Hepatitis B

Wikipedia Minangkabau - Lubuak aka tapian ilimu

Hepatitis B adolah panyakik di ati dek karano "Virus Hepatitis B" (VHB), nan dapek manyababan radang ati akut atau bataun-taun nan pado sabagian ketek hal ko dapek taruih manjadi Heart Cancer.[1] Sabab-sabab Hepatitis ko ruponyo indak dek karano virus se, Racun ubek sarato panjalehan tantang jinih dari bahan atau zat kimia co karbon tetraklorida, chlorpromazine, chloroform, arsen, phosphorus - (Bahaso Indonesia: Fosfor, Bahaso Malayu: Fosforus) dan lain-lainnyo nan digunoan sabagai ubek dalam industri modern, dapek manyababan hepatitis juo. Bahan-bahan kimia ko sene dilulua, tairuik, dan disirap liwaik kulik urang nan mandarito panyakik iko. Manetralkan racun nan manyeba di dalam darah marupoan karajo ati. Jikok banyak bana bahan-bahan kimia nan mampunyoi racun masuak ka tubuah, ati dapek se ka rusak inggo indak dapek manetralkan racun lain.

Sifek Hepatitis B[suntiang | suntiang sumber]

Jikok mancaliak antaro Hepatitis B jo HIV, virus Hepatitis B (VHB) ko labiah bahayo dan sapuluah kali labiah banyak manjangkik. Banyak dari gajalo Hepatitis B iko indak nyato. Atau gajalo panyakik iko indak dirasoan dek nan mandarito panyakik iko.

Sabananyo, gajalo panyakik hepatitis B ko indak barek. Di antaronyo co salero makan ilang, raso indak lamak di paruik, raso mual inggo mutah, damam, adang-adang disaratoan jo raso sakik sandi dan bangkak pado paruik kanan ateh. Salapeh tujuah ari, tibo gajalo utamo co mato kuniang, kulik pado tubuah manjadi kuniang. Kutiko kajamban, aia bawarno co teh

Panjangkikan[suntiang | suntiang sumber]

Hepatitis B labiah sarius daripado hepatitis lain. Hepatitis B dapek manjangkik pado siapo sajo. Ado babarapo nan mambuek Hepatitis B manjangkik:

- Sacaro vertikal, ado pado amak-amak nan mandarito Hepatitis B nan panyakiknyo dapek juo manjangkik ka bayi kutiko laia atau salapeh laia .

- Sacaro horizontal, karano panggunoan alaik suntik nan tacemo, tusuak pakaturiak, tusuak jarun, transfusi darah, pisau cukua, sikek gigi basamo-samo

Sabagai pananganan, biasonyo taadok darah-darah nan ditarimo dari nan manyumbangan ko diuji talabiah daulu apokoh darah nan ditarimo tu mampunyoi reaksi jo Hepatitis, Sifilis dan HIV.

Sungguah, indak kasado nan positif Hepatitis B paralu untuak Sanak takuik-an. Dari hasil pamarisoan darah, dapek tasingkok apo ado riwayaik lai kanai jo panyakik iko dan kini alah kaba, atau virusnyo alah indak ado. Bagi nan bakandak kawin, indak salah untuak mamarisoan laki atau bininyo untuak panjangkikan panyakik iko

Paubek-an[suntiang | suntiang sumber]

Hepatitis ko nan disababan dek panjangkikan virus mambuek sel-sel ati rusak inggo indak dapek co nan diarok-an. Biasonyo sel-sel ati ko dapek tumbuah lai jo adonyo siso karusakan saketek, tapi paralu wakatu nan cukuik lamo malalui diet sarato istirahaik nan baiak.

Hepatitis B akut biasonyo sambuah, anyo 10% manjadi Hepatitis B kronik (bataun-taun) sarato dapek manjadi sirosis ati atau heart cancer. Saaik iko ado babarapo caro untuak masalah Hepatitis B kronis nan dapek maningkekan paluang iduik bagi saurang pandarito panyakik ko. Ado dalam bantuak antiviral co lamivudine dan adefovir dan modulator sistem kaba co Interferon Alfa ( Uniferon). Sarato ado juo ubek tradisional. Tumbuahan ubek atau herbal nan dapek digunoan untuak maalang dan sangak manoloang untuak Hepatitis diantaronyo ado efek sabagai hepatoprotektor, adolah untuak malindungi ati dari pangaruah zat toksik nan dapek mambuek sel ati rusak, ado juo sabagai anti radang, kolagogum dan khloretik untuak paningkekan produksi empedu dek ati. Babarapo jinih tumbuhan ubek nan dapek digunoan untuak Hepatitis, antaro lain adolah temulawak (Curcuma xanthorrhiza), kunik (Curcuma longa), sambiloto (Andrographis paniculata), meniran (Phyllanthus urinaria), daun serut/mirten, tindawan kayu/lingzhi (Ganoderma lucidum), aka buluah atau alang-alang (Imperata cyllindrica), rumpuik mutiara (Hedyotis corymbosa), pegagan (Centella asiatica), buah kacapiring (Gardenia augusta), buah mingkudu (Morinda citrifolia), jombang (Taraxacum officinale).sarato juo ado jalan alternatif lain Hepatitis B co hijamah/bekam nan dapek manyambuahan kasado panyakik hepatitis jikok jo caro panggunoan nan batua sarato sasuai juo jo standar medis.

Caliek juo[suntiang | suntiang sumber]

  1. "Esto es la hepatitis: Conócela, enfréntate a ella". Infoterio Noticias | Ciencia y Tecnología (dalam bahasa Spanyol). Diakses tanggal 2023-02-16.