Gulai Latuk-Latuk (Lampung)
Gulai Latuk-Latuk adalah makanan yang biasonyo dikonsumsi sahari-hari dek masyarakat asli Lampung. Gulai latuk-latuk biasonyo dimasak jo bahan ikan kariang (ikan latuk-latuk) dicampua samo babagai sayuran yang beko bisa mambuek manjadi labiah lamak. Gulai iko kayo jo rampah-rampahnyo yang mambuek gulainyo manjadi makanan khas dari lampung, yang bisa dimakan kapan sajo bantuak pagi, siang ataupun sanjo.
Bahan-Bahan[suntiang | suntiang sumber]
- Labu kuniang
- Rabuang
- Jamur krikit
- Jaguang mudo
- Kacang panjang
- Kemangi
- Lingkueh
- Daun salam
- Sarai
- Karambia[1]
Caro mambueknyo yang patamo sadoalah bumbu yang alah disiapan bantuak lado merah, bawang putiah, bawang merah, kemiri, dan garam dihaluihan. Sadangkan kacang panjang, jaguang mudo, samo kemangi dikarek-karek sesuai salero. Bahan-bahan nan tadi dibasuah barasiah dan kariangan. Labu kuniang samo rabuang tadi dikupeh kuliknyo, salanjuiknyo basuah basuah sampai barasiah dan dikarek ketek-ketek babantuak dadu atau mamanjang. Jamur krikit sabalum dimasak harusnyo dirandam babarapo minik dan dicuci bia barasiah dari ulek samo kotorannyo.
Apobilo sadoalahnyo alah disiapan, langkah salanjuiknyo masuakan bumbu nan sabalumyo alah dihaluihan sarato lingkueh, daun salam, samo sereh ka dalam santan yang alah dididiahkan. Aduak lambek-lambek bia santan ndak pacah. Selanjuiknyo masuakan ikan yang alah siap dipanggang, samo ijan lupo masuakan sayuran ka dalamnyo. Apobilo sayuran tadi diraso alah masak, angkek dan siap untuak dihidangkan.[2]