God of War: Ascension

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

God of War : Ascension adolah pamainan sajinih action-adventure nan dibuek dek Santa Monica Studios jo nan mamplubikasi pamainan ko adolah Sony Computer Entertainment Architect. Pamainan nan dirilis tahun 2012 iko marupoan seri katujuah dari seri God of War, nan tasadio hanyo untuak PS3. Seri ko marupoan seri tarakhia dari era patamo Yunani nan marupoan perkuel dari seri God of War nan kalua pado tahun 2005. Seri God of War ko mamilki fitur nan babeda pado seri sabalunnyo, yoitu total pamain pado video game sabanyak dalapan urang jo tadapek tantangan nan baru sarato lakon utamo nan single player. [1][2][3]

Pado seri iko toko utamo tetap diparanan dek Kratos, (bakeh tukang suruah Ares) nan marupoan tukang bunuah dewa. Pado seri ko si Kratos nio mambunuah Ares (Dewa parang) dek karano alah mangicuah nyo. Sahinggo anak jo bini Kratos maningga.[1][2]

Prekuel[suntiang | suntiang sumber]

Pado mulo pamainan ko dimulai Kratos si lakon utamo barado di panjaro dek malanggar sumpah nyo jo si Ares (Dewa Parang), katiko three furies tibo untuak maagiah hukuman ka Kratos, Magaera mamacahan rantai nan maikek Kratos sahinggo Kratos pun lapeh, kratos pun lansuang maambiak padang nyo Chaos of Blades pamainan pun dimulai. [1][2]

Carito pamainan[suntiang | suntiang sumber]

Prolog[suntiang | suntiang sumber]

Alua carito dimulai dari sabalun Titan jo kekuasaan Dewa Olimpia tajadi paparangan anataro makhluk Primordial [lower-alpha 1][lower-alpha 1] di bumi. Paparangan nan mamakan wakatu sangaik lamo tu malahiakan Furies. Furies nan marupoan panjago kahormatan jo panagaka hukum di zaman tu, dek karano Furies hanyo maincar urang nan babuek salah sajo sahinggo Zeus indak cameh akan kabaradoan si Furies ko. Pangkhianatan bamulo katiko Aageon bakhianaik jo Zeus [lower-alpha 2]. Karano bakhianat ka "King of God" Furies manangkok nyo lalu maaniayo Aageon, tapi Furies indak sampai mambunuah nyo Furies manjadiaan inyo sabuah batu nan gadang di sabuah panjaro sabagai tando urang nan alah malanggar sumpah dewa [lower-alpha 3]nyo.[1][2]

Plot utamo[suntiang | suntiang sumber]

Satalah lapeh dari rantai dek karano Magaera indak sangajo mamacahan rantai kratos, kratos manacari jalan untuak kalua dari panjaro tatapi Magaera lansuang maadang kratos, inyo bisa manjadikan satiok makhluk iduik manajdi kacuang nyo sarato manjadia tangan jo kapalo Aegaeon manjadi sanjato malawan kratos. Magaera kewalahan maadoki kratos dan akhirnyo inyo pun mati di tangan kratos, kratos pun kabur kalua dari panjaro.[1][7]

Sabalun Kratos masuak panjaro, kratos mamutuihan malanggar sumpah dewa Ares, sahinggo Ares pun manyuruah anak buah nyo Erinyes untuak managkok si kratos. Tatapi kaba iko didanga dek Orkos. Orkos basakutu jo pasukan sparta jo inyo mambocorkan kaba itu ka Kratos (prajurit sparta), satalah mandanga kaba tu kratos lansuang pai ka daerah Delphi untuak basobok jo Oracle samo Aletheia. Aletheia maagiah tau caro mandapek an kebebasan dari Ares caro nyo jo mambunuah sadoalah Erinyes. Tatatpi untuak mambunuah Erinyes kratos mambutuahan pakakaeh diantaronyo api dari Ares, aia dingin dari Poseidon, listrik dari Zeus, sarato souls dari Hades.[7][8]

Satalah mandapekan saoalah pakakeh nan dibutuahkan, kratos lansuang mambunuah sadoalah Erinyes. Kratos nan alah punyo kakuatan dewa itu lansuang manemui Tisiphone dan Alecto. Satalah basobok, Tisiphone jo Alecto mambujuak kratos untuak baliak ka Ares jo maagiah hadiah ilusti bininyo, tatapi kratos maniolak dan lansuang mabunuah kaduonyo. Orkos tibo lalu manjalehan bahawasanyo ingatan kratos ndak bakal bisa ilang jo inyo ndak bakalan bisa mamutuihan hubuangan jo Ares sabalun mambunuah Orkos. Kratos pun mambunuah Orkos di di dalam rumah lalu mambaka rumah nyo. Kratos pun bahasil mamutuihan hubuangan inyo jo Ares, tatapi sabgai panabuih dosoyo inyi musti maabdi ka Olimpus salamo 10 tahun supayo doso nyo diampuni.[7][8]

Pakakeh jo kamampuan lakon[suntiang | suntiang sumber]

Pado kasadoalah seri God of War mamilki pakakeh nan beda pado satiok serinyo maskipun ado beberapo pakakeh nan dipakai kratos nan samo jo seri lainnyo barikuik pakakeh jo pakakeh "magic" nan digunoan.

Sanjato[suntiang | suntiang sumber]

Sanjato nan patamo adolah Krato's Fist atau tinju Kratos nan bafungsi maancuan pertahan lawan jo malamahan lawan. Kaduo ado Blades of Chaos iko adolah padang nan diagiah dek Ares sabagai bukti tando pelayanannyo taadok sang dewa parang, padang iko mamiliki bantuak hampia samo pado satiok seris God of War, tapi ado pabedaan saktek di gagang padang nyo nan mamilki ukiran nan beda beda pado satiok seri nyo. Kratos mampunyoi kamampuan maambiak sanjato lawannyo untuak dijadian sanjato kaduo inyo bisa juo malapeh an sanjato bilo bilo se dan malempa sanjato ka lawannyo sahinggo manyababkan lawan diam sabanta. Tadapek beberapo sanjato pado seri pamainan ko diantaronyo, Padang, tombak, panokok, jo perisai palinduang. [8]

Ilmu[suntiang | suntiang sumber]

Salain sanjato lakon mampunyoi kamampuan ilmu sihir diantaronyo, Fire of Ares atau api Ares bafungsi maagiah lawan jo api nan banyak. Ice of Poseidon bafungsi untuak maimbau jo mamunculkan es poseidon sahinggo mambuek lawan mambaku jo bisa mambuek baangok di dalam aia. Katigo ado Lightning of Zeus nan baguno untuak manembakan patuih listrik ka lawan. Terakhir ado Soul of Hades nan bafungsi mambuek lawan jadi uap. [8][9]

Pakakeh ketek[suntiang | suntiang sumber]

Tadapek pakakeh ketek lainnyo di saku lakon diantaronyo, Lost treasures yoitu kaluang Lysandra's nan baguno mambuek kratos tabang di udaro katiko malompek dari tampek nan tinggi. Amulet of Uroborus marupoan jimek nan dicilok dek Kratos dari Castor jo Pollux nan baguno sabagai mambelokan wakatu ka lawan jo mambarantian waktu sabanta sahinggo musuah tadi baranti dalam babarapo datiak. Barikuiknyo ado Oath Stone of Orkos nan marupoan sabuah batu nan diagiah dari Orkos nan bafungsi sabagai pambuek bayangan Kratos untuak manyalasaian sabuah teka teki. Nan tarakhia ado Eyes of Truth marupoan pakakeh nan diagiah dek Oracle baguno untuak panawa untuak ilmu itam dari Furies. [8][2]

Kritik pado pamainan[suntiang | suntiang sumber]

Pamainan ko mandapek tanggapan dari urang nan mamainkan nyo diantaronyo dari Digital Chumps jo Eurogamer nan maapresiasi pamainan iko mamiliki jalur carito nan brutal, lucu jo managangkan baiak dari segi banyaknyo musuah pado seri pamainan ko jo mamiliki kualitas gamba nan rancak sarato alah manggunoan jalua suaro nan jaleh. Seri iko juo malanjuikan seri God of War nan sabalunnyo sahinggo carito manjadi pamainan patualangan nan sero jo mancapai titiak puncak pamainan ko surang. Digital Chumps jo Eurogamer juo manyampaian kritik yoitu masalah tampilan baru nan digunoan yoitu sistem multiplayer, nan mandapek tanggapan positif jo negatif dek karano sistem iko baru dicubo pado seri pamainan ko kini. Pamainan ko pernah maalami gangguan error, dikaranokan sistem nyo ado nan baru sahinggo paralu diunduh sistem tabarunyo, satalah di unduh versi tabaru nyo barulah pamainan ko bisa dimaian baliak.[10][1]

Catatan kaki[suntiang | suntiang sumber]


  1. Primordial adolah bentuak atau tingkatan nan paliang randah [4]
  2. Zeus adolah panguaso Olimpus nan juo marupokan rajo jo pamimpin dari kasadoalah dewa [5]
  3. Dewa adolah roh nan dianggap atau dipicayoi sabagai urang aluih nan bakuaso taadok alam jo manusia [6]

Rujuakan[suntiang | suntiang sumber]

  1. a b c d e f Anwari, Febrianto Nur. "God of War: Ascension Hub: Prekuel yang Menonjolkan Sisi Humanis dari Kratos!". Duniaku (dalam bahasa Indonesia). Diakses tanggal 2020-06-24. 
  2. a b c d e Cowan, Danny. "God of War: Ascension : What the critics are saying". www.gamasutra.com (dalam bahasa Inggris). Diakses tanggal 2020-06-25. 
  3. "God of War: Ascension™". PlayStation (dalam bahasa Inggris). Diakses tanggal 2020-06-25. 
  4. "Arti kata primordial - Kamus Besar Bahasa Indonesia (KBBI) Online". kbbi.web.id. Diakses tanggal 2020-06-25. 
  5. Times, I. D. N.; Sidik, Beatrice. "12 Dewa Dewi Olimpus, Mitologi Yunani yang Menjadi Legenda". IDN Times (dalam bahasa Indonesia). Diakses tanggal 2020-06-25. 
  6. "Arti kata dewa - Kamus Besar Bahasa Indonesia (KBBI) Online". kbbi.web.id. Diakses tanggal 2020-06-25. 
  7. a b c "Watch the First 30 Minutes of God of War: Ascension". IGN Middle East (dalam bahasa Inggris). 2013-02-01. Diakses tanggal 2020-06-25. 
  8. a b c d e "God of War: Ascension". God of War Wiki (dalam bahasa Inggris). Diakses tanggal 2020-06-24. 
  9. "God of War -Ascension- Original Soundtrack". VGMO -Video Game Music Online- (dalam bahasa Inggris). 2014-09-02. Diakses tanggal 2020-06-25. 
  10. "Review God of War : Ascension - Yakin Pengen Main Game Ini? | Haz Reviews". Haz' GameZone. Diakses tanggal 2020-06-25.