Gangren Gas

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Gangren Gas marupokan salah satu bantuak gangreng nan paliang bagak nan disabekan dek infeksi bakteri marga Clostridium, tarutamo C. prefingens (welchii), karabek bakteri panyabek tetanus. Spora bakteri iko banyak tadapek di tanah dan dapek tumbuah di lingkuangan nan kurang oksigen. Gangren gas acok tajadi pado luko tusuak nan dalam, khususnyo nan kanai dek kotoran dan tapi lukonyo tu compang-campiang. Luko mode itu acok disobokan diwakatu parang atau sabagai akibek dari tindakan aborsi nan dikarajoan kurang elok. Luko-luko iko mamungkinkan tabantuaknyo ruang-ruang ketek nan bahubuangan lansuang jo udara lua, sahinggo rancak untuak patumbuahan kuman Clostridium. Biasonyo sasudah limo hari, daerah di dakek luko manjadi nyari, bangkak, dan dingin. Di dalam luko tadapek cairan nan encer, Kacoklekan, dan babaun busuak. Disobokan pulo galambuang-galambuang gas nan dibantuak dek zat racun nan dikaluaan kuman, sahinggo jaringan tampak sarupo spons.

Luko harus dibarasiahan dan jaringan jaringan nan tainfeksi dibuang. Pado kasus barek nan tajadi pasien ditampekan pado lingkuangan nan manganduang oksigen tinggi, sarupo dalam kamar hiperbarik. Dapek pulo daiagiah antitoksin polivalen nan dapek didapekan dari kudo.

Di Rumah Sakit Cipto Mangunkusumo parnah disobokan kasus ko. Kamar operasi nan tercemar karano manangani kasus ko indak buliah dipakai untuak pasien lain, karano dapek manulaan panyakik iko malalui sporanyo.[1]

Rujuakan[suntiang | suntiang sumber]

  1. Gangren Gas. Jakarta: PT Cipta Adi Pustaka. 31 Agustus 1989.