Guo Pınargözü

Wikipedia Minangkabau - Lubuak aka tapian ilimu

Guo Pınargözü (bahaso Turki: Pınargözü Mağarası, sacaro harfiah bararti "mato aie"[1]), adolah sabuah guo nan berjarak18 kilometer (11 mil) di sabelah barat kota Yenişarbademli, Provinsi Isparta, Turki.[2] Guo Iko dianggap sabagai guo tapanjang di Turki, walaupun alum ado nan manjelajahinyo sacaro kaseluruhan, dan sampai sajauh maa urang nan dapek manjelajahinyo masih dalam perdebatan.

Pintu masuak guo barado di lereng Gunuang Dedegöl talatak pado katinggian 1.550 meter (5.090 kaki), di daerah hutan Taman Nasional Kızıldağ.[3][4] Guo tasebuik takana jo aliran aie nan mangalie teruih manaruih dari muluik guo, nan disebuik juo jo Devre Su.[5] Kecepatan Angin di guo tasabuk mancapai 166 km / jam (103 mph) nan bahambuih malalui lubang sampiik guo saroman efek cerobong asok.[6]

Panjalajahan[suntiang | suntiang sumber]

Guo iko partamo kali ditamuan pado taun 1964 dek "bapak guo" Turki, Temuçin Aygen.[7][8] Panjalajahannyo ka dalam guo basamo jo Masyarakaik Speleologi Turki baranti dek “sump”, atau banjir, bajarak indak jauah dari pintu masuak.[9] Sakalompok tim speleologists Prancis dari Spéléo-club de Paris nan bakarajo samo jo panjalajah guo Turki nan marupoan urang partamo nan masuak ka guo.[1][10] Anggota tim J. L. Pintaux jo Doniat (namo lengkap indak diagian) malewati sump (banjir) dan manjadi nan partamo manjalajahi bagian dalam guo tasabuik pado bulan Agustus 1965.[9] Pado bulan Agustus 1968, Claude Chabert, jo Michel Bakalowicz dari Spéléo-club de Paris, dikawanan dek Michael Clarke dari British Speleological Association, marupoan kalompok kaduo nan barani malewati "sump".[9] Mereka manjalajahi ka dalam guo labiah jauah, mareka juo nan partamo mandokumentasian aie terjun di dalam guo tasebuik, sabalum menyerahkannyo ka tim Inggris dari Chelsea Speleological Society nan kamudian manjalajahi guo sakitar sajauah 900 m (3.000 kaki) nan akhirnyo dipaso untuak beranti di jalur nan banjir tapeknya di 80 m (260 m) ft) atau di ateh pintu masuak.[1][9] Tim Inggris babaliak pado bulan Agustus 1969 dan bausaho masuak sajauah 1.600 m (5.200 kaki) sabalum akhirnyo baranti. Panjalajahan tasabuik mambawo mareka ka 138 m (453 kaki) dari pintu masuak.[9]

Pado bulan Agustus 1970, Klub Alpine Prancis, basamo Clarke, barasil mangikuti batang aia bawah tanah sapanjang 3,220 m (10.560 kaki) nan ado di dalam guo, pado saaik mancapai 190 m (620 kaki) di ataeh pintu masuak, mareka tahanti dek aie terjun.[9] Clarke basamo Klub Alpine Prancis babaliek liek pado bulan Agustus 1971, kali iko bagabuang jo Masyarakaik Speleologi Turki. Kelompok iko mangikuti batang aia malalui pinggie dindiang goa nan tabantuak dari fosil nan pado akhirnyo tahanti di sumua sadalam 15 meter (49 kaki), pado kedalaman 248 m (814 kaki) dari muluik guo. Pado titiak iko 4,685 m (15.371 kaki) kamudian tim mambuek dokumentasi keadaan di dalam Guo Pınargözü.[9]Pado bulan September 1975, Red Rose Cave & Pothole Club manjalajahi dan menemuan bagian anak batang aia nan mareka sebuik Affluent. Kamudian limo urang tim dari Universitas Bristol Speleological Society mamasuki guo satalah tim Red Rose barangkek. Tim iko masuak sajauah 7 m (23 kaki) dari ujuang guo, tatapi mareka indak dapek malewati aie terjun di kadalaman18 m (59 kaki).[11]

Pado patangahan 1970-an, guo tasabuik alah didokumentasian pado kadalaman 248 m (814 kaki) dari pintu masuak dan punyo panjang sakitar 5.275 m (17.306 kaki).[9][1] Labiah dari 100 guo-guo ketek alah dipetaan di dalamnyo.[12] Pado bulan Agustus 1987, 1988, dan 1989, tim dari Federasi Speleologi Prancis bausaha untuak manjalajah lebiah jauah ka dalam guo. Pado pajalanan tarakhir mareka pado taun 1989, mareka barasil manaiki aie terjun nan sabalumyo manghalangi Tim Universitas Bristol, dan akhirnyo mancapai katinggian −661,5 m (−2.170 kaki) di ateh pintu masuak. [13][14] Salamo ekspedisi iko, total 4 km (2,5 mil) dari bagian guo baru dijalajahi, dan 2,4 km (1,5 mil) nyo baru disurvei..[15]

Pado taun 1992, dijalehan bahwa guo tasabuik punyo panjang nan mancapai 12 km (7 mil). Pado taun 2011, tim Prancis mengakui alah manaliti guo tasabuik hinggo labiah dari 16 km (10 mil).

IPado taun 2011, pamarintah Turki maluncuan proyek nan bajudul "Kızıldağ Milli Parkı Mağaralarının Araştırılması Projesi" ( Bahaso Indonesia: Investigasi Gua Taman Nasional Kızıldağ), nan tujuannyo untuak katalog jo manyelidiki guo di dalam taman nasianal tasabuik, tarutamo Guo Pınargözü. IAwalnyo, proyek iko dimakasuikan salasai hinggo taun 2014, tatapi kareno tadapaek banyak kasulitan saaik manjalajahi guo, tim nan baranggotakan 12 urang masih malakuan survei pado taun 2015. Pado bulan Agustus 2015, manajer proyek Selim Erdogan manyatokan bahwa kecek dari tim Prancis sajauh 16 km (10 mil) indak tabukti. Timnyo alah mancapai sajauah 10,5 km (6,5 mil) ka dalam guo. Laweh kasaluruhan dari Guo Pınargözü masih alum disurvei.[16]

Bantuak Guo[suntiang | suntiang sumber]

Gua Pınargözü talatak di wilayah karst di Pagunungan Taurus barat, nan mancakup hampie 40.000 km2 (15.000 mil persegi). [17] Jenis Karst di wilayah itu iolah batu kapue era Triassic.[3] Karano parubahan ekstrim batu kapur, sangek rentan samo erosi; daerah karst biasanyo punyo sajumlah guo gadang, tamasuak Guo Pınargözü. Dipakiroan jumlah guo di daerah tasabuik sangek bavariasi. Proyek Permukiman Arkeologi Turki (TAY) mampakirokan tadapek labiah dari 2.400 guo di daerah tersebuik, samintaro tu Kementerian Kebudayaan dan Pariwisata Turki mengklaim mungkin ado labiah dari 20.000. Guo Pınargözü sabagian gadang babentuak horizontal, punyo banyak "cerobong vertikal" dan aia terjun ketek diantaro lorong.[3] ISacaro kasaluruahan, guo tasebuik punyo katinggian sakitar 720 m (2,360 kaki) dan lebar 0,5 meter (1 kaki 8 in), Lokasi gua iko talatak di katinggian 1.550 m (5.090 kaki) tapeknyo di lereang Gunuang Dedegöl[3][18]

Aia di dalam Guo[suntiang | suntiang sumber]

Gua Pınargözü marupoan guo aktif, artinyo tadapek aie nan mangalie di dalamnyo. Gua iko dianggap sabagai guo kalua, karano tadapek aie nan mangalie kalua dari muluik guo nan berasa dari mat aie di dalamnyo.[19] Sumber mato aie tasabuik alum ditamuan, walaupun tadapek salju abadi jo danau es, tapek di ateh tanah di ateh guo.[20]

Guo tasabuik barisi sajumlah tipe aie nan aembueknyo sangaik sulik untuak dijalajahi, saroman aie terjun nan gadang, kolam, aia terjun ketek. Tingkek aliran aienyo tagantuang musim, labiah dari 700 liter aie per detiak dalam satahun. tbisa manjadi sakitar 500-600 liter per detiak salamo musim paneh.[17] Karano itu, musim paneh marupoan wakatu nan tapek untuak manjalajahi guo. Suhu aie sakitar 4–5 °C (39–41 °F) sapanjang tahun, nan bararti penyelam harus menggunoan pakaian palinduang taba katiko manjalajahi area aia taganang di dalam guo.[17] Sadangkan suhu udaro di gua tasabuik rato-rato adolah 5 °C (41 °F).[21]

Angin[suntiang | suntiang sumber]

Angin nan kaluaa dari muluik guo batekanan 100 kilometer per jam (62 mph). hinggo mancapai 160 km / jam (99 mph).. Sabagai pambandiang, skala gaya angin Beaufort mangklasifikasian satiok kecepatan angin nan lebiah gadang dari 89 km / jam disabuik sabagai badai, dan nan malabiahi 118 km / jam disabuik sabagai angin topan. Angin iko diciptaan sabagai hasil dari efek cerobong asok, dimano pabedaan suhu antaro di katinggian nan lebiah tinggi dari pado di daerah nan randah dan kamudian manghasilkan hambuihan angin nan kuek nan berasa dari pintu masuak guo.[18]

Catatan Kaki[suntiang | suntiang sumber]

  1. ↑ a b c d Cassely 1976, hlm. 185.
  2. ↑ Gunn, John (2004). Encyclopedia of caves and karst science. New York: Fitzroy Dearborn. p. 1587. ISBN 0203483855. OCLC 252813655. https://www.worldcat.org/oclc/252813655. 
  3. ↑ a b c d Bayari & Özbek 1995, hlm. 90.
  4. ↑ "Pınargözü Mağarası İncelenecek". Haberler.com (dalam bahasa Turki). Diakses tanggal 2018-08-25. 
  5. ↑ Scheffel, Richard L., ed (1980). Natural Wonders of the World. New York City: Reader's Digest Association. pp. 294–95. ISBN 0-89577-087-3. 
  6. ↑ Hanson, Jeanne K.; Nash, Geoffrey H. (2007). Caves. Infobase. p. 98. ISBN 9781438106656. https://books.google.ca/books?id=iMm9lokWS1EC&pg=PR116. 
  7. ↑ "Pınargözü TAY-Yerlesme Ayrıntıları". tayproject.org. Diarsipkan dari versi asli tanggal 2016-10-01. Diakses tanggal 2017-07-12. 
  8. ↑ "Pınargözü Mağarası'nda Harıtalandirma Çalişmasi Yapiliyor". 2015-08-24. Archived from the original on 2016-10-01. Diakses tanggal 2017-07-12. 
  9. ↑ a b c d e f g h French Federation of Speleology 1990, hlm. 6.
  10. ↑ "Nouveaux horizons". www.speleoclubdeparis.fr (dalam bahasa Prancis). Spéléo-club de Paris. 2009-04-26. Diarsipkan dari versi asli tanggal 2018-08-25. Diakses tanggal 2017-07-12. 
  11. ↑ Cassely 1976, hlm. 186.
  12. ↑ Yamaç, Ali. "Claude Chabert And The Mapping Of Ayvaini Cave - Turkey". 
  13. ↑ French Federation of Speleology 1990, hlm. 25.
  14. ↑ French Federation of Speleology 1990, Top right end of hand-drawn map.
  15. ↑ French Federation of Speleology 1990, hlm. 34.
  16. ↑ "Mağaralar". www.ispartakulturturizm.gov.tr (dalam bahasa Turki). Diakses tanggal 2018-08-25. 
  17. ↑ a b c Cassely 1976, hlm. 185–188.
  18. ↑ a b Bayari & Özbek 1995, hlm. 83.
  19. ↑ Silvestru, Emil (2008). The Cave Book. New Leaf. p. 38. ISBN 9780890514962. https://books.google.ca/books?id=NsscjizazXAC&pg=PA38. 
  20. ↑ Clarke 1970, hlm. 11.
  21. ↑ Clarke 1970, hlm. 14.

Rujuakan[suntiang | suntiang sumber]

Diambiak dari "https://min.wikipedia.org/w/index.php?title=Guo_Pınargözü&oldid=2463833"