Lompat ke isi

Geodesi

Wikipedia Minangkabau - Lubuak aka tapian ilimu

Geodesi atau Geomatika manuruik pandangan awam adolah cabang ilmu geosains nan mampalajari tantang pametaan bumi. Geodesi adolah salah satu cabang kailmuan tatuo nan bahubungan jo bumi.

Etimologi

[suntiang | suntiang sumber]

Geodesi barasa dari bahaso Yunani, Geo (γη) = bumi dan daisia / daiein (δαιω) = mambagi, kato geodaisia atau geodeien bararti mambagi bumi. Sabananyo istilah “Geometri” alah cukuik untuak manyabuikan ilimu tantang pangukuran bumi, di mano geometri barasa dari bahaso Yunani, γεωμετρία = geo = bumi dan metria = pangukuran. Sacaro harafiah bararti pangukuran tantang bumi. Namun istilah geometri (labiah tapeknyo ilimu spasial atau karuangan) nan marupoan dasar untuak mampalajari ilmu geodesi alah lazim disabuikan sabagai cabang ilimu matematika.

Definisi

[suntiang | suntiang sumber]

Definisi Klasik

[suntiang | suntiang sumber]

Manuruik Helmert jo Torge (1880), Geodesi adolah ilimu tantang pangukuran dan pametaan permukaan bumi nan mencakup pulo permukaan dasar lauik.

Definisi Modern

[suntiang | suntiang sumber]

Manuruik IAG (International Association Of Geodesy, 1979), Geodesi adolah Disiplin ilimu nan mampaajari tantang pangukuran dan parepresentasian dari Bumi dan benda-benda langiik lainnyo, tamasuak medan gaya bareknyo masiang-masiang, dalam ruang tigo dimensi nan barubah jo wakatu.

Pado laporan Dewan Riset Nasional Amerika Serikat, definisi Geodesi dapaik dibaca sabagai barikuik: a branch of applied mathematics that determines by observations and measurements the exact position of points and the figures and areas of large portions of the earth's surface,the shape and size of the earth, and the variations of terrestrial gravity.

Dalam bahaso nan babeda, geodesi adolah cabang dari ilimu matematika terapan, nan dilakuan jo caro malakuan pangukuran jo pangamatan untuak manantuan:

  • Posisi nan pasti dari titiak-titiak di muko bumi
  • Ukuran jo lueh dari sabagian gadang muko bumi
  • Bantuak jo ukuran bumi sarato variasi gaya barek bumi

Definisi ko punyo duao aspek, yakni:

  • Aspek ilmiah (aspek panantuan bantuak), bakaitan jo aspek geometri dan fisik bumi sarato variasi medan gaya barek bumi.
  • Aspek terapan (aspek panantuan posisi), bahubuangan jo pangukuran dan pangamatan titiak-titiak taliti atau lueh dari suatu bagian gadang bumi. Aspek terapan iko nan kamudian dikana jo sebutan survei dan pametaan atau teknik geodesi.

Kini teknik geodesi indak hanyo barhubuangan jo survei dan pametaan. Pakambangan teknologi komputer dijital alah mampalueh ruang lingkup kailmuan dan kaahlian teknik geodesi. Peta alah dikelola sabagai informasi geografis bakomputer. Itu sababnyo dunia internasional alah mangadopsi terminologi baru: Geomatika atau Geoinformatika.

Sejarah Geodesi

[suntiang | suntiang sumber]

Sajak zaman dahulu, Ilmu Geodesi digunoan dek manusia untuak kaparluan navigasi. Sacaro signifikan, kagiatan pametaan bumi sabagai bidang ilimu Geodesi alah dimulai sajak banjir sungai nil (2000 SM) dek karajaan Mesir Kuno. Pakembangan Geodesi nan labiah signifikan pado saaik manusia mampalajari bantuak bumi & ukuran bumi labiah dalam dek tokoh Yunani, Erastotenes nan dikana sabagai bapak geodesi. Hinggo teknik geodesi dijadian sabagai disiplin ilmu akademis hampia disatiok negara. kini ko, dikaranoan kamajuan teknologi informasi, cakupan ilmu geodesi samakin lueh.

Daftar Pustaka

[suntiang | suntiang sumber]
  • Hasanuddin, ZA, “GEODESI SATELIT”, Pradnya. Paramita Jakarta 2001.
  • MS, Yuwono. 2006. Pengantar Ilmu Geodesi.
  • Kahar, Joenil, Geodesi, Penerbit ITB, Cetakan 1, Bandung 2008.

Pranala luar

[suntiang | suntiang sumber]
Diambiak dari "https://min.wikipedia.org/w/index.php?title=Geodesi&oldid=3154513"