Hassan Bin Tsabit

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Hassan bin Tsabit adolah salah saurang panya'ir Rasul di maso Islam nan kumpulan sya'irnya lah di cetak dan di sebar sacaro lueh.[1] Namo langkoknyo adolah Hassan bin Tsabit bin Mundzir Al-Khazraji Al-Anshari, baliau biaso dipanggia Abu Walid dan galanyo Sya'ir Ar-Rasul (Panya'ir Rasul).[1] Baliau hiduik salamo 60 taun pado maso jahiliyah dan salamo 60 taun pado maso Islam.[1] Baliau manjadi panya'ir kaum Anshar pado maso jahiliyah jo manjadi panya'ir Rasul pado maso Islam.[1]

Aisyah pernah bakato,"Rasulullah sangajo malatakkan ciek pangguang ketek di Masjid Nabawi hanyo untuak Hassan bin Tsabit. Diateh pangguang ketek tulah Hassan mambangga-banggakan Rasulullah jo sya'ir-sya'irnyo". (HR. At-Tirmidzi).

Tantang Hassan, Rasulullah Shallallahu Alaihi wa Sallam acok bakato, "Sasungguahnyo Allah Manguekkan Hassan jo Ruhul Qudus (Jibril) katiko inyo mambanggakan jo mambela Rasulullah.

Panyair Rasulullah iko bausia panjang, kiro-kiro 100 tahun, dan maningga dunia pado 53 H/672 M. Katenarannyo sabagai panya'ir alah tasebar sajak maso jahiliyah. katiko itu baliau lah dikenal dek para panguaso Ghassaniyyah.[2]

Rujuakan[suntiang | suntiang sumber]

  1. a b c d Mursi, Muhammad Sa'id (2007). Tokoh-Tokoh Besar Islam Sepanjang Sejarah. Jakarta: Pustaka Al-Kautsar. pp. 144-146. ISBN 979-592-387-0. 
  2. Usmani, Ahmad Rofi' (2007). Wangi Akhlak Nabi: Kisah-Kisah Teladan Rasulullah SAW. Tentang Cinta, Persaudaraan, dan Kebaikan. Jakarta: Mizania. pp. 11. ISBN 9789798394683. https://books.google.co.id/books?id=gF6BAwAAQBAJ&pg=PT44&dq=hassan+bin+tsabit&hl=en&sa=X&ved=0ahUKEwjOqZWI9N3WAhUJy7wKHcilDjQQuwUIKzAA#v=onepage&q=hassan%20bin%20tsabit&f=false.