Giring Ganesha
H. Giring Ganesha Djumaryo, S.I.Kom. (lahia di Jakarta, 14 Juli 1983; umua 41 taun) adolah surang politikus, panyanyi, panulis lagu, pamain, jo juru suaro Indonesia. Inyo manjabaik sabagai Ketua Umum Partai Solidaritas Indonesia (PSI) periode 2019-2023 manggantikan Grace Natalie. Pado 25 September 2023, inyo dilantik sabagai anggota dewan pambangun Partai Solidaritas Indonesia (PSI), jo nan manganti inyo sabagai Ketua Umum, adolah Kaesang Pangarep.[1]
Sabalunnyo, Giring adolah mantan vokalis grup musik Nidji nan baraliran musik pop Britania. Pado 31 Desember 2017, inyo mundur sabagai vokalis utamo Nidji demi fokus di dunia politik.[2]
Kahidupan awal jo pandidikan
[suntiang | suntiang sumber]Ganesha lahir jo namo Giring Ganesha Djumaryo pado 14 Juli 1983.[3][4] Inyo marupokan anak dari pasangan Djumaryo Imam Muhni[5] nan beretnis Jawa jo Irmawaty nan barasa dari Minangkabau. Ayahnyo adolah saurang wartawan poto nan pernah bakarajo di kantor berita Antara, harian Berita Yudha, jo majalah Asri.[3]
Giring sakolah di SMA Negeri 34 Jakarta.[4] Sasudah lulus 2002, inyo masuak Jurusan Ilmu Hubungan Internasional Universitas Paramadina, tapi inyo maambiak cuti kuliah pado taun 2005.[5][6] Pado Oktober 2003, inyo jo kawan-kawannyo pernah dipiliah sabagai delegasi kampus untuak maikuti Pertemuan Nasional Mahasiswa Hubungan Internasional se-Indonesia (PNMHII) di Universitas Budi Luhur. Inyo parnah mancalonkan diri sabagai Presiden Mahasiswa Universitas Paramadina pado taun 2004, tapi indak berhasil.[7]
Pado 2017, inyo sampaik malanjuin kuliahnyo, tapi indak salasai dek dikaluakan.[5][8] Inyo mandapek gelar Sarjana Ilmu Komunikasi dari Universitas Terbuka pado 18 April 2023.[9][10]
Karir
[suntiang | suntiang sumber]Musik
[suntiang | suntiang sumber]Giring tatarik jo pop british pado maso SMA.[4] Sasudah lulus SMA, inyo mandirian grup musik Nidji (namonyo diadaptasi dari 虹 [niji], kato Japang untuak pelangi) basamo jo Muhammad Ramadista Akbar (Rama), Andi Ariel Harsya (Ariel), Muhammad Andro Regantoro (Andro) jo Muhammad Adri Prakarsa (Adri). Inyo mangaluakan album partamonyo, Breakthru, pado taun 2006. Album kaduo, Top Up, manuruik pado taun 2007.[11] Lagu-lagu utamo dalam lagu tu adolah "Sudah", "Hapus Aku", "Kau dan Aku", dan "Disco Lazy Time". Kalompok iko acok dimintak untuak mambuek soundtrack film. Salah satu film Laskar Pelangi, soundtrack tasabuik salapehnyo manjadi lagu nan sangaik populer samo-samo jo filmnyo.[3]
Politiak
[suntiang | suntiang sumber]Pado bulan Agustus 2020, Giring ditunjuak sabagai Pelaksana Tugas (Plt) Ketua Umum Partai Solidaritas Indonesia (PSI). Indak hanyo jadi Plt. Ketua Umum, Giring juo dicalonkan dek partainyo sabagai calon presiden 2024. Alasannyo maju sabagai calon presiden, untuak mawakili anak mudo dalam manyuarokan pandapeknyo.[12] Salain marujuak ka dunia politik praktis, Giring juo aktif dalam organisasi olahraga elektronik atau esport. Inyo juo ditunjuk sabagai Presiden IESPL, Liga Premier Indonesia Esport. Giring juo mainiasiasi pambantuakan liga esports jo PT Gajah Merah Terbang nan marupoan grup dari PT Merah Cipta Media. Salamo aktif di organisasi tu, Giring ma-inisiasi IESPL nan ma-ulah patandiangan untuak babarapo tim olahraga elektronik Indonesia, jo total hadiah labiah dari Rp 1 miliar. Salain itu, Giring juo manjadi Ketua Panitia Piala Menpora Esport 2020, nan marupoan acara esport partamo nan gadang di Indonesia.[3]
Rujuakan
[suntiang | suntiang sumber]- ↑ "Grace Natalie appoints musician Giring Ganesha as acting PSI chairman". The Jakarta Post. Diarsipkan dari versi asli tanggal 2023-02-09. Diakses tanggal 2023-12-31.
- ↑ "Giring Terjun ke Politik, Harap Nidji Dengan Nama Baru Bisa Sukses". Diarsipkan dari versi asli tanggal 2023-05-28. Diakses tanggal 2023-12-31.
- ↑ a b c d Kulsum, Kendar Umi (2023-01-17). "Giring Ganesha". Kompaspedia (dalam bahasa Indonesia). Diarsipkan dari versi asli tanggal 2023-08-05. Diakses tanggal 2023-12-31.
- ↑ a b c "Salinan arsip". Diarsipkan dari versi asli tanggal 2022-07-12. Diakses tanggal 2023-12-31.
- ↑ a b c "Salinan arsip". Diarsipkan dari versi asli tanggal 2023-06-22. Diakses tanggal 2023-12-31.
- ↑ "Salinan arsip". Diarsipkan dari versi asli tanggal 2022-05-31. Diakses tanggal 2023-12-31.
- ↑ "Salinan arsip". Diarsipkan dari versi asli tanggal 2023-05-28. Diakses tanggal 2023-12-31.
- ↑ "Pangkalan Data Pendidikan Tinggi". Diarsipkan dari versi asli tanggal 2023-05-28. Diakses tanggal 2023-12-31.
- ↑ "Pangkalan Data Pendidikan Tinggi". Diarsipkan dari versi asli tanggal 2023-05-28. Diakses tanggal 2023-12-31.
- ↑ "Salinan arsip". Diarsipkan dari versi asli tanggal 2023-08-05. Diakses tanggal 2023-12-31.
- ↑ KapanLagi.com, Giring Nidji.
- ↑ Alpito, Agustinus Shindu (2020-08-24). "Musisi dan Politikus Giring Ganesha Maju Pencalonan Presiden 2024". Medcom.id. Diarsipkan dari versi asli tanggal 2023-05-28. Diakses tanggal 2023-12-31.