Gaduang Balai Kota Lamo Padang

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Gedung Balai Kota Lama Padang (bahaso Belando: Gemeentehuis Padang) adolah bangunan baarsitektur kolonial paninggalan pamerintah Hindia Belanda nan talatak di Jalan M. Yamin (sabalumnyo Jalan Raaffweg pado maso kolonial Belandi), Kota Padang, Sumatra Barat. Lataknyo bahadopan jo Plein van Rome (kini Lapangan Iman Bonjol) dan dikaliliangi dek babagai pusek parkantoran pamarintahan pado maso kolonial. Gaduang iko masih ditampeki sabagai kantua untuak Wali Kota Padang sabalum dipindahan pusek pamerintahan Kota Padang ka Aia Pacah pado 2013.

Pambangunan gaduang ko mulai dilakuan pado taun 1931 dan salasai pado taun 1936 jo biayo mancapai f 120.000. Rancangannyo dikarajokan dek Thomas Karsten, saurang arsitek dan parencana wilayah pamukiman dan pakotaan bakabangsaan Balando dari Amsterdam. Arsitekturnyo manampilkan langgam Art Deco, ditandoi jo bantuak ventilasi, jendelo, dan dindiang nan dihiasi ornamen. Di suduik bangunan nan babantuak siku tadapek sabuah manaro sagi ampek nan di ketigo sisinyo tadapek jam dindiang.

Sajarah[suntiang | suntiang sumber]

Kagiatan Pamarentah Kota Padang (pado saaik itu bastatus kota praja) pado taun 1906 tafokus hanyo pado satu bangunan, iyolah di Kantua Asisten Residen, Kawasan Muaro. Namun, kapasitas bangunan tu indak mamadai sadangkan kagiatan para abdi masyarakaik pado saat tu sangek banyak sahingga timbua kainginan untuak mambangun suatu gaduang nan labiah representatif. Pambahasan tantang pambangunan gaduang balai kota taruih bagulia sampai akhirnyo muncua kasepakekan pado taun 1910. Satalah dilakukan panghitungan anggaran, mako pambangunan dapek dilaksanokan jo anggaran sakitar f 16.000. Tingginyo anggran biayo tasabut mambuek rancana pambanguanan sampek tatundo. Pado taun 1917, kainginan untuak mambangun gaduang balai kota kambali muncua. Pamerintah satampek barancana mambali sabidang tanah untuak kantua balai kota dan pasa, tapi rancana iko kambali gagal kareno katabatehan anggaran. Pado taun 1928, aktivitas pamerintah Kota Padang dipindahan kareno kondisi gaduang nan alah indak layak pakai; untuak samanntaro manampati sabuah kantua sewaan di Sungai Bongweg atau nan saat kini balokasi di sakitar Jalan Imam Bonjol, di sampiang Masjid Nurul Iman.

Pada patangahan taun 1928, Kota Padang mangalami depresi nan baimbeh kepado turunnyo hargo tanah. Kasempatan iko dijadian sabagai motor panggarak untuak marealisasikan pambangunan gaduang balai kota sampai akhirnyo tawujuik kasepakatan dan kawasan untuak pambangunan gaduang alah salasai untuak dikarajoan. Pado taun 1936, gaduang balai kota iko salasai dibangun dan siap untuak ditampati.

Wali Kota (Burgemeester) Padang nan patamo adolah Mr. W. M. Ouwerkkerk dipiliah pado taun 1928, dan mamarintah sampai taun 1940, kamudian digantikan dek D. Kapteijn sampai masuaknyo Japang pado taun 1942. Satalah malewati sajarah panjang, kabaradaan balai kota iko manjadi salah satu dari babarapa bangunan paninggalan kolonial Belanda di Padang nan masih batahan kabaradoannyo sampai kini, samantara bangunan-bangunan lainnyo mode kantua polisi, tangsi atau penjaro nan berado di sabalahnyo, kantua pos, rumah bola, kantua talepon, dan bangunan-bangunan panting lainnyo di sakitar Plein van Rome (Lapangan Iman Bonjol sekarang) hilang indak babakeh dan tagantian jo bangunan-bangunan baru.

Maskipun gempo bumi baulang kali malando Kota Padang, bangunan iko tatap tagak jo tagok. Sairiang rancano pamindahan pusek Pamerintahan Kota Padang ka kawasan Aia Pacah di Kacamatan Koto Tangah, bangunan iko akan dijadian Heritage Museum, nan akan mamuek sajarah panjang Kota Padang dari maso ka maso.

Rujuakan[suntiang | suntiang sumber]