Caliak sumber untuak Gereja

{{disambiginfo}}
{{Kristen}}
[[File:Saint Philip Catholic Church.jpg|thumb|Gereja]]

'''Gereja''' atau disabuik juo '''Gareja''' (''Igreja'' dalam [[bahaso Portugis]] jo ''εκκλησία '' (ekklêsia) dalam [[bahaso Yunani]]) adolah suatu kati nan baarati suatu pakumpulan atau limbago dari panganuik [[Kristiani]]. Istilah Yunani ἐκκλησία, nan ado dalam [[Pajanjian Baru]] di [[Alkitab]] [[Kristen]] biasonyo ditarjamahkan sabagai "jemaat". Istilah iko ado dalam 2 ayat dari [[Injil Matius]], 24 ayat dari [[Kisah Para Rasul]], 58 ayat dari surek [[Rasul Paulus]], 2 ayat dari [[Surat kapado Urang Ibrani]], 1 ayat dari [[Surat Yakobus]], 3 ayat dari [[Surat 3 Yohanes|Surat Yohanes nan Katigo]], dan 19 ayat dari [[Kitab Wahyu]].

== Etimologi ==
 Gareja baasa dari bahaso Portugis: ''igreja'', nan baasa dari bahaso Yunani: εκκλησία (''ekklêsia'') nan baarati dipanggia kalua (''ek''= kalua; ''klesia'' dari kato ''kaleo''= mamanggia); kumpulan urang nan dipanggia ka lua dari dunia, punyo babarapo arati:
# Arati partamo adolah 'umat' atau labiah tapek pasakutuan urang [[Kristen]]. Arati iko ditarimo sabagai arati partamo bagi urang [[Kristen]]. Jadi, gereja partamo-tamo bukanlah sabuah gaduang.
# Arati kaduo adolah sabuah pahimpunan atau patamuan [[ibadah]] [[umat]] [[Kristen]]. Bisa batampek di rumah kadiaman, lapangan, ruangan di hotel, maupun tampek rekreasi. 
# Arati katigo adolah [[mazhab]] (aliran) atau [[Denominasi Kristen|denominasi]] dalam agamo Kristen.  Gareja [[Katolik]],  Gareja [[Protestan]], dll.
# Arati kaampek adolah [[limbago]] (administratif) daripado sabuah [[mazhab Kristen]]. Contoh kalimaik “Gereja manantang [[parang]] [[Irak]]”.
# Arati taakhia dan juo arati umum adolah sabuah “[[rumah ibadah]]” [[umat]] [[Kristen]], di mano umaik dapek [[doa|badoa]] atau [[sumbayang|basumbayang]].

 Gareja (untuak arati nan partamo) tabantuak 50 hari salapeh [[kabangkikan Yesus Kristus]] pado hari rayo [[Pentakosta]], iyolah katiko [[Roh Kudus]] nan dijanjikan Allah dibarikan kapado sadoalah nan picayo pado Yesus Kristus.

== Caliak pulo ==
* [[Gereja di Indonesia]]
* [[Sijarah gereja]]

[[Kategori:Gereja| ]]
[[Kategori:Kristen]]


{{stub}}