Gen Halilintar
Gen Halilintar adolah julukan kaluarga Indonesia untuak pasangan Halilintar Asmid (ayah) dan Lenggogeni Faruk (mandeh) nan punyo sabaleh urang anak. Kaluarga asa Minangkabau iko manjadi tanamo sasudah sang mandeh manulih buku nan bajudul Kesebelasan Gen Halilintar: My Family My Team pado awal 2015. Buku nan banyak diminati publik iko bacarito tantang pasangan urang gaek nan bakarajo sabagai pengusaha jo malakuan pajalanan bisnis kaliliang dunia ka 120 nagaro mambaok sarato anak-anaknyo tanpa didampingi asisten atau pambantu.[1][2][3]
Profil
[suntiang | suntiang sumber]Ayah Gen, Halilintar lahia di Dumai pado 13 Oktober 1968 dari pasangan Asmid bin Datuk Syamsuddin Malako Kayo (ayah) jo Nurdini binti Zainuddin, kaluarga Minang parantau di Dumai asa Agam, Sumatra Barat. Asmid barasa dari Padang Tarok jo bakarjo di Accounting Department Caltex. Adapun Nurdini barasa dari Ampek Angkek lulusan Fakultas Kedokteran, Universitas Andalas. Sasudah manikah di Padang, pasangan iko marantau ka Dumai jo malahiaan Halilintar sabagai anak patamo dari anam baradiak-kakak.[4]
Mandeh Gen, Lenggogeni lahia di Pekanbaru pado 29 Oktober 1972 dari pasangan Umar Faruk bin Haji Muhd Zein jo Yulfia binti Azhari bin Abbas. Kadua urang gaek Lenggogeni barasa dari Payakumbuh. Umar marupoan tamatan Farmasi ITB. Inyo manikahi Yulfia di Bandung. Sasudah manikah, pasangan iko tingga di Palembang sabalun pindah ka Dumai. Di Dumai, Umar bakarajo di Medical Department Caltex, samantaro istrinyo malahiaan Lenggogeni sabagai anak katigo dari limo baradiak-kakak.[4]
Pasangan Halilintar jo Lenggogeni manikah pado Januari 1993 di Jakarta. Mereka basarobok sabagai sasamo mahasiswa Universitas Indonesia. Halilintar marupoan mahasiswa Fakultas Teknik UI, samantaro Lenggogeni marupoan mahasiswa Fakultas Ekonomi UI. Sangkek menikah, Halilintar baumua 24 tahun, sadangkan Lenggogeni baumua 20 tahun.[5][6]
Anggota kaluarga
[suntiang | suntiang sumber]- Halilintar Anofial Asmid (ayah, lahia 13 Oktober 1968)
- Lenggogeni Faruk (ibu, 29 Oktober 1972)
- Muhammad Attamimi Halilintar (Atta, 20 November 1994)
- Sohwa Mutamimah Halilintar (Sohwa, 25 April 1996)
- Sajidah Mutamimah Halilintar (Sajidah, 17 Juli 1997)
- Muhammad Thariq Halilintar (Thariq, 29 Januari 1999)
- Abqariyyah Mutammimah Halilintar (Abqariyyah, 13 Juli 2000)
- Muhammad Saaih Halilintar (Saaih, 16 Maret 2002)
- Siti Fatimah Halilintar (Fatim, 26 September 2003)
- Muhammad Al-Fateh Halilintar (Fateh, 25 Februari 2006)
- Muhammad Muntazar Halilintar (Muntaz, 20 Mei 2008)
- Siti Saleha Halilintar (Saleha, 1 Oktober 2010)
- Muhammad Shalaheddien El-Qathan Halilintar (Qahtan, 12 Agustus 2012)
Referensi
[suntiang | suntiang sumber]- ↑ "Inspirasi - Lenggogeni Faruk, Ibu 'Generasi Halilintar'" Republika, 19-05-2015. Diakses 31-05-2015.
- ↑ "Kesebelasan Gen Halilintar Bukan Generasi Biasa" Archived 2015-06-22 di Wayback Machine. Wanita Indonesia, 06-04-2015. Diakses 31-05-2015.
- ↑ https://www.pikiran-rakyat.com/showbiz/2015/05/31/halilintar-bangga-punya-11-anak-nan-mandiri[pranala nonaktif permanen]
- ↑ a b Lenggogeni, Faruk (2018). Kesebelasan Gen Halilintar: My Brother My Builder, Malaysia My Second Home. Gen Halilintar Media. ISBN 978-602-72143-2-3.
- ↑ https://travel.kompas.com/read/2016/01/23/162100427/Terkuak.Kunci.Sukses.Pasutri.Keliling.Dunia.Bersama.11.Anak?page=2
- ↑ "archive copy". Diarsipkan dari versi asli tanggal 2019-05-10. Diakses tanggal 2019-05-10.