Ganepo
Ganepo atau rubik iyolah karupuak nan bawarna kuniang, babantuak dadu dan gurih wakatu di kunyah. Karupuak iko paliang lamak dimakan jo nasi atau hanyo sabagai makanan ringan sajo, raso gurih dari ganepo ko dek karano parancih nan digunoan mampunyoi kualitas nan elok dan di goreng sampai kariang, sahinggo katiko dimakan mambuek katagihan. Bahan utamo mambuek ganepo adolah parancih nan mamiliki kualitas rancak, sasudah tu dibaharasiahan dan dikarek dadu ukurannyo 2x2 cm.
Di Payakumbuah, makanan ko sibuik ganepo,[1] tapi di Pariaman jo Simabua disabuik pulo dakak-dakak.[2][3]
Caro mambuek
[suntiang | suntiang sumber]- Sadioan bahan nan ka dimasak, barupo kunyik, bawang sirah , bawang putiah, dan garam sabagai penyedap raso.
- Salanjuiknyo parancih nan alah dikarek-karek tu di goreng sampai bawarna kuniang kacoklatan, alah tu diangkek dan dipadiaan sampai dingin.
- Sasudah tu digiliang sadonyo bumbu nan alah disadioan, abih digiliang aluih sasudah tu campuan jo parancih nan alah dingin.
- Karupuak ganepo siap untuak dimakan.
Rujuakan
[suntiang | suntiang sumber]- ↑ (27 Agustus 2018) "Gurihnya kerupuk ganepo olahan singkong khas Payakumbuh". Antara Sumbar. Diakses 6 Oktober 2019.
- ↑ (25 Maret 2009) "Kriuk Renyah Dakak-Dakak Khas Pariaman". food.detik.com. Diakses 6 Oktober 2019.
- ↑ (31 Maret 2015) "Kriyuk-Kriyuk, Renyahnya Dakak-Dakak Simabua dari Sumatera Barat" Archived 2019-10-06 di Wayback Machine.. covesia.com. Diakses 6 Oktober 2019.