Guo Inyiak Janun

Guo Inyiak Janun adolah carito rakyaik nan bakambang dek ditamukan guo di Jorong Bukik Siriah Nagari Matua Hilia. Guo tu ditamukan dek banyak kalalawa putiah tabang di dalam guo. Salain tu banyak pulo buruang layang-layang di sinan. Guo ko sadang dalam maso rencana untuak dijadikan tampek tujuan wisata. Diagiah namo Guo Inyiak Janun karano kabanyo Inyiak Janun lah nan managak-an pondok untuak tampek tingga di tapi guo. Kajadian tu tajadi kiro-kiro taun 1870-an.^[1]

Sacaro silsilah adaik, lokasi Guo Inyiak Janun ado di wilayah Tanah Ulayaik Dt. Basa dan Dt. Indo. Sacaro sosial budayo adonyo guo ko takaik jo rencana pamarentah untuak mambangkik eksistensi suku nan dipimpin dek duo datuak tu. Dari Keterangan narasumber, Guo Inyiak Janun nan lokasinyo kiro-kiro 2 km dari Jorong Bukik Siriah arah ka timur, manjadi potensi pariwisata nan manunggu tangan-tangan terampil untuak ma olahnyo. Adonyo batu-batu stalaktit dan stalagmit di dindiang Guo Inyiak Janun manjadi daya tarik untuak datangnyo wisatawan ka tampek tu. Labiah lanjuik, sasuai jo pangakuan narasumber, baragam keunikan dan kaindahan nan ado di Guo Inyiak Janun baru dikatahui sacaro manyaluruah dek masyarakaik Jorong Bukik Siriah, tarutamo masyarakaik Nagari Matua Hilia sajak taun 2008 sasudah pihak pamarentah malalui Dinas Pariwisata Kabupaten Agam datang ka lokasi tu. Dari Kunjungan tu kudian direncanakan "Guo Inyiak Janun" manjadi salah satu tujuan wisata unggulan di Kecamatan Matua. Tapi sampai saaik dilakukan pencatatan ko, rencana pamarentah tu alun nampak titiak tarang lai.

Galeri

Guo Inyiak Janun (1)
Guo Inyiak Janun (2)
Guo Inyiak Janun (3)
Guo Inyiak Janun (4)
Guo Inyiak Janun (5)

Rujuakan

↑ Hasanadi, Hasanadi (2013). Warisan Budaya Takbenda di Propinsi Sumatera Barat. Padang: Balai Pelestarian Nilai Budaya Padang. ISBN 978-602-8742-67-2.

[1] Hasanadi, Hasanadi (2013). Warisan Budaya Takbenda di Propinsi Sumatera Barat. Padang: Balai Pelestarian Nilai Budaya Padang. ISBN 978-602-8742-67-2.

[1]