HIM Damsyik
HIM Damsyik | |
|---|---|
| Lahia | Incik Muhammad Damsyik 14 Maret 1929 Teluk Betung, Lampung, Hindia Balando |
| Maningga | 3 Februari 2012 (umua 82) |
| Namo lain | HIM Damsyik |
| Karojo | |
| Taun aktif | 1959 – 2012 |
| Urang tuo | Intji Djaafar (ayah) |
Haji Incik Muhammad Damsyik (lahia di Teluk Betung, Lampung, 14 Maret 1929 – maningga di Depok, 3 Februari 2012 pado umua 82 taun[1]), atau labiah dikana jo namo HIM Damsyik, adolah aktor sanior jo panari Indonesia. Inyo mulai dikana sajak mamainkan tokoh Datuk Maringgih dalam sinetron Siti Nurbaya nan ditayangan dek TVRI pado taun 1992, sahinggo namo Datuk Maringgih iko malakek ka inyo. Inyo acok pulo dijuluaki Datuk Dansa karano kapandaiannyo manari.
Biografi[suntiang | suntiang sumber]
Maso ketek[suntiang | suntiang sumber]
Kaduo urang tuonyo barasa dari Minangkabau nan tamasuak urang cadiak pado maso itu, nan bakarajo di parusahaan-parusahaan Balando.[2] Sajak ketek, anak laki-laki dari kapalo pagawai di parusahaan palayaran Balando, Koninklijke Paketvaart Maatschappij (KPM), alah manyukoi manari. Tiok ado pesta atau parayaan, Damsyik acok turuik sarato dalam manyanyi jo manari. Bakatnyo samakin tarasah katiko marantau ka Jakarta untuak kuliah. Katiko itu, masih banyak urang Balando nan tingga di Jakarta, sahinggo budayo dansa masih dominan sabagai alaik pargaulan, tamasuak di kalangan mahasiswa. Samaso kuliah, Damsyik aktif sabagai anggota Ikatan Mahasiswa Jakarta (Imada).[3]
Karier[suntiang | suntiang sumber]
Karier manari[suntiang | suntiang sumber]
Samanjak manjuarai Lomba Dansa Ballroom di Jakarta, Damsyik mamutuihan untuak manakuni dansa sacaro profesional. Inyo mandalami dansa salamo ampek taun di Rellum Dancing School, Balando, kamudian manjadi salah saurang instruktur dansa Indonesia nan barhasil mangantongi ijazah dansa bakelas internasional. Damsyik parnah manjadi juara duo lomba dansa internasional di Bangkok.[4] Inyo dikana sabagai guru dansa ballroom Amerika Latin pado taun 1950-an. Katanaran dansa manurun pado akhia 1950-an, katiko Partai Komunis Indonesia manyabuik dansa sabagai gaya iduik imperialis. Hal iko turuik bapangaruah pado kaidupan Damsyik. Damsyik manjadi guru dansa di sakolah-sakolah tari nan banyak baserak di Jakarta sarato mangaja privat. Inyo kamudian mandirian sakolah dansa surang banamo Damsyik School of Dance.[3]
Salapeh Komite Olahraga Nasional Indonesia (KONI) maakui dansa sabagai olahrago, didirianlah Ikatan Olahraga Dansa Indonesia nan banauang di bawah kaanggotaan KONI. Damsyik manjadi katua umum partamonyo sajak tanggal 12 Juli 2002.[3]
Karier akting[suntiang | suntiang sumber]
Damsyik mulai bamain film pado taun 1959 malalui film Bertamasja. Awalnyo, Damsyik diajak bamain sabagai aktor dek sutradaro Wim Umboh, nan sabalumnyo alah biaso maajaknyo sabagai koreografer untuak film-filmnyo. Damsyik sampek baranti dari dunia film, tapi ikuik bamain film baliak pado taun 1981. Namonyo mulai dikana urang katiko bamain sabagai Datuk Maringgih dalam sinetron Siti Nurbaya (1992). Damsyik awalnyo sempat manulak mamerankan Datuk Maringgih, karano manuruik inyo jiko salah mamerankannyo, mako saluruah kru produksi bisa diprotes dek pemirsa, tapi akhianyo inyo berhasil mamerankannyo dan karakter tu diidentikan jo dirinyo. Hinggo taun 1994, Damsyik tacatat alah bamain dalam 62 film bioskop.[5][6]
Maningga dunia[suntiang | suntiang sumber]
Pado tanggal 3 Februari 2012, HIM Damsyik maningga dunia di Rumah Sakik Cinere, Depok, Jawa Barat. Sabalumnyo, inyo dirawaik salamo sabulan di Rumah Sakik MMC Kuningan. Janazahnyo dikubuan di TPU Karet Bivak isuak arinyo.[7]
Kahidupan pribadi[suntiang | suntiang sumber]
Damsyik manikah jo Linda Damsyik, saurang instruktur dansa. Pasangan iko punyo limo urang anak.[5] Anak-anaknyo mangalola sajumlah studio dansa di Jakarta. Sabalum kamatiannyo, Damsyik mamiliki tinggi 1,8 m jo barek 55 kg.[3]
Filmografi[suntiang | suntiang sumber]
Film[suntiang | suntiang sumber]
Sinetron[suntiang | suntiang sumber]
- Warkop DKI
- Si Buta dari Goa Hantu
- Si Toloy Bocah Sakti
- Tersanjung
- Mahkota Mayangkara
- Siti Nurbaya
- Wah Cantiknya
- Titipan Ilahi
- Maha Kasih
- Anakku Bukan Anakku
- Aku Bukan Untukmu
- Lia
- Mister Olga
Rujuakan[suntiang | suntiang sumber]
- Catatan kaki
- ↑ "HIM Damsyik Tutup Usia". kompas.com. 3 Februari 2012. Diakses tanggal 5 Januari 2024.
- ↑ "Berdansa dengan Datuk Maringgih". tirto.id. 3 Februari 2012. Diakses tanggal 5 Januari 2024.
- ↑ a b c d "Dunia Dansa Si Datuk Maringgih". kompas.com. 3 Februari 2012. Diakses tanggal 5 Januari 2024.
- ↑ "Mengenang 6 Tahun Meninggal Dunia Him Damsyik". fimela.com (dalam bahasa (Inggirih)). 5 Februari 2018. Diakses tanggal 5 Januari 2024.
- ↑ a b "Obituary: Dancing actor HIM Damsyik". thejakartapost.com (dalam bahasa (Inggirih)). 4 Februari 2012. Diakses tanggal 5 Januari 2024.
- ↑ Eneste 2001, hlm. 48.
- ↑ "Him Damsyik Dimakamkan Di TPU Karet Bivak Siang Ini". republika.co.id. 4 Februari 2012. Diakses tanggal 5 Januari 2024.
- Daftar pustaka
- Eneste, Pamusuk (2001). Bibliografi Sastra Indonesia. Magelang, Indonesia: Yayasan Indonesiatera. ISBN 978-979-9375-17-9. https://books.google.com/?id=6hApcTtOsQMC.
Pautan lua[suntiang | suntiang sumber]
- (Indonesia) Profil di situs web Tokoh Indonesia Archived 2007-12-17 di Wayback Machine.
- (Inggirih) H.I.M. Damsyik pado Internet Movie Database.
- Pemeliharaan CS1: Bahasa yang tidak diketahui
- Pages using infobox person with unknown empty parameters
- Articles with hCards
- Tangga lahia 14 Maret
- Lahia 1929
- Tangga kamatian 3 Februari
- Kamatian 2012
- Semua orang yang sudah meninggal
- Maningga umua 82
- Pemeran laki-laki Indonesia
- Seniman Minangkabau
- Tokoh perfilman Minangkabau
- Tokoh dari Bandar Lampung
- Panari Indonesia