Gulai Balak

Gulai Balak iolah makanan nan dibuek khusus untuak baralek dek masyarakek Lampung. Balak bararti gadang, sahinggo apobilo di acara baralek dihidangan gulai balak, bararti sadang ado acara baralek gadang nan mewah. Bahan pokok untuak mambuek gulai balak iolah dagiang kabau dan tulangnyo nan badagiang.

Dagiang kabau manganduang 84 kalori dan 0,5 mg lamak. Dibandiangan jo dagiang jawi, protein kabau labiah tenggih 20,2 persen. Manyajian hidangan khusus di acara baralek nan diadoan dengan maundang urang iolah adek dek urang Lampung menghormati tamunyo, elok itu tamu dari lua adek maupun tamu nan bahubuangan jo adek. Dalam baralek, misalkan akikah atau basunek terutamo dalam alek nikah, tamu dijamu nasi jo gulai balak samo hidangan lainnyo. Gulai balak nan babahan utamo dagiang kabau iko salalu ado di satiok acara baralek nan diadoan masyarakat atau urang Lampung pado umumnyo.

Sajarah

Hal iko takaik jo kondisi lingkungan alam jo mato pancaharian panduduak di daerah Lampung. Sajak dahulunyo urang Lampung alah tahu jo usaho bataranak. Binatang nan ditaranakan mode kabau, jawi, kambiang jo unggeh. Kabau jo jawi dipagunoan untuak maelo garobak.

Urang Lampung di Way Kanan jo Tulang Bawang dikana sabagai pantaratak kabau lia dengan caro kandang tahunan. Kabau di lapeh di padang rumpuik untuak mancari makan dan dibiaan bakambang biak surang. Alah babarapo tahun, kabau diarak ka suatu tampek untuak diituang jo diagiah tando milik pado tubuahnyo.

Dek masyarakat suku Lampung, kabau punyo arti pantiang nan dak hanyo nilai ekonomi dalam arti dapek dipajuabalian, dimakan atau untuak maelo garobak, tapi punyo nilai sosial budaya sabek menjadi bagian dari upacara adek seperti baralek, upacara maagiah gala, untuak mas kawin dan mambayia dando adek. Suatu alek diraso kurang langkok kalau ndak mamotong kabau apolai alek nikah.