Gereja Santo Sava

Wikipedia Minangkabau - Lubuak aka tapian ilimu
Gereja Santo Sava
Храм светог Саве
Hram svetog Save

Pamandangan Gereja Santo Sava dari mungko

Latak Vračar, Beograd, Serbia
Koordinat geografi 44°47′53.1″N 20°28′6.78″E / 44.798083°N 20.4685500°E / 44.798083; 20.4685500Koordinat: 44°47′53.1″N 20°28′6.78″E / 44.798083°N 20.4685500°E / 44.798083; 20.4685500
Afiliasi agamo Gereja Ortodoks Serbia
Deskripsi arsitektur
Jinih arsitektur Serbo-Bizantium/Neo-Bizantium
Tahun salasai 1989
Spesifikasi
Kapasitas 10.800 (dalam)[1]
Tinggi (maks) 79 m (259 ft)[1]
Tinggi gobah (lua) 70 m (230 ft)
Tinggi gobah (dalam) 65 m (213 ft)[1]

Gereja Santo Sava (bahaso Serbia: Храм светог Саве/Hram svetog Save) adolah sabuah gereja bagaya Neo-Bizantium nan talatak di kota Beograd, Serbia. Gereja iko marupokan gereja tagadang di Eropa Selatan dan salah satu rumah ibadah Ortodoks tagadang di dunia. Gereja Santo Sava dibangun untuak manghormati Santo Sava (1175–1236) dan konon gereja iko dibangun di ateh lembah Vračar, tampek dibakanyo pusako Santo Sava oleh Wazir Agung Utsmaniyah Sinan Pasha pado tahun 1595 sabagai hukuman ateh pambarontakan Serbia pado tahun 1594.

Gereja iko mulo dibangun pado tahun 1935 (340 tahun satalah pambakaran pusako Santo Sava) dengan mangikuti rancangan arsitek Bogdan Nestorović jo Aleksandar Deroko. Pondasi jo tembok gereja satinggi 7 hinggo 11 meter sampek ditagakkan, tetapi pambangunan sampek baranti pado tahun 1941 akibat pangaboman salamo Parang Dunia II. Pasukan panduduakan Jerman manggunokan bangunan gereja nan alum salasai iko sabagai tampek parkir, dan pado tahun 1944 para partisan Yugoslavia jo Tentara Merah juo malakukan hal nan samo. Pado tahun 1958, Patriark Serbia mangusuakan supayo pambangunan gereja iko dilanjuikkan, tetapi pamarintahan komunis Yugoslavia manolaknyo. Satalah 88 kali ditolak, ijin akhianyo diagiahkan pado tahun 1984 jo arsitek Branko Pešić dipiliah sabagai arsitek baru gereja. Pambangunan dimulo baliak pado 12 Agustuih 1985. Pambangunan bagian lua alah disalasaikan, tetapi bagian dalamnyo masih dalam proses pandekorasian. Salah satu pancapaian tagadang dalam pambangunan gereja iko adolah pangangkatan gobah nan bareknyo mancapai 4.000 ton.

Catatan kaki[suntiang | suntiang sumber]

  1. a b c "Димензије и архитектонске карактеристике Храм Светог Саве гатара" (dalam bahasa Serbian). Hram Svetog Save. Diakses tanggal 10 October 2016. 

Pautan lua[suntiang | suntiang sumber]