Lompat ke isi

Guruh Soekarnoputra

Wikipedia Minangkabau - Lubuak aka tapian ilimu
Guruh Sukarnoputra
Lahia
Muhammad Guruh Irianto Sukarnoputra

13 Januari 1953 (umua 71)
Jakarta, Indonesia
KarojoPamusik, aktor, politikus
Partai politikPDI Perjuangan
PasanganGuseynova Sabina Padmavati (m. 2002–2014) «Parameter salah (harus 1 — 12) 2002 (2002-start:) –end+1: (2015)»"Marriage: Guseynova Sabina Padmavati to Guruh Soekarnoputra" Location: (linkback://min.wikipedia.org/wiki/Guruh_Soekarnoputra)
Musical career
Genre musik
Artis Takaik

Muhammad Guruh Irianto Sukarnoputra (lahia 13 Januari 1953; umua 71 taun)[1] adolah saurang pamusik jo politikus Indonesia.

Biografi

[suntiang | suntiang sumber]

Guruh Soekarnoputra adolah anak laki-laki paliang ketek dari presiden Indonesia partamo Soekarno jo bini katigonyo, Fatmawati, sarato adiak dari mantan presiden Megawati Sukarnoputri.[2]

Guruh manampuah pandidikan SD jo SMP di Jakarta.[3] Kamudian inyo bakuliah di Fakultas Arkeologi di Universitas Amsterdam, Balando, nan luluih pado taun 1976. Bukannyo manuruikan jajak apaknyo di dunia politik, inyo mamiliah bakarier di bidang seni, nan sampai kini alah mamproduksi labiah dari 100 karya koreografi jo lagu-lagu tanamo di Indonesia. Pado taun 1991, inyo dianugerahi pangharagoan Chevalier de L'Ordre des Arts et des Lettres dek pamarentah Parancih.[4] Guruh marilis album bajudul Guruh Gipsy pado taun 1977 basamo Chrisye.[5]

Guruh tajun ka dunia politik pado taun 1992, manjadi anggota Dewan Perwakilan Rakyat Republik Indonesia mawakili Partai Demokrasi Indonesia (PDI). Katiko PDI tapacah pado taun 1996 satalah Kongres Partai di Medan, inyo bagabuang jo Partai Demokrasi Indonesia Perjuangan nan mamisahkan diri. Malalui partai iko, inyo tapiliah baliak dalam pamilu legislatif 2004, 2009, 2014, jo 2019.[6] Kini, inyo manjadi anggota DPR mawakili Kabupaten Blitar, Jawa Timur.[3][7]

Inyo taruih aktif jo talibek di dunia seni, tamasuak mangarahkan partunjukan seni pado upacara pambukaan Pekan Olahraga Nasional 2000 di Surabaya.[3] Pado taun 2013, Guruh manyalanggarokan pagelaran batajuak Sri Mimpi Indonesia. Partunjukan iko manampilkan kumpulan lagu-lagu karya Guruh, nan diadokan di di Plenary Hall, Jakarta Convention Center (JCC), Jakarta pado tanggal 1 September 2013.[8]

Kahidupan pribadi

[suntiang | suntiang sumber]

Pado taun 2002, baumua 49 taun, Guruh manikah jo saurang panari Azeri kalahiran Uzbekistan banamo Guseynova Sabina Padmavati, nan umuanyo 26 taun labiah mudo dari inyo.[9] Kaduonyo manikah pado tanggal 20 September 2002 di Tashkent, Uzbekistan. Resepsi diadokan pulo di Sriwidjaya Raya, Jakarta, pado tanggal 19-20 Oktober 2002.[10] Panikahan tasabuik barakhir jo pacaraian dan Sabina dikabakan babaliak ke Uzbekistan.[11]

Prestasi

[suntiang | suntiang sumber]

Pado tanggal 23 Maret 2011, batepatan jo Perayaan Hari Musik Nasional, Guruh manarimo Penghargaan Nugraha Bhakti Musik Indonesia (NBMI) dari Persatuan Artis Penyanyi, Pencipta Lagu, dan Penata Musik Rekaman Indonesia (PAPPRI).[12]

Pangharagoan

[suntiang | suntiang sumber]
Taun Pangharagoan Kategori Karya Hasil
1998 Anugerah Musik Indonesia Pencipta Lagu Pop Terbaik Kala Cinta Menggoda Manang
2010 Anugerah Musik Indonesia Lifetime Achievement Award Penerima

Filmografi

[suntiang | suntiang sumber]

Film

[suntiang | suntiang sumber]
Taun Judul Peran Katerangan
Komponis
1977 Ali Topan Anak Jalanan Iyo
1979 Puspa Indah Taman Hati Iyo
Gita Cinta dari SMA Iyo
1980 Untukmu Indonesiaku! Iyo Juga sabagai aktor
Roman Picisan Iyo
1985 Sembilan Wali (Wali Sanga) Iyo Juga sabagai aktor
2011 Misteri Hantu Selular Idak Sabagai aktor
2016 Pacarku Anak Koruptor Idak

Rujuakan

[suntiang | suntiang sumber]
  1. ↑ "Guruh persembahkan pagelaran seni "Beta Cinta Indonesia". antaranews.com. 21 October 2011. Diakses tanggal 9 Januari 2024. 
  2. ↑ "Profil Guruh Soekarnoputra, Adik Kandung Megawati Sekaligus Anak Soekarno yang Kini Rumahnya Disita". tribunnewswiki.com. 20 Juli 2023. Diakses tanggal 9 Januari 2024. 
  3. ↑ a b c Daniel Dhaidae & H. Witdarmono (2000) hlm. 79
  4. ↑ Yayasan API (2001) hlm. 667
  5. ↑ "Guruh Gipsy, Album Terbaik ke-2 di RI, Langka dan Diburu Kolektor". detik.com. 21 Agustus 2023. Diakses tanggal 9 Januari 2024. 
  6. ↑ "M. GURUH IRIANTO SUKARNO PUTRA". DEWAN PERWAKILAN RAKYAT REPUBLIK INDONESIA. Sekretariat Jenderal DPR RI. Diarsipkan dari versi asli tanggal 2021-11-06. Diakses tanggal 9 Januari 2024. 
  7. ↑ Daniel Dhaidae (Ed) (2005) hlm. 166
  8. ↑ "Guruh Soekarnoputra Siap Gelar Sri Mimpi Indonesia". liputan6.com. 27 Agustus 2013. Diakses tanggal 9 Januari 2024. 
  9. ↑ "Guruh Sukarnoputra, Akhirnya..." liputan6.com. 29 September 2002. Diakses tanggal 9 Januari 2024. 
  10. ↑ "Guruh "Kesetrum" Sabina". Diarsipkan dari versi asli tanggal 2008-12-22. Diakses tanggal 9 Januari 2024. 
  11. ↑ "Ultah ke-61, Guruh Soekarnoputra Tak Pedulikan Jodoh". Liputan6.com. 14 Januari 2014. Diakses tanggal 9 Januari 2024. 
  12. ↑ "Menbudpar Sematkan Satyalencana Kebudayaan 2010". ANTARA News. Diarsipkan dari versi asli tanggal 2013-03-02. Diakses tanggal 9 Januari 2024. 
Daftar pustaka
  • Daniel Dhaidae & H. Witdarmono (Eds) (2000)Wajah Dewan Perwakilan Rakyat Republic Indonesia Pemilihan Umum 1999. Harian Kompas, Jakarta, ISBN 979-9251-43-5 (Indonesian)
  • Yayasan API (2001), Panduan Parlelem Indonesia. Jakarta, ISBN 979-96532-1-5 (Indonesia)

Pautan lua

[suntiang | suntiang sumber]

Templat:Soekarno

Diambiak dari "https://min.wikipedia.org/w/index.php?title=Guruh_Soekarnoputra&oldid=3149483"