 1 hari, bisa dosis sakali minum atau dibagi manjadi duo kali minum. Jikok panyakik alah mulai cegak, bisa diagiah dosis 200 - 400 mg per hari, atau tagantuang dari respons pasien ka ubek.[1]

Untuak hasia pangubatan maksimal, minum hidroksiklorokuin pado jam nan samo satiok ari.[1]

Catatan kaki[suntiang | suntiang sumber]

  1. Panyakik malaria adolah panyakik nan manyeba dek gigi ragik nan mambaok parasit takah Plasmodium malariae, Plasmodium ovale, Plasmodium vivax, atau Plasmodium falciparum.

Rujuakan[suntiang | suntiang sumber]

Daftar Pustaka[suntiang | suntiang sumber]

  • World Health Organization model list of essential medicines: 21st list 2019. Geneva: World Health Organization. 9 Mai 2019. WHO/MVP/EMP/IAU/2019.06. License: CC BY-NC-SA 3.0 IGO.